ZƐKARƖYA 2:4 - WƖA TENIŊ

⁴ a bʋla pʋ: “Fá mʋ bʋla pɩ bapʋɔsɩ-bie-la, ‘Jerusalɛm jaŋ ŋaa tabal kɛrɩsɩŋ sɩ bɩ gollo, a tɩŋ nɩaa arɩ pʋsʋŋ sɩ jaŋ faasa yʋgɛ ʋ lɛ wɩaa.

ZƐKARƖYA 2:4 ပူးပေါင်းရင်းမြစ်များ

ƐSƖTA 9:19

Ŋ-la nɛ tɩɩ Juu tɩmma-la sɩ hɛ tabiisiŋ lɛ joŋ chɛnɛ-la ba sɩɩ yɩrɛ Adaa tapʋlaa fii arɩ banɛsɛ chɛɛŋ ʋ ŋaa tʋɔŋ tɔrɛ tapʋlɩɩ ba yie dii kɩaa aŋ gbigbieli aŋ pɛ ŋaa kʋdiilee pɩpɩ dɔŋɔ.

AZAAYA 33:20

Má bee na Zaayɔŋ tabal-la lɛ la fa sɩɩ gbieli la gbielee, ma na Jerusalɛm, ʋ chaasa kɛŋ fɩɛlɩŋ nɛ. Ʋ ŋaa lɛbɩŋ nɛ, ba bɩ jaŋ wuo kaa churi. Ʋ daasɩŋ kʋŋ bɩ jaŋ churi, ʋ ŋmɛsɩ-la ma kʋŋ bɩ jaŋ kɔ dɩ ʋ kɛrɛ.

AZAAYA 44:26

Mɩ nɛ leŋe wɩalɩŋ mɩ tɩntɩnna arɩ mɩ tɩndaaraa sɩ bʋla kʋ ŋaa wʋtɩtɩɩba. Mɩ bʋla arɩ nɩaa jaŋ bɩra hɔŋ Jerusalɛm lɛ, ka ba wasa saa Juda tasɩ-la ma sɩ pɩŋ jikpeeŋ.

AZAAYA 49:20

Ba sɩ cheyiŋ aŋ kɛnɩŋ mʋ tintee-wogo ŋ lʋl biiri-la, chɛɛ dɔŋ ba jaŋ bʋla pɩŋ arɩ tintee-la muuro nɛ, baa chɛ leriŋ nɛ dɩ ba pɛ a wuo hɔŋ.

AZAAYA 54:16

La TƖƖNA bɩra sɩ, “Má bee na, mɩ-na nɛ ta libire ʋ yie libi laalɩyuori kɩaa ba kaa yuo laalɩŋ. Mɩ-na nɛ ŋaa nɩalɩŋ ma sɩ yie kɛŋ laalɩyuori kɩalɩŋ ma a chichei leriŋ.

JƐRƖMAAYA 1:6

Ŋɩɩ nɛ mɩ bʋl, “Ou, La Tɩɩna Wɩɩjarɩbakɔ, mɩ bɩ wɩaa bʋlʋŋ jɩŋ. Mɩ ha ŋaa hambie nɛ.”

JƐRƖMAAYA 31:24

Nɩaa jaŋ hɔnɔ hɛ dɔŋɔ Juda tinteeŋ arɩ ʋ tasɩŋ kala lɛ, paaraa arɩ nɩalɩŋ sɩ kɛŋ ba pʋsʋŋ gɔllɔɔ baarɛ.

JƐRƖMAAYA 31:27

“Mɩ-na ma TƖƖNA nɛ bʋla, tapʋlaa ka kɔ nɛ, mɩ jaŋ leŋ dɩ nɩaa arɩ pʋsʋŋ bɩra pʋŋa su Iziral arɩ Juda tinteeŋ.

JƐRƖMAAYA 33:22

Mɩ jaŋ leŋ dɩ mɩ tɩntɩnna Devit doho nɩaa arɩ Levi doho nɩalɩŋ sɩɩ tɩŋ mɩ sɩpaaŋ doho nɩaa pʋŋ woruŋ a bɩ nii kɛnɛ a nagɛ chɛnwʋlaa sɩ hɛ wɩa-nyuŋ koo hagɩlɩ-bumbugulo sɩ pɩŋ mʋgʋ-balɩŋ niiŋ.”

ƐZƖKƖƐL 38:11

Ŋ jaŋ bʋl, ‘Mɩ jaŋ mʋ yuo tintee-la nɩaa tabiisiŋ ba sɩ bɩ kɛrɛ saa golli, mɩ jaŋ mʋ yuo nɩa sɩ fɩɛla hɔŋ wɩɩ bɩ baa walɩmɛ, a bɩ kɛrɩsɩŋ saa golli ba tasɩŋ, a bɩ boi-baalaa kɛnɛ a kɛŋ doloo tʋtɔ.

DANƖƐL 1:17

Wɩa pɩ bapʋɔsɛ biisiŋ deemba banɛsɛ wʋjɩmɩŋ arɩ jɩma dɩ ba wuo jɩŋ teniŋ arɩ wɩɩkala. Danɩɛl-na paala wuo jɩŋ wɩalɩŋ ba sɩ yie na arɩ duosoo tʋɔŋ arɩ duosi dosunuŋ kala bʋbʋɔŋ nɛ.

DANƖƐL 1:4

Ba maga ba ŋaa bapʋɔsɛ biisiŋ sɩ́ bɩ nyɔɔ kala kɛnɛ nɛ, a ŋaa nɩzɔmɔ sɩ kɛŋ ba tɩtɩa hɛ dɔŋɔ dɩ ba gʋnnɛ wɩɩkala, a kɛŋ dɩgɩlɩŋ jegilee, a ŋaa nɩaa ba sɩ daga ba kɛŋ wʋjɩmɩŋ a jaŋ wuo guu jɩŋ wɩaa sɩaa woruŋ, a magɛ dɩ ba tɩtɩŋ kuoru dɩa lɛ. Ʋʋ chɛ dɩ Asɩpɛnas dagɛba Babɩlɔŋ tɩŋŋaa yikoro karɩmɩŋ arɩ ʋ ŋmʋnsʋŋ nɛ.

MƖKA 7:11

Jerusalɛm nɩaa, tapʋlɩɩ-la ma sɩ jaŋ bɩra paa ma kɛrɩsɩŋ saa ka kɔ nɛ, tapʋlɩɩ-la nɛ ma jaŋ kɛŋ ma tinteeŋ bʋa jalla pɛ.

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 1:17

Ha heele bʋl: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: ‘Dʋa jaŋ bɩra yʋgɛ mɩ tasɩŋ lɛ. Mɩ-na ma TƖƖNA jaŋ nyagɛ Zaayɔŋ bɔyɛ, aŋ lɩɩsɛ Jerusalɛm dɩ ʋ ŋaa mɩ tabalɩŋ.’ ”

ZƐKARƖYA 12:6

Tapʋlɩɩ-la, mɩ jaŋ leŋ dɩ Juda sɩpaalaaraa nagɛ pupoiŋ sɩ chɔ dandʋla arɩ nyiniŋ lɛ, a nagɛ nyiŋgeliŋ sɩɩ sii sekelee. Ba jaŋ dii nadiiŋ arɩ nagʋa nɩalɩŋ kala sɩ golliba. Ama wɩɩkala bɩ jaŋ ŋaa Jerusalɛm nɩaa-na lɛ.

ZƐKARƖYA 14:12

Nyanyal-bɔŋ-la La TƖƖNA sɩ jaŋ joŋo hɛ tinteyee nɩalɩŋ kala sɩ yuo Jerusalɛm lɛ nɛ ŋ-la: Ba yaraa jaŋ pʋa, ka dɩ ba ha wei. Ba sɩaa jaŋ pʋa hɛ ba sɩɩ-gbanlonnuŋ lɛ. Ba nandelimee ma jaŋ pʋa hɛ ba niiree lɛ.

1 Timoti 4:12

Ŋ ŋaa hambie nɛ, ama sɩ́ leŋe dɩ nʋʋkala bee gʋʋnʋŋ. Leŋ dɩ nɩalɩŋ sɩ laa Yesu wɩaa dii na ŋ wʋbʋlaa, ŋ mɛlɛ, ŋɩɩ ŋ sɩ cho nɩaa, ŋɩɩ ŋ sɩ laa Wɩa dii arɩ ŋ tʋɔpʋla a to ŋ naabʋɔsʋŋ.