ZƐKARƖYA 3:2 - WƖA TENIŊ

² La TƖƖNA tɩndaarʋ-la bʋla pɩ Sɩtaanɩ, “La TƖƖNA jaŋ kpɩa ŋ lɛ Sɩtaanɩ. La TƖƖNA sɩ lɩɩsɛ Jerusalɛm jaŋ kpɩa ŋ lɛ. Baala deeŋ nagɛ daaŋ fa sɩ hɛ nyiniŋ lɛ ba kaa lɩɩsɛ nɛ.”

ZƐKARƖYA 3:2 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 6:5

‘A chɩŋ bʋa-la mɩ sɩ kɛŋ mɩ nɩaa Iziral tɩŋŋaa kʋ lɩɩ Ijipiti tinteeŋ lɛ, mɩ bɩ tabal kala lɩɩsa Iziral doho doho-la tʋɔŋ dɩ ba saa mɩ dɩɩ-balɩŋ dɩ ba zizilmi nɩmɛ. Mɩ bɩ nʋʋ ma lɩɩsa dɩ ʋ ŋaa mɩ nɩaa Iziral tɩŋŋaa sɩpaalaarʋ.

2 IZIRAL TƖŊŊAA NAABARƖŊ 6:6

Ama lɛɛlɛ, mɩ lɩɩsɛ Jerusalɛm nɛ dɩ ba chʋchʋɔlɛmɛ nɩmɛ, a lɩɩsɛ Devit ma dɩ ʋ bibeŋ mɩ nɩaa Iziral tɩŋŋaa.’

WƖA YƖƖLAA 109:31

Ʋ nɛ chɩna pɔ nɩalɩŋ sɩ bɩ ba tɩtɩa lɛ wuo pɛ, a laaba ta nɩalɩŋ sɩɩ kpʋba nɩsɩŋ lɛ.

AZAAYA 7:4

Bʋla pʋ, dɩ ʋ fɩɛlɛ ʋ sɩaa a leŋ dɩ ʋ yaraa pɛ dɔŋɔ lɛ a sɩ́ leŋe dɩ fawʋllʋŋ kɛnʋ dɩ ʋ nandaasɩŋ yʋɔrɛ. Bɛɛ wɩaa, baaŋ-la Reziŋ arɩ Siiria tɩŋŋaa arɩ Remalia nanʋala Pɛka sɩ faasa na bɩ kʋŋkala ŋaa, ʋ nagɛ nyiniŋ sɩ hɛ daa-kuuŋ lɛ a chɩchɛ ʋ dɩsɛ nɛ.

DANƖƐL 12:1

Ŋɩɩ nɛ kʋ-la sɩ nagɛ nuhuobiine a laalɛ gɛrɩpɛ fʋfʋlʋŋ gɛrɩŋ bɩra bʋl, “Bʋa-la lɛ Wɩa tɩndaarɩ-hɩaŋ-la ba sɩɩ yɩrɛ Maakɩl, nɩɩ-la sɩɩ pɔ ŋ nɩaa jaŋ kʋ lɩɩ. Bʋa-la lɛ hɛɛŋ jaŋ hɛ nɩmɛ. Wɩa sɩ ŋaa dʋnɩa a kaa kɔ bʋa-la lɛ hɛɛ-la doho ha bɩ jʋa aŋ ka. Ama ŋ nɩalɩŋ kala yɩraa sɩ hɛ mɩɩsɩŋ teŋ-la tʋɔŋ, ba jaŋ laaba ta.

AMƆS 4:11

Mɩ chei ma dɔnsʋŋ arɩ mɩ fa sɩ chei tasɩ-la ba sɩɩ yɩrɛ Sodom arɩ Gomora ŋɩɩ nɛ. Ma fa nagɛ daasɩŋ sɩɩ dii nyiniŋ nɛ, mɩ kɛmma tɩɛrɛ nyiŋ-la lɛ. Ka ma ha vɩa dɩ ma mɩɩra kɔ mɩ teeŋ. Mɩ-na ma Tɩɩna nɛ bʋla.

ZƐKARƖYA 1:17

Ha heele bʋl: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: ‘Dʋa jaŋ bɩra yʋgɛ mɩ tasɩŋ lɛ. Mɩ-na ma TƖƖNA jaŋ nyagɛ Zaayɔŋ bɔyɛ, aŋ lɩɩsɛ Jerusalɛm dɩ ʋ ŋaa mɩ tabalɩŋ.’ ”

ZƐKARƖYA 2:12

La TƖƖNA jaŋ laa Juda tɩɩ dɩ ʋ ŋaa ʋ kpaalɩŋ tintee-la sɩ bɩ disiniŋ kɛnɛ lɛ, aŋ bɩra lɩɩsɛ Jerusalɛm dɩ ʋ ŋaa tabal-la ʋ sɩ cho.

Maak 1:25

Yesu kpɩa jɩŋ-bɔŋ-la lɛ, “Kɛŋ goŋ aŋ kʋ lɩɩ baal-la lɛ.”

Maak 9:25

Yesu sɩ na dɩ nɩ-daŋ fa kʋ hihilimiba, ʋ kpɩa jɩŋ-bɔŋ-la lɛ, “Jɩŋ-taŋɩɩ, mɩ nɛ bʋla, kʋ lɩɩ bile lɛ. Pʋpɔ dɩ ŋ maachie bɩra sɩ́ ʋ jʋʋ.”

Luuk 22:32

Ama mɩ chʋɔlɛ Wɩa pɩ ŋ-na Saamɔŋ nɛ dɩ ŋ Wɩa laa diiniŋ sɩ́ lɛl. Dɩ ŋ nɛ mɩɩra kɔ mɩ teeŋ, pɛ ŋ naambiiriŋ ma lɛ dɩ ba chɩŋ ba sɩ laa Wɩa dii naaŋ lɛ woruŋ.”

Luuk 4:35

Yesu sɩ nɩɩ wɩalɩŋ baal-la sɩ bʋla, ʋ kpɩa jɩŋ-bɔŋ-la lɛ, “Kɛŋ goŋ aŋ kʋ lɩɩ baal-la lɛ.” Jɩŋ-bɔŋ-la ŋaa baal-la tel ba kala sɩpaaŋ aŋ lɩɩ baal-la lɛ, a bɩ ʋ pɩra.

Luuk 9:42

Bile sɩɩ mʋ ŋɩɩ, jɩŋ-bɔŋ-la ŋmobu lo tinteeŋ ʋ terigi. Ŋɩɩ nɛ Yesu kpɩa jɩŋ-bɔŋ-la lɛ dɩ ʋ lɩɩ bile lɛ. Ʋ lɩɩ, ka bile duori, Yesu joŋu pɩ ʋ nyɩmma.

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.

Rom Tɩŋŋaa 16:20

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

Rom Tɩŋŋaa 8:33

Kʋbɛɛ nɛ saa jaŋ bɩra joŋ cheeriŋ a pɩ nɩalɩŋ Wɩa sɩ lɩɩsa? Wɩa tɩtɩa nɛ leŋe ba kɛŋ tʋɔpʋla ʋ sɩpaaŋ.

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.

Juud 1:23

Nɩalɩŋ sɩɩ jʋʋ Wɩa nyiniŋ, má lorigo laaba ta. Nɩaa dɔnsʋŋ ma hɛ nɩmɛ sɩ maga dɩ ma fá Wɩa aŋ fá ba nenige, ama má kɛŋ ma tɩtɩa dɩ ba wʋbɔmɔ-la sɩ́ ma chol.

Juud 1:9

Ama bʋa-la lɛ Wɩa tɩndaaraa kʋhɩaŋ ba sɩɩ yɩrɛ Maakɩl, arɩ Sɩtaanɩ fa sɩ kɛŋ Mosis kʋsʋʋŋ wɩaa yuyuo dɔŋɔ, Maakɩl bɩ wɩɩkala bʋla chei Sɩtaanɩ tʋɔŋ, ama ʋ ta bʋl nɛ arɩ La Tɩɩna Wɩa jaŋ dɔgɩsʋ.

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”