ZƐKARƖYA 2:8 - WƖA TENIŊ

⁸ Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, “Ʋ sɩ zilmi harɩŋ lɛ nɛ, ʋ tɩmmɛ tinteye-la sɩ yuo paa ma kɩaa teeŋ. Nɩɩ-la kala sɩ digima, ʋ tʋʋ mɩ-na Wɩa sɩɩŋ lɛ nɛ ŋɩɩ.

ZƐKARƖYA 2:8 ပူးပေါင်းရင်းမြစ်များ

WƖAA DƖ-SUOMUŊ 20:6

Ŋɩɩ nɛ Wɩa bɩra bʋla pʋ duoso-la tʋɔŋ, “Mɩ jɩma ŋ bɩ wɩɩkala cheye, ŋɩɩ nɛ tɩɩ mɩ bɩ leŋe ŋ digi tolo-la dɩ ŋɩɩ ŋaa wʋbɔŋ.

2 KUOROO 24:2

Bʋa-la lɛ nɛ La TƖƖNA leŋ Babɩlɔŋ nɩaa, Siiria tɩŋŋaa, Mʋab tɩŋŋaa arɩ Amɔŋ tɩŋŋaa kʋ yuo a chei Juda tinteeŋ, arɩ La TƖƖNA fa sɩ to ʋ wʋlaabʋllaa lɛ a bʋl ŋɩɩ.

WƖA YƖƖLAA 17:8

Pɔmɛ arɩ ŋ sɩ jaŋ pɔ ŋ tɩtɩa sɩɩ-biiŋ ŋɩɩ. Kɛmmɛ faa ŋ kɩŋkɛnsɩŋ bʋbʋɔŋ.

NAMAGABA 7:2

Ŋɩŋaa wɩalɩŋ mɩ sɩ daga, dɩ ŋɩɩ leŋ dɩ ŋ kɛŋ mɩɩsɩŋ. Leŋ dɩ mɩ niiŋ wɩaa nɛ ŋaa ŋ sɩɩfɩaŋ kʋa.

AZAAYA 49:19

Ŋ tinteeŋ fa wuolo nɛ a pɩŋ jikpeeŋ, ama lɛɛlɛ ʋ jaŋ ŋaa kʋbie ŋ teeŋ a tɩŋ nɩalɩŋ sɩɩ kɔ dɩ ba hɔŋ nɩmɛ wɩaa. Nɩalɩŋ sɩ yigiŋ lo jaŋ leŋiŋ aŋ mʋ dɩ-bolii.

JƐRƖMAAYA 12:14

Wɩɩ-la La TƖƖNA sɩ bʋla nɛ ŋ-la: “Nɩbɔmɔ-la sɩ jʋʋ kpɩkpagɛ mɩ nɩaa Iziral tɩŋŋaa, a kɛŋ dʋa-la mɩ sɩ joŋo pɩba kaa laa, mɩ jaŋ churi nɩbɔmɔ-la ba tinteeŋ lɛ a nagɛ mɩ sɩ churi Juda nɩaa ba tinteeŋ lɛ ŋɩɩ.

JƐRƖMAAYA 27:7

Tinteyee kala jaŋ tɩma pɩ ʋ dɩ ʋ nanʋala arɩ ʋ nihiŋ see dɩ bʋa-la ʋ tɩtɩa tinteeŋ sɩ jaŋ tel yie, ŋɩɩ lɛ nɛ tintee daŋ arɩ kuori-balaa jaŋ yuo diiu dɩ ʋ tɩmaa pɩba.

ƐZƖKƖƐL 25:12

“Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ɛdɔm nɩaa sɩ ŋaa wɩaa a tiŋ chɩmɩŋ Juda nɩaa lɛ ŋɩɩ, ba laa cheeriŋ nɛ.

ƐZƖKƖƐL 25:15

“Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Fɩlɩsɩtɩa tɩŋŋaa sɩ kɛŋ tʋɔŋ arɩ Juda nɩaa faafaa kala ŋɩɩ, ba ŋaa wɩaa ba lɛ nɛ a tiŋ chɩmɩŋ a cheiba.

ƐZƖKƖƐL 26:2

“Nuhuobiiŋ, a tɩŋ taŋ-la ba sɩɩ yɩrɛ Taaya tʋɔŋ sɩ tɔrɛ Jerusalɛm sɩ tele wɩaa ʋ bʋl, ‘Aŋ haa, boi-baal-la ba sɩ to mʋmʋ tinteyee boro nɛ, ʋ borusuŋ suro chɩŋ a pɩmɛ, lɛɛlɛ ʋ pɩŋ jikpeeŋ nɛ, mɩ jaŋ kuori.’

ƐZƖKƖƐL 26:20

Mɩ jaŋ leŋ dɩ ŋ mʋ lɛlɛɛ-jaŋ a pɛ faafaa nɩaa tʋɔŋ. Mɩ jaŋ leŋ dɩ ŋ hɛ bʋa tʋɔŋ. Ŋ bɩra bɩ jaŋ wuo guoli nɩweyee tʋɔŋ.

ƐZƖKƖƐL 35:5

Ma joŋ Iziral tɩŋŋaa ba ŋaa ma dʋndɔŋ-bɩnɩa nɛ, ma fa leŋe ba kpʋba nɛ bʋa-la lɛ wʋlɔrʋnʋŋ sɩ jʋʋba, mɩ dʋdɔgɩsɛba a tɩŋ ba wʋbɔŋŋɔɔ wɩaa.

ƐZƖKƖƐL 36:11

Mɩ jaŋ leŋ dɩ ma nɩaa arɩ ma pʋsʋŋ pʋŋ. Ma jaŋ yʋgɛ a kɩɩ ŋɩɩ ma fa sɩ maga, dɩ ma biiriŋ ma pʋŋa pɛ. Mɩ jaŋ leŋ dɩ ma hɔŋ nɩmɛ arɩ ma fa sɩ hɔŋ ŋɩɩ, a dʋa kɩaa a kɩɩ ŋɩɩ ma fa sɩ kɛnɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

ƐZƖKƖƐL 38:11

Ŋ jaŋ bʋl, ‘Mɩ jaŋ mʋ yuo tintee-la nɩaa tabiisiŋ ba sɩ bɩ kɛrɛ saa golli, mɩ jaŋ mʋ yuo nɩa sɩ fɩɛla hɔŋ wɩɩ bɩ baa walɩmɛ, a bɩ kɛrɩsɩŋ saa golli ba tasɩŋ, a bɩ boi-baalaa kɛnɛ a kɛŋ doloo tʋtɔ.

ƐZƖKƖƐL 38:14

Ŋɩɩ wɩaa nuhuobiiŋ, bʋl wɩaa mɩ doluŋ lɛ a pɩ Gɔg. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Bʋa-la lɛ mɩ nɩaa Iziral tɩŋŋaa sɩ jaŋ hɔŋ a ta jɩa, ŋ jaŋ na.

AMƆS 1:11

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Ɛdɔm nɩaa a tɩŋ ba wʋbɔŋ dandaŋ-la wɩaa. Ba baanɩŋ sɩ sie a faasa hosi, ba bɩ wuo kɛŋ ba tɩtɩa aŋ kire to kpʋ ba naambiiriŋ Iziral tɩŋŋaa a bɩ ba nenige fá.

AMƆS 1:13

Wɩɩ-la La Tɩɩna bɩra sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Amɔŋ nɩaa a tɩŋ ba wʋbɔŋ dandaŋ-la wɩaa. Ba sɩɩ yuo laalɩŋ dɩ ba kɛŋ ba tinteeŋ bʋa jallɛ pɛ, ŋɩɩ nɛ ba kɛsɛ Gɩlɩad tɩŋŋaa hapuugoo a kpɛrɛ chaarɛ ba biiriŋ ta.”

AMƆS 1:9

Wɩɩ-la La TƖƖNA bɩra sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Taaya nɩaa a tɩŋ ba wʋbɔŋ dandaŋ-la wɩaa. Ba kɛsɛ ta-pilimee nɩaa nɛ a yalla pɩ Ɛdɔm tɩŋŋaa ba ŋaa yosi, aŋ bɩ naambii nii-la sɩ hɛ ʋ dɩ ba pɛgɛ kaa tɩŋ.

MƖKA 4:11

Bʋa deeŋ lɛ tinteyee yʋga nɛ, a kʋ hɛ dɔŋɔ lɛ dɩ ba yuoma. Ba sɩ, ‘Má leŋ dɩ la cheyu, má leŋ dɩ la na dɩ Zaayɔŋ pɩŋ jikpeeŋ.’

MƖKA 5:6

Ba jaŋ yuo dii Asiiria tinteeŋ, a jaŋ chei Nɩmɩrɔd tintee-la. Ba jaŋ laala ta Asiiria tɩŋŋaa nɩsɩŋ lɛ, dɩ ba nɛ kʋ jʋʋ la tinteeŋ a yuyuola.

MƖKA 7:10

Mɩ dʋndɔmɔ jaŋ na wɩɩ-la dɩ hɩɩsɩŋ kɛnʋ. Nɩɩ-la sɩ pɩɛsɛmɛ, “Nɩɩ nɛ ŋ TƖƖNA Wɩa hɛ?” Mɩ sɩɩŋ jaŋ na ʋ teliŋ, dɩ ba nʋɔsʋ a nagɛ vʋchɔɔŋ sɩ hɛ womporuŋ lɛ.

HABAKU 2:17

Ŋ sɩ keri Lɛbanɔŋ duuŋ ŋɩɩ, ba jaŋ chei ŋ ma, pʋsʋ-la ŋ sɩ kpʋa jaŋ leŋ dɩ fawʋllʋŋ jʋʋŋ kɩŋkɛŋ, bɛɛ wɩaa ŋ kpʋ nɩaa nɛ, a chei tinteyee arɩ tabalaa arɩ nɩalɩŋ kala sɩ hɛ ba lɛ.”

HABAKU 2:8

bɛɛ wɩaa, ma fa yuo laa ta-gentiŋ-daŋ nɩaa kɩaa nɛ. Nɩalɩŋ sɩ ka, ma jaŋ yuo laa ma kɩaa. Ma fa kpʋ nɩaa nɛ. Ma fa chei tinteyee arɩ tabalaa arɩ nɩalɩŋ sɩ hɛ ba lɛ nɛ.

ZEFANAAYA 2:8

La TƖƖNA sɩ, “Mɩ nɩɩ jomo-la Mʋab tɩŋŋaa fa sɩ tʋʋsɛ mɩ nɩaa arɩ ŋɩɩ Amɔŋ tɩŋŋaa sɩ sieri mɩ nɩaa lɛ nɛ. Ba tʋʋsɛ mɩ nɩaa a fugisiba nɛ arɩ ba jaŋ kɛŋ ba tinteeŋ laa.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

ZƐKARƖYA 2:9

Mɩ jaŋ sɛnɛ lɩɩsɛ mɩ nɩsɩŋ liesiba, dɩ ba tɩtɩa yosuŋ yuo diiba a paa ba kɩaa. Ŋɩɩ lɛ nɛ ma jaŋ jɩŋ arɩ La TƖƖNA doluŋ kala Tɩɩna nɛ tɩmmɛ.”

ZƐKARƖYA 8:5

Hambolibiisiŋ arɩ hantolibiisiŋ jaŋ su tabal-la womporunuŋ a gbigbieli.”

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Matiu 25:40

Mɩ-na Kuoro jaŋ bʋla pɩba, ‘Wʋtɩtɩɩ nɛ mɩ bʋlaa pɩma, bʋa-la kala lɛ ma sɩ ŋaa wʋzɔmʋŋ a pɩ mɩ naambiiriŋ deemba tʋɔŋ nɩɩ-la sɩ bɩ lee kɛnɛ, ma ŋaa ŋɩɩ pɩmɛ nɛ.’

Matiu 25:45

Mɩ jaŋ bʋl, ‘Wʋtɩtɩɩ nɛ, bʋa-la kala lɛ ma sɩ vɩa dɩ ma pɛ nɩɩ-la sɩ bɩ lee kɛnɛ mɩ nɩaa tʋɔŋ, ma vɩa dɩ ma pɛ mɩ ma lɛ nɛ ŋɩɩ.’

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 17:18

Ŋ nɛ tɩmmɛ dʋnɩa nɩaa teeŋ, ŋɩɩ tɩtɩa nɛ mɩ ma tɩmba dʋnɩa nɩaa teeŋ.

Tɩntɩŋŋaa 9:4

Ʋ tuu tel tinteeŋ. Ka ʋ nɩɩ nʋʋ yikoro. Ʋʋ bʋl ʋ teeŋ, “Sɔɔl, Sɔɔl, bɛɛ nɛ tɩɩ ŋ to naasɩŋ a dʋdɔgɩsɛmɛ ŋ-la?”

MOSIS BƖRA WULLI WƖA WOMBIIŊ 32:10

Ʋ na Iziral tɩŋŋaa tintee-hɩlɩŋ lɛ nɛ, tintee-la sɩ bɩ kʋŋkala kɛnɛ, ka peliŋ huhuuri. Ŋɩɩ nɛ ʋ chu tɔba a bemba woruŋ, a pɔba a nagɛ jimiŋ sɩ chu tɔ ʋ halaa,

2 Tɛsalonaaka Nɩaa 1:6

Wɩa kɛŋ wʋtɩtɩɩ, ʋ jaŋ dɔgɩsɛ nɩalɩŋ sɩ dɔgɩsɛma a magɛ ŋɩɩ kala ba sɩ dɔgɩsɛma magɛ.

1 Jɔɔŋ 4:14

La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.