ZƐKARƖYA 14:8 - WƖA TENIŊ

⁸ Tapʋlɩɩ-la, lɩɩŋ sɩɩ pa mɩɩsɩŋ jaŋ pɛllɛ lɩɩ Jerusalɛm lɛ, kpaa magɛ dɔŋɔ jaŋ pɛllɛ mʋ wɩɩpɔsʋŋ dɩɩrɩŋ mʋgʋ-balɩŋ, dɩ kpaa magɛ dɔŋɔ ma pɛllɛ mʋ wɩɩjʋʋlʋŋ dɩɩrɩŋ mʋgʋ-balɩŋ, yibiiniŋ arɩ tafaaŋ kala.

ZƐKARƖYA 14:8 ပူးပေါင်းရင်းမြစ်များ

SOLOMOŊ YƖƖL-SƖMƖŊ 4:15

Ŋ nagɛ lɩga lɩɩ-bulo nɛ, a nagɛ fuoŋ lɩɩŋ sɩɩ pɛllʋ a pɛllɛ lɩɩ Lɛbanɔŋ peelee a kʋkɔ.

AZAAYA 35:7

Tintee-la fa sɩɩ dii nyiniŋ jaŋ bɩrɩmɛ fuoŋ, dɩ tintee-hɩlɩŋ kala su arɩ lɩɩ-bul-sɩaa. Lee-la jolluŋ fa sɩɩ pɩŋ, kaŋgɩl-yaŋ jaŋ tɔ ʋ kala.

AZAAYA 49:10

Losuŋ koo lɩɩnyʋasʋŋ bɩ jaŋ kɛmba. Wɩɩpɔsʋŋ arɩ tintee-hɩlɩŋ lɩmɩŋ ma bɩ jaŋ lɩma kɛmba, bɛɛ wɩaa nɩɩ-la sɩɩ fá ba nenige jaŋ laa ba sɩpaaŋ a kɛmba mʋ lɩɩ-bulo leriŋ.

AZAAYA 58:11

Mɩ-na ma TƖƖNA jaŋ pɔma bʋa na-kala lɛ. Mɩ jaŋ pɩma kʋzɔmɔ-la kala ma sɩɩ chɛ tintee-hɩlɩŋ lɛ, a leŋ dɩ ma kɛŋ doluŋ arɩ yarɩfɩɛlaa. Ma jaŋ nagɛ lɩga ba sɩɩ mɩsɛ lɩɩŋ bʋa na-kala, a bɩra nagɛ lɩɩ-bul sɩɩŋ sɩ bɩ kɛrɛ.

JOWƐL 2:20

Mɩ jaŋ kiri wɩɩpɔsʋŋ nagʋa laalɩyuoroo dɩ ba mʋ dɩ-bolii a sɩ́ ma kpagʋ, a yigiba hɛ tintee-hɩlɩŋ sɩ bɩ kʋŋkala kɛnɛ lɛ. Ba nɩalɩŋ sɩ hɛ sɩpaaŋ jaŋ mʋ jʋʋ mʋgʋ-bal-la ba sɩɩ yɩrɛ Mʋgʋ-sʋʋŋ, ka nɩalɩŋ ma sɩ hɛ harɩŋ mʋ jʋʋ Mediterenia mʋgʋ-bal-la. Ba sʋɔra jaŋ laa leriŋ kala. Wʋtɩtɩɩ, La TƖƖNA ŋaa wʋbalaa nɛ a pɩla.”

JOWƐL 3:18

Bʋa-la lɛ, girep nɛnɛɛ sɩ-falɩŋ jaŋ lɩlɩɩ peelee lɛ, dɩ dundolluŋ ma pɩpɛllɛ arɩ nɛ-yɩlɩŋ. Lɩɩŋ jaŋ pɩpɛllɛ Juda fuonaa luŋie-la kala lɛ. Fuoŋ jaŋ pɛllɛ lɩlɩɩ La TƖƖNA dɩa lɛ a mʋ jʋjʋʋ fuonaa-la sɩ kɛŋ sɔjaamaa.

MƖKA 4:2

Tintee daŋ nɩaa jaŋ kɔ a bʋl, “Má kɔ dɩ la jɩl La TƖƖNA peel-la nyuŋ a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

ZƐKARƖYA 14:4

Bʋa-la lɛ, ʋ naasɩŋ jaŋ chɩŋ Olif tɩɩsɩŋ Peel-la nyuŋ, Jerusalɛm wɩɩpɔsʋŋ dɩɩrɩŋ, ka dɩ Olif tɩɩsɩŋ Peel-la kpaa balɩa, a chɩŋ wɩɩpɔsʋŋ a kaa mʋ wɩɩjʋʋlʋŋ, a leŋ dɩ lɩɩ-libi-bal pɩŋ ba pɛgɛ, dɩ peel-la kpaa magɛ dɔŋɔ hɛ wɩɩpɔsʋŋ nagʋa, dɩ kpaa magɛ dɔŋɔ ma hɛ wɩɩpɔsʋŋ nadiiŋ.

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 5:4

Bʋa dɔŋɔ Wɩa tɩndaarʋ nɛ fa yie kʋ tuu fuo-la a kɛŋ lɩɩ-la kaa vuugi. Dɩ Wɩa tɩndaarʋ-la nɛ kɛŋ lɩɩ-la vuugi, nyanyal tɩɩna-la sɩ laa sɩpaaŋ tuu lɩɩ-la, ʋ nyanyalɩŋ cho dɩ ʋ nagɛ ŋɩɩ ma kala, ʋ yie duori nɛ.]

Jɔɔŋ 7:38

Nɩɩ-la kala sɩ laa mɩ wɩaa dii, ʋ jaŋ nagɛ lɩɩ-bulo ʋ tʋɔŋ lɛ a bubul, arɩ ba sɩ ŋmʋnsɛ ŋɩɩ Wɩa teniŋ tʋɔŋ.”

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”