ZƐKARƖYA 2:11 - WƖA TENIŊ

¹¹ Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

ZƐKARƖYA 2:11 ပူးပေါင်းရင်းမြစ်များ

WƖA YƖƖLAA 72:17

Leŋ dɩ kuoro yɩrɩŋ yɩrɛ a kaa mʋ wuu, a nagɛ wɩɩpɔsʋŋ sɩ hɛ wɩa-nyuŋ. Leŋ dɩ tinteyee nɩaa kala to ʋ lɛ a na wʋzɔŋŋɔɔ, a kɛnʋ yɩyɩrɛ tʋɔtɔrɛ tɩɩna.

MOSIS KƐŊ IZIRAL TƖŊŊAA LƖƖ 12:49

Wombiee deemba nɛ maga Iziral tɩŋŋaa arɩ nɩwogusu-la kala sɩ hɛ ba tʋɔŋ tuto a mʋʋ tɩgɛ mɩ-na ma TƖƖNA dɩɩsɩŋ kiele bal gbiele-la lɛ.”

AZAAYA 45:14

Wɩɩ-la La TƖƖNA sɩ bʋla pɩ Iziral tɩŋŋaa nɛ ŋ-la: “Ijipiti tɩŋŋaa arɩ Kus tɩŋŋaa bayal kɩaa jaŋ ŋaa ma kɩaa. Sɛba tɩŋŋaa bawayiile-la kala jaŋ ŋaa ma yosi. Ma jaŋ hɛba chɔrʋmɔɔ, dɩ baa to ma harɩŋ. Ba jaŋ kpirimi ma sɩpaaŋ a suri ba niiŋ bʋl, ‘Wɩa sɩ chɩŋ ma harɩŋ nɛ sɛnɛ ŋaa Wɩa, kʋŋ dɔŋ tuo.’ ”

AZAAYA 48:16

Má kʋ kpagɛmɛ a nɩɩ wɩɩŋ deeŋ: Faafaa kala mɩ bɩ lʋara bʋl wɩaa, mɩ heele nɛ. Bʋa-la ma lɛ wɩalɩŋ sɩɩ ŋaa, mɩ fa hɛ nɩmɛ nɛ.” Lɛɛlɛ ma TƖƖNA Wɩɩjarɩbakɔ joŋ ʋ Dɩma hɛ mɩ-na Azaaya lɛ nɛ, aŋ tɩmmɛ.

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

AZAAYA 52:11

Má lɩɩ Babɩlɔŋ lɛ, má lɩɩ nɩmɛ! Ma nɩalɩŋ kala sɩ chʋŋ Wɩa dɩa kɩaa. Má sɩ́ kʋŋkala sɩ kɛŋ disiniŋ digu. Má sɩ́ disiniŋ ŋaa hɛ ma tɩtɩa lɛ aŋ lɩɩ.

AZAAYA 66:19

Mɩ jaŋ bil magɩlɩŋ ba tʋɔŋ. Mɩ jaŋ kɛŋ ba nɩalɩŋ dɔnsʋŋ sɩ jaŋ ka a mʋ tintee-wogusuŋ arɩ tinteye-la lɩɩŋ sɩ gollu chu a ha bɩ mɩ wɩaa arɩ mɩ yɩrɩŋ nɩa, a bɩ mɩ doluŋ ma na. Tinteye-la nɛ ŋ-la: Taasɩs, Libiya arɩ Lidiya tɩmma-la sɩ jɩŋ toŋ yuonuŋ, Giriisi arɩ Tubal nɩaa. Ba jaŋ leŋ dɩ tinteye-la jɩŋ mɩ doluŋ sɩ magɛ ŋɩɩ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 50:8

Má fá lɩɩ Babɩlɔŋ lɛ. Má lɩɩ Babɩlɔŋ nɩaa tinteeŋ lɛ, a nagɛ bʋʋna sɩ laa piesee sɩpaaŋ.

ƐZƖKƖƐL 33:33

Dɩ wɩaa deemba kala nɛ kʋ ŋaa, ba saa jaŋ sɛnɛ ŋaa, ŋɩɩ nɛ ba jaŋ jɩŋ arɩ Wɩa wʋlaabʋllʋ nɛ fa hɛ ba tʋɔŋ.”

MƖKA 4:2

Tintee daŋ nɩaa jaŋ kɔ a bʋl, “Má kɔ dɩ la jɩl La TƖƖNA peel-la nyuŋ a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 2:5

Mɩ tɩtɩa jaŋ nagɛ kɛrɛ sɩ kɛŋ nyiniŋ a gollu, mɩ jaŋ hɛ ʋ tʋɔŋ a ŋaa ʋ tʋla.’ ” La TƖƖNA nɛ bʋla.

ZƐKARƖYA 3:10

Tapʋlɩɩ-la, ma kʋŋkala jaŋ yɩrɛ ʋ dɔŋɔ tɩɩna dɩ ʋ kʋ hɔŋ ʋ girep tɩa arɩ ʋ tutogo bʋbʋɔŋ.”

ZƐKARƖYA 8:3

Wɩɩ-la La TƖƖNA sɩ bʋla nɛ ŋ-la: “Mɩ jaŋ mɩɩra kɔ Zaayɔŋ a hɛ Jerusalɛm lɛ. Ŋɩɩ nɛ ba jaŋ yɩyɩrɛ Jerusalɛm tabal-la sɩ kɛŋ wʋtɩtɩɩ. Ba jaŋ yɩyɩrɛ mɩ-na ma TƖƖNA doluŋ kala Tɩɩna peeliŋ ma, Peel-la sɩ bɩ disiniŋ kɛnɛ.”

ZƐKARƖYA 8:8

Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”

MALAKAƖ 1:11

Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ. Mɩ-na ma TƖƖNA doluŋ kala Tɩɩna nɛ bʋla.

Luuk 2:32

Bie deeŋ jaŋ nagɛ pʋlʋmʋŋ a dagɛ nɩalɩŋ sɩ bɩ Juu tɩŋŋaa ŋaa wombiiŋ, ka dɩ ŋ nɩaa Iziral tɩŋŋaa ma na.”

Jɔɔŋ 17:21

Mɩ Nyɩmma, mɩɩ sʋlʋŋ dɩ ba kala wuo ŋaa kʋbala, a nagɛ ŋ sɩ hɛ mɩ lɛ mɩ ma hɛ ŋ lɛ ŋɩɩ. Dɩ ŋ nɛ ŋaa ŋɩɩ, dʋnɩa nɩaa jaŋ wuo laa dii arɩ ŋ nɛ tɩmmɛ.

Jɔɔŋ 17:23

Mɩ hɛ ba lɛ nɛ, ŋ ma hɛ mɩ lɛ. Leŋ dɩ ba ma ŋaa kʋbala, ŋɩɩ nɛ dʋnɩa nɩaa jaŋ jɩŋ arɩ ŋ nɛ tɩmmɛ, a choba arɩ ŋ sɩ chomi ŋɩɩ.

Jɔɔŋ 17:25

Mɩ Nyɩmma, ŋ ŋaa tʋɔpʋl Tɩɩna nɛ. Dʋnɩa nɩaa bɩŋ jɩŋ, ama mɩ-na jɩmɩŋ nɛ. Nɩaa deemba ma jɩŋ arɩ ŋ nɛ tɩmmɛ.

Tɩntɩŋŋaa 28:28

Ŋɩɩ nɛ Pɔɔl bɩra bʋla pɩba, “Ʋ maga dɩ ma jɩŋ arɩ ba bʋl Wɩa wʋzɔmɔ-la sɩ laa nɩaa tɩta a pɩpɩ nɩalɩŋ sɩ bɩ Juu tɩŋŋaa ŋaa nɛ. Ba jaŋ jegile nɩɩ.”

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”