ZƐKARƖYA 14:7 - WƖA TENIŊ

⁷ Tapʋlɩɩ-la jaŋ ŋaa tapʋl-dabaŋ, ʋ bɩ jaŋ kɛŋ wɩɩhɛyɛ koo tɩtaŋɩŋ, dɩ wɩa nɛ jʋa ma, leriŋ ha jaŋ pʋllɛ. La TƖƖNA dʋndʋŋa nɛ jɩŋ tapʋlɩɩ-la.

ZƐKARƖYA 14:7 ပူးပေါင်းရင်းမြစ်များ

WƖA YƖƖLAA 37:18

Nɩalɩŋ sɩɩ to La Tɩɩna niiŋ, ʋʋ bemba nɛ tapʋlɩɩ kala. Kɩalɩŋ ʋ sɩ joŋo pɩba jaŋ hɛ nɩmɛ a kaa mʋ wuu.

AZAAYA 11:9

Wɩa peel-zɔŋ-la kala lɛ wʋbɔŋ koo wʋcheyii bɩ jaŋ kɔ dɩ ʋ hɛ nɩmɛ. Wɩa wɩaa jaŋ su dʋnɩa kala a nagɛ lɩɩŋ sɩ yie su mʋgʋ-balɩŋ ŋɩɩ.

AZAAYA 24:23

La TƖƖNA doluŋ kala Tɩɩna jaŋ bibeŋ peel-la ba sɩɩ yɩrɛ Zaayɔŋ nɩaa arɩ Jerusalɛm nɩaa kala. Ʋ jaŋ ŋmoo chɛnɛ pʋlʋmʋŋ arɩ wɩɩpɔsʋŋ pʋlʋmʋŋ a hɛ pɛgɛ lɛ, ka dɩ ʋ nɩhɩasɩŋ na ʋ tʋla.

AZAAYA 30:26

Chɛnɛ pʋlʋmʋŋ jaŋ chaanɛ a nagɛ wɩɩpɔsʋŋ, ka wɩɩpɔsʋŋ ma chaanɛ a kɩɩ ŋɩɩ ʋ sɩ vɛnɛ chɩchaanɛ naansɩɩŋ bʋlɩpɛ, a nagɛ tapʋlaa balɩpɛ pʋlʋmʋŋ sɩ kʋ pɛ dɔŋɔ a chaanɛ tapʋl-bala. Wɩaa deemba kala jaŋ ŋaa bʋa-la lɛ La TƖƖNA sɩ jaŋ leŋ dɩ naawɩɩla-la ʋ sɩ hɛ ʋ nɩaa lɛ fɩɛlɛ.

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

AZAAYA 58:10

a pɩpɩ losumoo kʋdiilee, a leŋ dɩ nɩalɩŋ ba sɩ nyaga bil ma na ba wʋchɛɛlɛɛ. Biriŋ-la sɩ gollima jaŋ bɩrɩmɛ pʋlʋmʋŋ, dɩ ma tɩtaŋɩŋ ma pʋllɛ a nagɛ wɩɩhɛyɛ.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

JƐRƖMAAYA 30:7

Tapʋlɩɩ-la chaasa lɔrɛ nɛ. Tapʋlɩɩ dɔŋ jaŋ tuo a nagʋ. Bʋa-la lɛ wʋwalɩmaa jaŋ jʋʋ Jekɔb, ama ʋ jaŋ lɩɩ ba lɛ suoo.”

DANƖƐL 12:4

Ŋ-na Danɩɛl, sɩ́ wɩaa deemba bʋla pɩ nʋʋkala. Kɛŋ teŋ-la tɔ a joŋ kʋa magɩlɛ a kaa mʋ yi dʋnɩa dɩdɛrɩŋ. Nɩaa jaŋ yʋgɛ a lɩɩ daha a mʋ daha a chɩchɛ dɩ ba wʋjɩmɩŋ pʋŋa pɛ.”

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

AMƆS 8:9

La Tɩɩna Wɩɩjarɩbakɔ sɩ, “Tapʋlɩɩ-la, mɩ jaŋ leŋ dɩ wɩɩpɔsʋŋ jʋʋ, dɩ leriŋ kala biri lim wɩɩhɛyɛ.

Matiu 24:36

Ama nʋʋkala bɩ jaŋ jɩŋ chɛɛ-la koo bʋa-la lɛ wɩaa deemba sɩ jaŋ ŋaa. Wɩa tɩndaaraa sɩ hɛ Wɩa-jaŋ koo mɩ-na Nuhuobiine Bie ma paala bɩ jaŋ jɩŋ, see mɩ Nyɩmma dʋndʋŋa.

Maak 13:32

Ama nʋʋkala bɩ jaŋ jɩŋ chɛɛ-la lɛ koo bʋa-la lɛ wɩaa deemba sɩ jaŋ ŋaa. Wɩa tɩndaaraa sɩ hɛ Wɩa-jaŋ ma paala bɩ jaŋ jɩŋ. Mɩ-na Wɩa Bie ma bɩ jaŋ jɩŋ, see mɩ Nyɩmma dʋndʋŋa.

Tɩntɩŋŋaa 1:7

Ŋɩɩ nɛ Yesu bʋla pɩba, “Mɩ Nyɩmma nɛ kɛŋ doluŋ a hɛ bʋa-la koo tapʋlɩa-la wɩalɩŋ sɩ jaŋ ŋaa. Ʋ tuo ma wɩɩ dɩ ma jɩŋ.

Tɩntɩŋŋaa 15:18

Wɩa bʋl ŋɩɩ faafaa kala nɛ dɩ nɩaa jɩŋ.”

Tɩntɩŋŋaa 17:26

Wɩa ta nɩbala nɛ bumbuŋ-la. Nɩbala-la lɛ nɛ dʋnɩa tinteyee kala to kɔ, a hɔŋ dʋnɩa sɛmɛ kala. Ka dɩ ʋ ŋaaba, ʋ nɛ dagɛ bʋa-la ba sɩ jaŋ kɛŋ mɩɩsɩŋ, arɩ lere-la kala ba sɩ jaŋ hɔŋ.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

1 Tɛsalonaaka Nɩaa 5:2

bɛɛ wɩaa ma tɩtɩa jɩma woruŋ dɩ La Tɩɩna Yesu nɩɩ kɔ tapʋlɩɩ-la, ʋ jaŋ kʋ dɩ ma lɛ, a nagɛ gaara sɩ yie guu kɔ ŋɩɩ tɩtaŋɩŋ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 14:6

Ŋɩɩ nɛ mɩ bɩra na Wɩa tɩndaara dɔŋɔ dɩ ʋʋ fil wɩa-nyuŋ dɩ-bolii. Ʋ fa kori Wɩa Wʋzɔmɔ-la nɛ, Wʋzɔmɔ-la sɩ jaŋ hɛ nɩmɛ a kaa mʋ wuu. Ʋ kaa mʋ bʋla pɩ tintee kala nɩaa, doho kala nɩaa, yikoro kala nɩaa arɩ nɩaa kala.

Jɔɔŋ Wʋnaalaa 21:23

Tabal-la bɩra bɩ wɩɩpɔsʋŋ arɩ chɛnɛ ka chɛ, bɛɛ wɩaa Wɩa tʋla nɛ ŋaa ba pʋlʋmʋŋ. Pie-bie-la ma nɛ ŋaa ba chaanɩŋ.

Jɔɔŋ Wʋnaalaa 21:25

Ba bɩ jaŋ kɔ dɩ ba kɛŋ tabal-la boi-baala-la kaa tɔ, bɛɛ wɩaa, tɩtaŋɩŋ tuo nɩmɛ.

Jɔɔŋ Wʋnaalaa 21:3

Ŋɩɩ nɛ aŋ ka mɩ nɩɩ nʋʋ yikori-balɩŋ dɩ ʋ lɩɩ kuoru kpasa-la sɛmɛ a bʋl, “Má bee na, lɛɛlɛ Wɩa kɔ nuhuobiine teeŋ nɛ. Ʋ jaŋ hɔŋ ba tʋɔŋ. Ba nɛ jaŋ ŋaa ʋ nɩaa. Wɩa tɩtɩa jaŋ hɔŋ ba teeŋ a ŋaa ba Wɩa.

Jɔɔŋ Wʋnaalaa 22:5

Taŋ bɩ jaŋ biri nɩmɛ. Ba bɩ chaanɩŋ koo wɩɩpɔsʋŋ pʋlʋmʋŋ chɛ nɩmɛ. La Tɩɩna Wɩa nɛ jaŋ ŋaa ba pʋlʋmʋŋ. Ba nɛ jaŋ beŋ dʋnɩa a kaa mʋ wuu.