ZƐKARƖYA 2:6 - WƖA TENIŊ

⁶ La TƖƖNA sɩ, “Má kɔ, má kɔ. Má fá lɩɩ wɩɩpɔsʋŋ nagʋa tinteeŋ lɛ. Mɩ kɛmma pɩsa hɛ dʋnɩa loŋgorunuŋ banɛsɛ-la lɛ nɛ.

ZƐKARƖYA 2:6 ပူးပေါင်းရင်းမြစ်များ

WƖAA DƖ-SUOMUŊ 19:17

Ba sɩ kɛmba lɩɩ dɛrɛ, ŋɩɩ nɛ Wɩa tɩndaara-la dɔŋɔ bʋla pɩba, “Má fá a laa ma mɩɩsɩŋ! Má sɩ́ harɩŋ daasʋ, a sɩ́ lee-kala ma chɩŋ! Má fá jɩl peele-la nyuŋ, dɩ ŋɩɩ dee ma jaŋ sʋʋ.”

WƖA YƖƖLAA 44:2

Ŋ kɛŋ ŋ naduo-la nɛ kiri tinteyee nɩaa ta aŋ leŋ la naabalɩmaba hɔŋ ba tinteeŋ lɛ. Ŋ leŋe wɩaa jʋʋ nɩalɩŋ nɛ, ka la naabalɩmaba dʋa woruŋ.

AZAAYA 48:20

Má lɩɩ Babɩlɔŋ lɛ, má fá kagɛ Babɩlɔŋ tɩŋŋaa lɛ. Má heele bʋl arɩ tʋɔtɔrʋŋ: ‘La TƖƖNA laa ʋ nɩaa Iziral tɩŋŋaa ta nɛ.’ ” Má leŋ dɩ dʋnɩa sɛmɛ na-kala nɩɩ.

AZAAYA 55:1

La TƖƖNA bɩra sɩ, “Ma nɩalɩŋ kala lɩɩnyʋasʋŋ sɩ kɛnɛ, má kʋ nyʋa lɩɩŋ. Ma nɩalɩŋ ma sɩ bɩ moribiee kɛnɛ, má kʋ dii kɩaa. Má kʋ nyʋa tɩɩnɛnɛɛ sɩnɩŋ arɩ nayɩlɩŋ, ma bɩ jaŋ tiŋ kʋŋkala.

JƐRƖMAAYA 1:14

La TƖƖNA bʋla pɩmɛ, “Wʋlɔrʋŋ jaŋ lɩɩ wɩɩpɔsʋŋ nagʋa a kʋ jʋʋ nɩalɩŋ kala sɩ hɛ tintee-la lɛ.

JƐRƖMAAYA 15:4

Mɩ jaŋ ŋaa dɩ ba nagɛ kʋŋ sɩɩ sʋɔrʋ dʋnɩa kuoroo kala teeŋ, a tɩŋ wɩalɩŋ Hezikaaya nanʋala Manasɛ sɩ dii Juda tinteeŋ kuoruŋ a ŋaa Jerusalɛm lɛ wɩaa.

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 31:10

Tinteyee nɩaa, má jegile nɩɩ mɩ-na ma TƖƖNA wɩaa. Má heele bʋlba a pɩ nɩalɩŋ sɩ hɔŋ mʋgʋ-balɩŋ niiŋ dɩ-bolii. Mɩ-na nɛ kɛŋ Iziral tɩŋŋaa pɩsɛ, mɩ saa jaŋ bɩra kɛmba kʋ hɛ dɔŋɔ. Mɩ jaŋ beŋ mɩ nɩaa nyuŋ a nagɛ pie-daara sɩɩ beŋ ʋ piesee ŋɩɩ.”

JƐRƖMAAYA 31:38

La TƖƖNA bɩra sɩ, “Tapʋlaa ka kɔ nɛ, ba sɩ jaŋ wasa saa tabalɩŋ deeŋ a pɩmɛ, a chɩŋ Hananɛl dɩɩ-leŋii-la lɛ a kaa mʋ yi boi-baal-la sɩ hɛ je-gʋnʋŋ lɛ.

JƐRƖMAAYA 31:8

Má bee na, mɩ jaŋ kɛmba lɩɩ wɩɩpɔsʋŋ nagʋa tinteeŋ dɩɩrɩŋ a kɔ, mɩ jaŋ kɛmba lɩɩ dʋnɩa sɛmɛ na-kala a kʋ hɛ dɔŋɔ. Nyʋlɩmaa arɩ gbɛrɩgɛɛ jaŋ hɛ ba tʋɔŋ, hapuugoo arɩ haalaa sɩɩ chɛ ba lʋl ba luoruŋ wʋwɩɩ ma jaŋ hɛ ba tʋɔŋ. Ba jaŋ yʋgɛ woruŋ a mɩɩra kɔ.

JƐRƖMAAYA 50:8

Má fá lɩɩ Babɩlɔŋ lɛ. Má lɩɩ Babɩlɔŋ nɩaa tinteeŋ lɛ, a nagɛ bʋʋna sɩ laa piesee sɩpaaŋ.

JƐRƖMAAYA 51:45

Mɩ nɩaa, má kʋ lɩɩ ʋ lɛ. Má fá laa ma mɩɩsɩŋ. Má fá a laa ma tɩtɩa mɩ-na ma TƖƖNA sɩ faasa na baaŋ-la lɛ.

JƐRƖMAAYA 51:50

La TƖƖNA bʋla pɩ ʋ nɩalɩŋ sɩ hɛ Babɩlɔŋ lɛ, “Ma nɩalɩŋ sɩ foro laalɩŋ lɛ, má lɩɩ, ma sɩ́ dienu. Ma hɛ dɩ-bolii nɛ, ama má liisi mɩ-na ma TƖƖNA wɩaa a bɩɩnɛ Jerusalɛm ma wɩaa.

JƐRƖMAAYA 51:6

Má fá lɩɩ Babɩlɔŋ lɛ. Má fá a laa ma mɩɩsɩŋ. Má sɩ́ ma tɩtɩa chei a tɩŋ ʋ wʋbɔŋŋɔɔ wɩaa. Bʋa-la yie nɛ dɩ mɩ-na ma TƖƖNA joŋ mɩ baanɩŋ tiŋ ʋ lɛ, mɩ jaŋ dɔgɩsʋ ŋɩɩ sɩ maga.

ƐZƖKƖƐL 11:16

Ŋɩɩ wɩaa, bʋla pɩ nɩalɩŋ sɩ hɛ yoŋ-baga lɛ, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ nɛ fa leŋe ba mʋ tintee-wogusuŋ a kɛmba pɩsa hɛ tinteyee sɩ bolie lɛ, ama mɩ hɛ ba teeŋ nɛ a pɔba tinteye-la kala lɛ ba sɩ mʋa.’

ƐZƖKƖƐL 17:21

Ba jaŋ kpʋ ʋ laalɩyuoro-la kala sɩ jɩŋ laalɩŋ yuonuŋ, aŋ ka nɩkaanaa fá pɩsɛ lee-kala. Ŋɩɩ nɛ ma jaŋ jɩŋ arɩ mɩ-na ma TƖƖNA nɛ bʋla.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

DANƖƐL 11:4

Ʋ ŋɩɩ harɩŋ ʋ kuoruŋ jaŋ tel dɩ ba kaa kpaa dʋnɩa sɛsɩŋ banɛsɛ-la. Ʋ doho nʋʋ bɩra bɩ jaŋ dii kuoruŋ ʋ nyuŋ lɛ koo a kɛŋ ʋ dol-la ŋaa wɩɩ, bɛɛ wɩaa ba jaŋ laa ʋ kuoruŋ a pɩ nɩwogusuŋ.

AMƆS 9:9

Mɩ jaŋ pa wombiiŋ dɩ ba kɛŋ ma Iziral tɩŋŋaa a chɩgɩsɛ a nagɛ ba sɩ joŋ mɩaa hɛ chese lɛ a chesi. Mɩ jaŋ chesima tinteyee tʋɔŋ a lɩɩsɛ ma nɩalɩŋ sɩ ŋaa nɩyaayasɩŋ a ta.

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 2:7

Má kɔ, má foro fá lɩɩ Babɩlɔŋ lɛ a mɩɩra kɔ Jerusalɛm.”

Matiu 24:31

Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.

Maak 13:27

Ŋɩɩ lɛ nɛ mɩ jaŋ tɩŋ Wɩa tɩndaaraa dɩ ba mʋ dʋnɩa sɛmɛ na-kala a kɛŋ nɩalɩŋ kala Wɩa sɩ lɩɩsa dɩ baa tou a hilimi.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.

Jɔɔŋ Wʋnaalaa 18:4

Ŋɩɩ nɛ mɩ bɩra nɩɩ nʋʋ yikoro dɩ ʋ lɩɩ Wɩa-jaŋ aa bʋl, “Mɩ nɩaa, má sii Babɩlɔŋ lɛ, dɩ ŋɩɩ dee ma jaŋ pɛ ŋɩŋaa wʋbɔmɔ-la ba sɩɩ ŋaa. Dɩ ma nɛ ŋaa ŋɩɩ, mɩ jaŋ pɛ dɔgɩsɛma arɩ mɩ sɩɩ chɛ dɩ mɩ dɔgɩsɛ Babɩlɔŋ nɩaa ŋɩɩ.

RUF 4:1

Ŋɩɩ nɛ Bʋas mʋ hɔŋ ba taŋ-la boiŋ niiŋ, lee-la ba sɩɩ hilimu, dɩ Ɛlɩmɛlɛk naambile wɩaa Bʋas sɩ bʋla kʋʋ bal. Bʋas yɩrʋ, “Nandɔŋ, kʋ hɔŋ daha.” Ŋɩɩ nɛ ʋ mʋ a hɔŋ.