ZƐKARƖYA 3:1 - WƖA TENIŊ

¹ Ŋɩɩ nɛ Wɩa tɩndaarʋ-la dagɛmɛ Josua sɩ ŋaa Wɩɩsʋllɩ sɩpaalaaraa nɩhɩaŋ dɩ ʋ chɩŋ La TƖƖNA tɩndaarʋ-la sɩpaaŋ, ka Sɩtaanɩ chɩŋ ʋ nadiiŋ dɩ ʋ joŋ cheeriŋ pɩ Josua.

ZƐKARƖYA 3:1 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

WƖAA DƖ-SUOMUŊ 48:16

Dɩ Wɩa tɩndaarʋ-la sɩ lɩɩsɛmɛ mɩ wʋjʋʋlaa kala lɛ pɛ hambiisiŋ deemba lɛ, a leŋ dɩ mɩ yɩrɩŋ yɩrɛ, dɩ mɩ nyɩmma Abɩraham arɩ Aɩzɩk yɩrɩŋ ma yɩrɛ, a ŋaa dɩ ba pʋŋ a su tinteeŋ kala.”

1 IZIRAL TƖŊŊAA NAABARƖŊ 21:1

Bʋa kʋbala lɛ Sɩtaanɩ chɩchɛ dɩ ʋ hɛ wɩaa Iziral tɩŋŋaa lɛ, a yigi Devit hɛ dɩ ʋ dɩɩsɛba.

2 IZIRAL TƖŊŊAA NAABARƖŊ 29:11

Mɩ biiriŋ, má sɩ́ ma tɩntɩŋŋaa vɩa ta. Ma nɛ nɩalɩŋ La TƖƖNA sɩ lɩɩsa dɩ ma hɛ ʋ sɩpaaŋ, a tɩma pʋpʋ, aŋ laa nɩaa sɩpaaŋ dɩ ma chʋchʋɔlʋ, aŋ nyɩgɛ kʋsʋɔrʋsʋŋ pʋpʋ.”

ƐZƖRA 10:18

Wɩɩsʋllɩ sɩpaalaaraa doho nɩaa tʋɔŋ, nɩaa deemba nɛ jaa tintee-wogusuŋ toloo: Jozadak nanʋala Jesua arɩ ʋ naambiiriŋ doho nɩaa tʋɔŋ, Maasɛya, Elieza, Jarɩb arɩ Gedalia.

ƐZƖRA 2:2

Ba sɩpaalaaraa nɛ fa ŋaa: Zerubabɛl, Jesua, Nɛhɩmaaya, Sɛraaya, Relaaya, Modikaaya, Bɩlɩsaŋ, Mɩsɩpaa, Bɩgɩvaɩ, Rehum arɩ Baana. Iziral tɩmma-la sɩ lɩɩ yoŋ-baga a kɔ arɩ ba doho nɩaa niiŋ nɛ ŋ-la:

ƐZƖRA 5:2

Ŋɩɩ nɛ Sɩalɩtɩɛl nanʋala Jerubabɛl arɩ Jozadak nanʋala Jesua sii dɩ ba wasa saa Wɩa dɩɩ-bal-la sɩ hɛ Jerusalɛm lɛ. Wɩa wʋlaabʋlla-la ma fa hɛ nɩmɛ a pɩpɛ ba lɛ.

WƖA YƖƖLAA 106:23

Ŋ sɩ na baanɩŋ ŋ nɩaa nyuŋ a chɩchɛ ŋ cheiba, ŋ tɩntɩnna Mosis, nɩɩ-la ŋ sɩ lɩɩsa ʋ ŋaa ba sɩpaa-laarʋ, ʋ nɛ sii chɩŋ ŋ sɩpaaŋ a sʋlʋŋ, dɩ ŋ sɩ́ ba chei.

WƖA YƖƖLAA 109:6

Chɛ nɩbɔŋ dɩ ʋ chɩŋ mɩ dʋndɔmɔ lɛ, a bʋl ʋ teeŋ,

JƐRƖMAAYA 15:19

Ŋɩɩ wɩaa, wɩɩ-la La TƖƖNA sɩ bʋla pɩ Jɛrɩmaaya nɛ ŋ-la: “Dɩ ŋ nɛ bɩrɩma lɩɩ ŋ wʋbɔŋŋɔɔ ŋaanɩŋ lɛ, mɩ jaŋ leŋ dɩ ŋ bɩra kʋ tɩma pɩpɩmɛ. Dɩ ŋ nɛ jaŋ leŋ wʋtɔɔnʋŋ bʋlʋŋ, aŋ bʋbʋl wɩaa sɩ kɛŋ bʋbʋɔŋ, ŋ jaŋ ŋaa mɩ wʋlaabʋllʋ. Leŋ dɩ nɩaa deemba nɛ mɩɩra kʋ toŋ, ama ʋ bɩ maga dɩ ŋ nɛ toba.

ƐZƖKƖƐL 44:11

Ba jaŋ wuo tɩtɩŋ mɩ dɩɩ-bal-la boi-baalaa lɛ, a wuo kpʋkpʋ kʋnyɩgaa Wɩɩsʋlʋŋ pʋsʋŋ arɩ pʋsʋŋ dɔnsʋŋ nɩalɩŋ sɩ kaa kɔ a tɩmaa pɩba.

ƐZƖKƖƐL 44:15

Ama Levi tɩmma-la sɩ ŋaa Zadɔk doho nɩaa a ŋaa Wɩɩsʋllɩ sɩpaalaaraa, nɩalɩŋ sɩ to wʋtɩtɩɩ a tɩŋ mɩ dɩa-la tɩntɩŋŋaa bʋa-la lɛ Iziral tɩŋŋaa kala sɩ vɩamɛ, ba-na jaŋ chɩŋ mɩ sɩpaaŋ a joŋ Wɩɩsʋlʋŋ pʋsʋŋ nʋʋŋ arɩ chalɩŋ a ŋaa Wɩɩsʋlʋŋ pɩpɩmɛ. Mɩ-na ma TƖƖNA Wɩɩjarɩbakɔ nɛ bʋla.

HAGAƖ 1:1

Daarus sɩ dii Pɛsɩa tinteeŋ kuoru-balɩŋ, ʋ jɩ-lɩa, chɛŋ-dʋ tapʋl-bumbuŋ lɛ nɛ, La TƖƖNA to ʋ wʋlaabʋlla Hagaɩ lɛ a bʋl wɩaa pɩ Zerubabɛl arɩ Josua. Zerubabɛl nɛ fa ŋaa nɩɩ-la sɩɩ beŋ Juda tinteeŋ, ʋ nyɩmma nɛ Sɩalɩtɩɛl. Josua ma nɛ fa ŋaa Wɩɩsʋllɩ sɩpaalaaraa nɩhɩaŋ, ʋ ma nyɩmma nɛ Jehozadak.

HAGAƖ 1:12

Ŋɩɩ nɛ Sɩalɩtɩɛl nanʋala Zerubabɛl arɩ Jehozadak nanʋala Josua sɩ ŋaa Wɩɩsʋllɩ sɩpaalaaraa nɩhɩaŋ arɩ nɩkaana-la kala sɛɩ ba TƖƖNA Wɩa niiŋ arɩ wɩalɩŋ Wɩa wʋlaabʋlla Hagaɩ sɩ bʋla, bɛɛ wɩaa ba TƖƖNA Wɩa nɛ tɩmʋ. Ŋɩɩ nɛ nɩalɩŋ fa fɩfá La TƖƖNA.

HAGAƖ 2:4

La TƖƖNA bɩra sɩ, “Zerubabɛl, kɛŋ bɔɩ-duoŋ a tɩŋ, Jehozadak nanʋala Josua ma sɩ ŋaa Wɩɩsʋllɩ sɩpaalaaraa nɩhɩaŋ, ŋ ma kɛŋ bɔɩ-duoŋ a tɩŋ. Ma nɩkaana-la kala sɩ hɛ tintee-la lɛ, má ma kɛŋ bɔɩ-duoŋ a tɩŋ. Mɩ hɛ ma teeŋ nɛ, mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 1:13

Ŋɩɩ nɛ La TƖƖNA fɩɛlɛ bʋl wɩaa sɩ zɔmɔ a tutuu tʋɔŋ a pɩ ʋ tɩndaarʋ-la sɩɩ bʋl wɩaa mɩ teeŋ.

ZƐKARƖYA 1:19

Ŋɩɩ nɛ mɩ pɩɛsɛ Wɩa tɩndaarʋ-la sɩɩ bʋl wɩaa mɩ teeŋ, “Bɛɛ kɩaa nɛ ŋ-la?” Ʋ bʋla pɩmɛ, “Nyilliŋ deemba nɛ pɩsɛ Juda, Iziral arɩ Jerusalɛm nɩaa ŋɩɩ.”

ZƐKARƖYA 1:9

Ŋɩɩ nɛ mɩ pɩɛsɛ, “Mɩ nɩhɩaŋ, bɛɛ kɩaa nɛ ŋ-la?” Wɩa tɩndaarʋ-la fa sɩɩ bʋl wɩaa mɩ teeŋ bʋl, “Mɩ jaŋ dagɩŋ kɩalɩŋ ba sɩ ŋaa.”

ZƐKARƖYA 2:3

Ŋɩɩ nɛ Wɩa tɩndaarʋ-la fa sɩɩ bʋl wɩaa mɩ teeŋ viviiri, Wɩa tɩndaara dɔŋɔ kʋ chemu

ZƐKARƖYA 3:8

Josua, Wɩɩsʋllɩ sɩpaalaaraa nɩhɩaŋ arɩ ŋ tɩntɩnnɩ dɔsʋ-la sɩ hɔŋ ŋ sɩpaaŋ, ma ŋaa magɩl nɛ aa dagɛ wɩalɩŋ maachie sɩ jaŋ kɔ. Má jegile nɩɩ: Mɩ jaŋ kɛŋ mɩ tɩntɩnna ba sɩɩ yɩrɛ Naakeliŋ a kaa kɔ.

ZƐKARƖYA 4:14

Ŋɩɩ nɛ ʋ bʋl, “Kɩaa deemba balɩa ŋaa nɩa nɛ Wɩa lɩɩsɛ dɩ ba tɩma pɩpɩ ʋ-na La TƖƖNA sɩ tɩɩ dʋnɩa kala.”

ZƐKARƖYA 6:11

Kɛŋ hɔpʋla-la arɩ sɛlɩmɛ-la a ŋaa kuoru nyunchuulo a joŋo chu Jehozadak nanʋala Josua sɩ ŋaa Wɩɩsʋllɩ sɩpaalaaraa nɩhɩaŋ.

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Luuk 21:36

Má pɔ a chʋchʋɔlɛ Wɩa bʋa na-kala lɛ. Dɩ ma nɛ ŋaa ŋɩɩ, ma jaŋ kɛŋ doluŋ a lɩɩ wɩalɩŋ kala sɩ jaŋ ŋaa lɛ arɩ yarɩfɩɛlaa a wuo chɩŋ mɩ-na Nuhuobiine Bie sɩpaaŋ.”

Luuk 22:31

Ŋɩɩ nɛ Yesu bʋla pɩ Saamɔŋ Pɩɩta, “Saamɔŋ, Saamɔŋ, Sɩtaanɩ laa wombiiŋ nɛ dɩ ʋ magɩsɛ ma kala, dɩ ʋ pɔrɛ nɩzɔŋŋɔɔ nɩbɔŋŋɔɔ lɛ, a nagɛ paara sɩ yie chaarɛ mɩɩ-jɔrʋŋ ta, aŋ ka mɩɩ-biiŋ ŋɩɩ.

MOSIS BƖRA WULLI WƖA WOMBIIŊ 10:8

Peel-la nyuŋ nɛ La TƖƖNA lɩɩsɛ Levi doho nɩaa baalaa, dɩ ba nɛ chʋchʋŋ Wɩa niiriŋ daga-la aŋ tɩtɩŋ Wɩa dɩa tɩntɩŋŋaa a sʋl Wɩa pɩpɩ Iziral tɩŋŋaa. Ba tɩntɩŋŋaa nɛ ha ŋɩɩ arɩ jɩnɩŋ kala.

MOSIS BƖRA WULLI WƖA WOMBIIŊ 18:15

Ma TƖƖNA Wɩa jaŋ lɩɩsɛ nʋʋ ma naambiiriŋ tʋɔŋ a pɩma dɩ ʋ ŋaa ʋ wʋlaabʋlla a nagɛ mɩ-na Mosis. Ʋ maga dɩ má jegile nɩnɩɩ ʋ teeŋ.

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

1 SAMƲƐL 6:20

Ŋɩɩ nɛ Bɛf Sɛmɛs tɩŋŋaa pɩɛsɛ dɔŋɔ, “Kʋbɛɛ nɛ jaŋ wuo chɩŋ La TƖƖNA Wɩa deeŋ sɩ bɩ disiniŋ kɛnɛ sɩpaaŋ? Kʋbɛɛba teeŋ nɛ Wɩa niiriŋ daga deeŋ jaŋ mʋ lɛɛlɛ?”