ZƐKARƖYA 14:9 - WƖA TENIŊ

⁹ La TƖƖNA jaŋ ŋaa dʋnɩa kala kuoro. Tapʋlɩɩ-la, La TƖƖNA dʋndʋŋa nɛ jaŋ hɛ nɩmɛ, ʋ yɩrɩŋ dʋndʋŋa nɛ ba jaŋ yɩyɩrɛ.

ZƐKARƖYA 14:9 ပူးပေါင်းရင်းမြစ်များ

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

WƖA YƖƖLAA 67:4

A leŋ dɩ tinteyee nɩaa tʋɔŋ tɔrɛ dɩ ba yɩɩ yɩɩlaa arɩ tʋɔtɔrʋŋ, bɛɛ wɩaa ŋ dii nɩaa sarɩya arɩ wʋtɩtɩɩ nɛ, aŋ bibeŋ tinteyee nɩaa kala.

WƖA YƖƖLAA 72:17

Leŋ dɩ kuoro yɩrɩŋ yɩrɛ a kaa mʋ wuu, a nagɛ wɩɩpɔsʋŋ sɩ hɛ wɩa-nyuŋ. Leŋ dɩ tinteyee nɩaa kala to ʋ lɛ a na wʋzɔŋŋɔɔ, a kɛnʋ yɩyɩrɛ tʋɔtɔrɛ tɩɩna.

WƖA YƖƖLAA 86:9

Ŋ nɛ ta tinteyee nɩaa kala, La Tɩɩna, ba jaŋ kʋ kpirimi ŋ sɩpaaŋ a dɛnnɩŋ, ba jaŋ yɩrɛ ŋ yɩrɩ-balɩŋ.

WƖA YƖƖLAA 97:1

La Tɩɩna nɛ kuoro, tinteeŋ nɩaa, má leŋ dɩ ma tʋɔŋ tɔrɛ, dɩ tinteye-la lɩɩŋ sɩ gollo chu ma nɩaa jʋjʋɔsɛ.

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

DANƖƐL 7:27

Ba jaŋ joŋ doluŋ arɩ kuoruŋ yuŋuŋ kala sɩ hɛ dʋnɩa lɛ a pɩ Wɩa sɩ kɩɩ kʋŋkala nɩaa. Ba kuoruŋ doluŋ bɩ jaŋ dɛrɛ. Kuoroo kala sɩ hɛ dʋnɩa lɛ jaŋ to ba niiŋ a tɩma pɩpɩba.”

AMƆS 9:12

Ŋɩɩ jaŋ leŋ dɩ Iziral tɩŋŋaa bɩra wuo yuo kɛsɛ Ɛdɔm nɩkaana-la arɩ tinteye-la fa sɩ ŋaa mɩ nɩaa.” La Tɩɩna nɛ bʋla. Ʋ nɛ jaŋ ŋaa wɩaa deemba.

OBADAAYA 1:21

Nɩduoruŋ jaŋ lɩɩ Zaayɔŋ peel-la lɛ a yuo dii Ɛsɔ doho nɩaa a bibemba, dɩ kuorii-la ŋaa mɩ-na ma TƖƖNA kʋŋ.”

MƖKA 5:4

Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

HABAKU 2:14

Ama La Tɩɩna wɩaa arɩ ʋ tʋla jaŋ su tinteeŋ, a nagɛ lɩɩŋ sɩ su mʋgʋ-balɩŋ.

ZEFANAAYA 3:9

Ŋɩɩ lɛ nɛ mɩ jaŋ kɛŋ nɩaa deemba niiree bɩrɩmɛ, dɩ ba kala yɩyɩrɛ mɩ-na ba TƖƖNA yɩrɩŋ, a tɩma pɩpɩmɛ arɩ nii-bala.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

MALAKAƖ 1:14

Ŋmɩaŋ jaŋ dii nɩɩ-la kala sɩ ta niiŋ mɩ-na ma TƖƖNA doluŋ kala Tɩɩna teeŋ, arɩ ʋ jaŋ kɛŋ pʋŋ-bel-zɔmʋŋ pɩmɛ aŋ vɩa dɩ ʋ kɛŋ pʋŋ-zɔŋ-la lɩɩsɛ nii-la aŋ mɩɩra sii kɛŋ pʋna sɩ kɛŋ nyɔɔŋ. Mɩ ŋaa kuoru-bal nɛ, tinteyee nɩaa kala fɩfámɛ. Mɩ-na ma TƖƖNA doluŋ kala Tɩɩna nɛ bʋla.”

Matiu 1:23

Wɩalɩŋ ʋ fa sɩ bʋla nɛ ŋ-la: “Hatolo kʋbala ha sɩ bɩ baal jɩŋ jaŋ kɛŋ luoruŋ a lʋl hambolibie. Ba jaŋ hɛ ʋ yɩrɩŋ Ɩmanʋɛl.” (Ʋ yɩrɩ-la bʋbʋɔŋ nɛ Wɩa hɛ la teeŋ.)

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

MOSIS BƖRA WULLI WƖA WOMBIIŊ 6:4

Iziral tɩmma, má jɩŋ arɩ La TƖƖNA Wɩa ŋaa kʋbala nɛ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

1 SAMƲƐL 2:10

La TƖƖNA jaŋ chei nɩalɩŋ kala sɩ vɩaʋ. Ʋ jaŋ na baanɩŋ, a kpɩa ba lɛ a nagɛ duonuŋ. La TƖƖNA jaŋ dii dʋnɩa nɩaa kala sarɩya. Ʋ jaŋ joŋ doluŋ a pɩ kuoru-la ʋ sɩ lɩɩsa, dɩ ʋ kɛŋ doluŋ kʋŋkala nyuŋ.”