ZƐKARƖYA 3:4 - WƖA TENIŊ

⁴ Ŋɩɩ nɛ Wɩa tɩndaarʋ-la bʋla pɩ ʋ tɩntɩnnaa, “Má wuri ʋ gɛnnɩ-la.” Ŋɩɩ nɛ aŋ bʋla pɩ Josua ma, “Bee na mɩ laa ŋ wʋbɔŋŋɔɔ ta nɛ, mɩ jaŋ joŋ gɛnnɩŋ sɩ kɛŋ yɩrɩŋ a laalɩŋ.”

ZƐKARƖYA 3:4 ပူးပေါင်းရင်းမြစ်များ

2 SAMƲƐL 12:13

Ŋɩɩ nɛ Devit bʋla pɩ Netaŋ, “Mɩ ŋaa wʋbɔŋ nɛ La TƖƖNA lɛ.” Netaŋ bʋl, “La TƖƖNA joŋ ŋ wʋbɔŋ-la chɛŋ nɛ. Ŋ bɩ jaŋ sʋʋ.

1 KUOROO 22:19

Mɩkaaya bɩra bʋl, “Má jegile nɩɩ wɩɩ-la La TƖƖNA sɩ bʋla: Mɩ na La TƖƖNA dɩ ʋ hɔŋ ʋ kuoru kpasa nyuŋ, ka ʋ tɩndaaraa kala chɩna gollu, ʋ nadiiŋ arɩ ʋ nagʋa.

WƖA YƖƖLAA 51:9

Sɩ́ mɩ wʋbɔŋŋɔɔ beŋ. Chɛsɛ mɩ wʋbɔŋŋɔɔ kala ta.

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

AZAAYA 61:10

Mɩ tʋɔŋ tɔrɛ La TƖƖNA lɛ nɛ woruŋ mɩ jʋjʋɔsɛ Wɩa sɩpaaŋ, bɛɛ wɩaa laatanɩŋ nagɛ gɛrɩŋ nɛ ʋ joŋo laalɛmɛ tʋɔpʋla ma nagɛ gɛrɩŋ ʋ joŋo kpɩɛrɛmɛ, a nagɛ ha-falɩŋ bala sɩ kpɩɛrɛ ʋ tɩtɩa ŋɩɩ a bɩra nagɛ ba sɩ kpɩɛrɛ ha-falɩŋ,

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

JƐRƖMAAYA 52:33

Kuoro fa leŋe Jehoyachiŋ wuri ʋ dansarɩka gɛnnɩŋ ta nɛ aŋ lɩlaalɛ ʋ tɩtɩa gɛnnɩŋ, a didii kɩaa kuoro dɩa lɛ tapʋlɩɩ kala.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

ƐZƖKƖƐL 42:14

Dɩ Wɩɩsʋllɩ sɩpaalaaraa nɛ jʋʋ tɩŋ Wɩa dɩɩ-bal-la tʋɔŋ, aŋ chɩchɛ dɩ ba kʋ lɩɩ Wɩa dɩɩ-bal-la harɩŋ kaala-la, ʋ maga dɩ ba wuri gɛnnɩ-la ba sɩ laala tɩŋ La TƖƖNA sɩpaaŋ a bil dɩɩsɩ-la lɛ nɛ, bɛɛ wɩaa gɛnnɩ-la bɩ disiniŋ kɛnɛ. Ba maga ba paa gɛrɩ-wogusuŋ nɛ a laalɛ aŋ-na mʋ lee-la nɩaa sɩ hɔnɔ.”

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

MƖKA 7:19

Ŋ jaŋ bɩra fá la nenige, ŋ jaŋ nʋɔsa tɔ la wʋcheelee aŋ joŋ la wʋbɔŋŋɔɔ kala yuo hɛ mʋgʋ-balɩŋ dɩ-luŋuŋ lɛ.

ZƐKARƖYA 3:1

Ŋɩɩ nɛ Wɩa tɩndaarʋ-la dagɛmɛ Josua sɩ ŋaa Wɩɩsʋllɩ sɩpaalaaraa nɩhɩaŋ dɩ ʋ chɩŋ La TƖƖNA tɩndaarʋ-la sɩpaaŋ, ka Sɩtaanɩ chɩŋ ʋ nadiiŋ dɩ ʋ joŋ cheeriŋ pɩ Josua.

ZƐKARƖYA 3:7

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Dɩ ŋ nɛ jaŋ to mɩ wombiiŋ a ŋɩŋaa wɩalɩŋ mɩ sɩɩ chɛ, ŋɩɩ-na ŋ jaŋ bibeŋ mɩ dɩa arɩ ʋ kaalɩsɩŋ kala. Mɩ jaŋ pɩŋ dɩchɩnɩŋ nɩaa deemba kala sɩ hɛ daha tʋɔŋ.

ZƐKARƖYA 3:9

Má beŋ tabɩɩ-la mɩ sɩ joŋo bil Josua sɩpaaŋ, tabɩɩ-bala nɛ aŋ kɛŋ sɩaa balɩpɛ. Mɩ jaŋ tuuri kʋŋ a hɛ ʋ lɛ, aŋ lɩɩsɛ tinteeŋ deeŋ nɩaa wʋbɔŋŋɔɔ ta tapʋl-bala. Mɩ-na ma TƖƖNA doluŋ kala Tɩɩna nɛ bʋla.

Matiu 22:11

Ŋɩɩ nɛ kuoru-la jʋʋ dɩ ʋ na nɩalɩŋ sɩ kɔ a na baal kʋbala dɩ ʋ bɩ hajaarɩ gbiele gɛrɩŋ laala.

Luuk 1:19

Ŋɩɩ nɛ Wɩa tɩndaarʋ-la bʋla pʋ, “Mɩ yɩrɩŋ nɛ Gebiral a hɔŋ Wɩa sɛmɛ. Ʋ nɛ tɩmmɛ dɩ mɩ kʋ bʋl wʋzɔmʋŋ deeŋ a pɩŋ.

Luuk 15:22

Ama ʋ nyɩmma ha bʋla pɩ ʋ tɩntɩnnaa a bʋl, ‘Má mʋ lɩma a joŋ gɛrɩ-zɔmʋŋ a kaa kʋ laalʋ. Má joŋ nenii-pɩrɩŋ ma a hɛ ʋ nɩsɩŋ aŋ joŋ nɛntɛŋŋɛɛ ma a hɛʋ.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Rom Tɩŋŋaa 3:22

Nɩalɩŋ sɩ laa Yesu Kirisito wɩaa dii, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, ba nɛ jaŋ kɛŋ tʋɔpʋla ʋ sɩpaaŋ. Ʋ bɩ ba kaa pɔrɛ,

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Koloosi Nɩaa 3:10

aŋ lɛɛlɛ tuto mɛl-falɩɩ-la sɩ zɔmɔ. Wɩa leŋe ma waa mɛl-falɩŋ deeŋ lɛ nɛ dɩ ma wuo jɩŋ ʋ wɩaa woruŋ a kʋ nagɛ ʋ tɩtɩa nagɩsɩŋ.

Hiburu TƖŊŊAA 8:12

Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa.”

Jɔɔŋ Wʋnaalaa 5:11

Ŋɩɩ nɛ mɩ beŋ a na dɩ Wɩa tɩndaaraa bʋɩ bʋɩba bʋɩ golli kuoru kpasa-la arɩ kɩalɩŋ sɩ weye arɩ nɩhɩasɩ-la. Mɩ nɩa dɩ ba faa yɩɩ yɩɩl nɛ.

Jɔɔŋ Wʋnaalaa 7:14

Ŋɩɩ nɛ mɩ bʋla pʋ, “Ŋ nɛ jɩma, mɩ kʋhɩaŋ.” Ŋɩɩ nɛ ʋ bʋla pɩmɛ, “Nɩaa deemba nɛ Wɩa lɩɩsɛ hɛɛ-bal-la tʋɔŋ. Ba chɛsɛ ba gɛnnɩŋ Pie-bie-la chalɩŋ lɛ nɛ, ba lɩɩ a pʋllɛ.