ZƐKARƖYA 2:10 - WƖA TENIŊ

¹⁰ La TƖƖNA sɩ, “Jerusalɛm nɩaa, má ŋaa goŋ arɩ tʋɔtɔrʋŋ. Mɩɩ kɔ nɛ dɩ mɩ hɛ ma tʋɔŋ.”

ZƐKARƖYA 2:10 ပူးပေါင်းရင်းမြစ်များ

WƖA YƖƖLAA 40:7

Ŋɩɩ nɛ mɩ bʋl, “Namɛ, mɩ kɔ nɛ dɩ mɩ ŋaa wɩalɩŋ ba sɩ ŋmʋnsa bil ŋ teniŋ tʋɔŋ a tɩgɛ mɩ lɛ.

WƖA YƖƖLAA 68:18

La Tɩɩna Wɩa, ŋ sɩɩ jɩl peel-la nyuŋ, ŋ pɛ kɛsɛ nɩalɩŋ ba sɩ yuo dii laalɩŋ lɛ nɛ, nɩaa pɩŋ zile kɩaa. Nɩalɩŋ sɩ paala bɩ ŋ niiŋ lɛ ka to ma pɩŋ zile kɩalɩŋ nɛ. Nɩmɛ nɛ ŋ jaŋ hɔŋ.

MOSIS KƐŊ IZIRAL TƖŊŊAA LƖƖ 29:45

Mɩ jaŋ hɛ Iziral tɩŋŋaa teeŋ a ŋaa ba Wɩa.

AZAAYA 12:6

Nɩalɩŋ sɩ hɛ Jerusalɛm lɛ, má faasa yɩɩ yɩɩlaa arɩ tʋɔtɔrʋŋ, bɛɛ wɩaa Iziral tɩŋŋaa Wɩɩ-balɩŋ sɩ bɩ disiniŋ kɛnɛ hɛ ma tʋɔŋ nɛ.”

AZAAYA 35:10

Nɩalɩŋ La TƖƖNA sɩ laa ta jaŋ mɩɩra kɔ, ba jaŋ yɩyɩɩ yɩɩlaa arɩ tʋɔtɔrʋŋ a jʋʋ Jerusalɛm. Tʋɔtɔrʋŋ dʋndʋŋa nɛ jaŋ ŋaa ba kʋa, tʋɔ-cheeŋ jaŋ fá lɛl ba teeŋ.

AZAAYA 37:22

Wɩɩ-la mɩ-na ma TƖƖNA sɩ bʋla a tɩgɛ ʋ lɛ nɛ ŋ-la: Zaayɔŋ nɩaa ka mɔŋ Sɛnakɛrɩb nɛ a sisieri ʋ lɛ. Jerusalɛm nɩaa kɛŋ nyuŋ kpukpegisi nɛ, ka ʋ fɩfá dɩ ʋ laa ʋ mɩɩsɩŋ.

AZAAYA 42:10

Ma nɩalɩŋ kala sɩ hɛ tinteeŋ lɛ, má yɩɩ yɩɩl-falɩŋ a dɛnnɛ La TƖƖNA. Ma nɩalɩŋ kala sɩɩ duori lɩɩŋ arɩ kɩalɩŋ kala sɩ hɛ lɩɩŋ tʋɔŋ, arɩ tinteye-la lɩɩŋ sɩ gollo chu nɩaa, má dɛnnʋ.

AZAAYA 48:20

Má lɩɩ Babɩlɔŋ lɛ, má fá kagɛ Babɩlɔŋ tɩŋŋaa lɛ. Má heele bʋl arɩ tʋɔtɔrʋŋ: ‘La TƖƖNA laa ʋ nɩaa Iziral tɩŋŋaa ta nɛ.’ ” Má leŋ dɩ dʋnɩa sɛmɛ na-kala nɩɩ.

AZAAYA 51:11

Nɩalɩŋ La TƖƖNA sɩ laa ta jaŋ mɩɩra kɔ ʋ teeŋ. Ba jaŋ yɩɩ yɩɩlaa arɩ tʋɔtɔrʋŋ kʋ jʋʋ Jerusalɛm. Ba jaŋ nɩɩ sɩma a kaa mʋ wuu. Tʋɔtɔrʋŋ jaŋ faasa yʋgɛ ba teeŋ, dɩ hɛɛŋ arɩ tʋɔ-cheeŋ fa lɛl.

AZAAYA 52:11

Má lɩɩ Babɩlɔŋ lɛ, má lɩɩ nɩmɛ! Ma nɩalɩŋ kala sɩ chʋŋ Wɩa dɩa kɩaa. Má sɩ́ kʋŋkala sɩ kɛŋ disiniŋ digu. Má sɩ́ disiniŋ ŋaa hɛ ma tɩtɩa lɛ aŋ lɩɩ.

AZAAYA 54:1

La TƖƖNA sɩ, “Jerusalɛm, yɩɩ yɩɩlɩŋ. Ŋ fa nagɛ hapɩrɩŋ nɛ, ŋ bɩ bii kɛnɛ, ŋ fa ha paala bɩ ha-lʋllɩ luoruŋ wɩɩ na. Ama lɛɛlɛ yɩɩ yɩɩlaa arɩ tʋɔtɔrʋŋ, bɛɛ wɩaa ŋ jaŋ kɛŋ biiriŋ yʋgɛ a kɩɩ haala sɩ kɛŋ bala.”

AZAAYA 61:10

Mɩ tʋɔŋ tɔrɛ La TƖƖNA lɛ nɛ woruŋ mɩ jʋjʋɔsɛ Wɩa sɩpaaŋ, bɛɛ wɩaa laatanɩŋ nagɛ gɛrɩŋ nɛ ʋ joŋo laalɛmɛ tʋɔpʋla ma nagɛ gɛrɩŋ ʋ joŋo kpɩɛrɛmɛ, a nagɛ ha-falɩŋ bala sɩ kpɩɛrɛ ʋ tɩtɩa ŋɩɩ a bɩra nagɛ ba sɩ kpɩɛrɛ ha-falɩŋ,

AZAAYA 66:14

Dɩ ŋɩɩ nɛ ŋaa, ma tʋɔŋ jaŋ tɔrɛ dɩ ma jʋjʋɔsɛ a jigi a nagɛ yaŋ sɩ tɔsɔ. Ŋɩɩ nɛ ma jaŋ jɩŋ arɩ La TƖƖNA ka pɛ nɩalɩŋ sɩ sɛɩ ʋ niiŋ lɛ nɛ, aŋ yie dagɛ ʋ baanɩŋ ʋ dʋndɔŋŋɔɔ lɛ.

JƐRƖMAAYA 30:19

Ba jaŋ yɩɩ yɩɩlaa a lʋlɔllɛmɛ, aŋ ŋaa goŋ a jʋjʋɔsɛ. Mɩ jaŋ leŋ dɩ ba pʋŋa pɛ, ba bɩ jaŋ muuri. Mɩ jaŋ leŋ dɩ nɩaa zizilba, ba bɩ jaŋ bee gʋʋnɛba.

JƐRƖMAAYA 31:12

Ba jaŋ kɔ a ŋaa goŋ arɩ tʋɔtɔrʋŋ Zaayɔŋ dundolluŋ nyuŋ. Ba jaŋ jʋɔsɛ a tɩŋ kʋ-daŋ-la mɩ-na ma TƖƖNA sɩ joŋo pɩba wɩaa. Mɩ pɩba mɩaa, girep nɛnɛɛ sɩ-falɩŋ arɩ nʋʋŋ, a pɛ biiri-la ba nɛsɩŋ arɩ ba piesee sɩ lʋla lɛ. Ba jaŋ nagɛ lɩga sɩ kɛŋ fɩɛlɩŋ woruŋ, ba tʋɔŋ bɩra bɩ jaŋ chei.

JƐRƖMAAYA 33:11

tʋɔtɔrɛ goŋ nɩmɛ. Ha-falaa arɩ ba balaba jaŋ bɩra ŋaa goŋ, dɩ nɩalɩŋ ma sɩ kɛŋ Wɩɩsʋlʋŋ kɩaa kɔ mɩ-na ma TƖƖNA dɩa dɩ ba lɔllɛmɛ bʋl, ‘Má lɔllɛ La TƖƖNA doluŋ kala Tɩɩna, bɛɛ wɩaa ʋ wɩaa zɔmɔ ʋ chonuŋ bɩ dɛrɛ.’ Mɩ jaŋ leŋ dɩ tinteeŋ deeŋ bɩra kɛŋ dʋa arɩ ʋ fa sɩ nagɛ ŋɩɩ. Mɩ-na ma TƖƖNA nɛ bʋla.”

ƐZƖKƖƐL 37:27

Mɩ dɩjʋʋlʋŋ jaŋ hɛ ba tʋɔŋ, dɩ mɩ ŋaa ba Wɩa, dɩ ba ma ŋaa mɩ nɩaa.

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

LEVI DOHO NƖAA 26:12

Mɩ jaŋ hɛ ma tʋɔŋ a ŋaa ma Wɩa dɩ ma ma ŋaa mɩ nɩaa.

ZEFANAAYA 3:17

Ma TƖƖNA Wɩa hɛ ma teeŋ nɛ, ʋ kɛŋ doluŋ nɛ dɩ ʋ laama ta. Ʋ tʋɔŋ jaŋ faasa tɔrɛ ma nyuŋ, ʋ chonuŋ jaŋ leŋ dɩ ma hɔŋ sɔm, dɩ ʋ yɩɩ tʋɔtɔrɛ yɩɩlaa a jʋɔsɛ ma wɩaa.”

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 14:5

Ma jaŋ fá to lɩɩ-libe-la, bɛɛ wɩaa ʋ jaŋ kɛŋ ŋɩɩ mʋ yi lee-la ba sɩɩ yɩrɛ Azɛl. Ma jaŋ fá a nagɛ ma sɩ fá lɩɩ tinteeŋ sɩ zigile lɛ ŋɩɩ Juda kuoro Uzia kuoruŋ bʋa lɛ. Mɩ TƖƖNA Wɩa jaŋ kɔ, ʋ dɩ ʋ tɩndaaraa kala.

ZƐKARƖYA 2:11

Tinteyee jaŋ yʋgɛ dɩ ba nɩaa kɔ La TƖƖNA teeŋ bʋa-la lɛ, a ŋaa ʋ nɩaa. Mɩ jaŋ hɛ ma tʋɔŋ, dɩ ma jɩŋ arɩ La TƖƖNA doluŋ kala Tɩɩna nɛ tɩmmɛ ma teeŋ.

ZƐKARƖYA 2:5

Mɩ tɩtɩa jaŋ nagɛ kɛrɛ sɩ kɛŋ nyiniŋ a gollu, mɩ jaŋ hɛ ʋ tʋɔŋ a ŋaa ʋ tʋla.’ ” La TƖƖNA nɛ bʋla.

ZƐKARƖYA 8:3

Wɩɩ-la La TƖƖNA sɩ bʋla nɛ ŋ-la: “Mɩ jaŋ mɩɩra kɔ Zaayɔŋ a hɛ Jerusalɛm lɛ. Ŋɩɩ nɛ ba jaŋ yɩyɩrɛ Jerusalɛm tabal-la sɩ kɛŋ wʋtɩtɩɩ. Ba jaŋ yɩyɩrɛ mɩ-na ma TƖƖNA doluŋ kala Tɩɩna peeliŋ ma, Peel-la sɩ bɩ disiniŋ kɛnɛ.”

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

MOSIS BƖRA WULLI WƖA WOMBIIŊ 28:64

La TƖƖNA jaŋ kɛmma pɩsa hɛ dʋnɩa tinteyee kala lɛ. Nɩmɛ nɛ ma jaŋ kpaarɛ vesiŋ ba sɩ kɛŋ daaŋ arɩ tabɩaa a ŋaa, vesi-la ma dɩ ma naabalɩmaba sɩ bɩ jɩŋ.

Fɩlɩpa Nɩaa 4:4

Má jʋjʋɔsɛ Wɩa sɩpaaŋ bʋa na-kala. Mɩ jaŋ bɩra bʋla pɩma dɩ ma jʋjʋɔsɛ.

Jɔɔŋ Wʋnaalaa 2:1

Ŋmʋŋsɛ wɩaa deemba a pɩpɩ Wɩa tɩndaarʋ-la sɩɩ beŋ nɩalɩŋ sɩ laa Yesu wɩaa dii aa hilimi Ɛfɛsʋs lɛ. Mɩ-na nɩɩ-la sɩ kori chɛnwʋla-la balɩpɛ mɩ nadiiŋ nɩsɩŋ lɛ a vɩvɛŋ chaaŋ daasɩ-la balɩpɛ tʋɔŋ, mɩ nɛ tɩŋ tɩndaarɩŋ deeŋ.

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.