ZƐKARƖYA 14:6 - WƖA TENIŊ

⁶ Tapʋlɩɩ-la, pʋlʋmʋŋ jaŋ tuo, waarɩŋ koo bʋrʋŋ ma jaŋ tuo.

ZƐKARƖYA 14:6 ပူးပေါင်းရင်းမြစ်များ

WƖA YƖƖLAA 112:4

Nɩalɩŋ sɩ bɩ wʋcheeli kɛnɛ arɩ nɩalɩŋ sɩɩ fá nɩaa nenige, nɩalɩŋ sɩ kɛŋ zile arɩ nɩalɩŋ sɩ kɛŋ wʋtɩtɩɩ, dɩ ba nɛ hɛ birimiŋ tʋɔŋ ma, pʋlʋmʋŋ yie chaana pɩba nɛ.

AZAAYA 13:10

Chɛnwʋlaa sɩ hɛ wɩa-nyuŋ arɩ ba nagɩsɩŋ kala bɩ jaŋ chaanɛ. Wɩɩpɔsʋŋ ma jaŋ biri, chɛnɛ ma pʋlʋmʋŋ bɩ jaŋ chaanɛ.

AZAAYA 24:23

La TƖƖNA doluŋ kala Tɩɩna jaŋ bibeŋ peel-la ba sɩɩ yɩrɛ Zaayɔŋ nɩaa arɩ Jerusalɛm nɩaa kala. Ʋ jaŋ ŋmoo chɛnɛ pʋlʋmʋŋ arɩ wɩɩpɔsʋŋ pʋlʋmʋŋ a hɛ pɛgɛ lɛ, ka dɩ ʋ nɩhɩasɩŋ na ʋ tʋla.

AZAAYA 50:10

Ma nɩalɩŋ kala sɩɩ zil La TƖƖNA, a sɛɩ wɩalɩŋ kala ʋ tɩntɩnna sɩ bʋla, dɩ ma nɩɩ vɛŋ birimiŋ lim tʋɔŋ a bɩ nyiniŋ kɛnɛ ma, má laa La TƖƖNA dii, a bibeŋ ma Wɩa lɛ.

JƐRƖMAAYA 4:23

Ŋɩɩ nɛ mɩ beŋ dʋnɩa, ʋ fa bɩ kʋŋkala naga, ʋ fa pɩŋ hoi nɛ. Mɩ sɩ beŋ wɩa-nyuŋ ma, ʋ pʋlʋmʋŋ kala nɛ lɛlɛ.

ƐZƖKƖƐL 32:7

Dɩ mɩ nɛ cheyiŋ dɛrɛ, mɩ jaŋ leŋ dɩ wɩa-nyuŋ kala biri dɩ chɛnwʋlaa sɩ́ wuo chaanɛ. Mɩ jaŋ leŋ dɩ duoŋ-bɩlɩmbaanɩŋ tɔ wɩɩpɔsʋŋ, aŋ leŋ dɩ chɛnɛ ma sɩ́ wuo chaanɛ.

ƐZƖKƖƐL 32:8

Mɩ jaŋ dɩsɛ wɩa-nyuŋ pʋlʋŋ kala, aŋ leŋ ŋ tinteeŋ kala biri. Mɩ-na ma TƖƖNA Wɩɩjarɩbakɔ nɛ bʋla.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

JOWƐL 2:2

Ʋ jaŋ ŋaa biriŋ lim tapʋlɩɩ, duoŋ-bɩlɩmbaanaa jaŋ tɔ dɩ leriŋ biri. A nagɛ wɩɩpɔsʋŋ sɩ yie guu tɔɔ lɩɩ ŋɩɩ peelee nyuŋ, ŋɩɩ nɛ laalɩyuoroo sɩ yʋga a kɛŋ doluŋ woruŋ jaŋ kɔ. Ba doho ha bɩ kɔ aŋ ka, maachie ma ba bɩra bɩ jaŋ kɔ.

JOWƐL 2:30

Mɩ jaŋ ŋaa wʋmagɩlaa wɩa-nyuŋ arɩ tinteeŋ lɛ. Chalɩŋ jaŋ jaasɛ, dɩ nyiniŋ didii, dɩ nyʋɔsʋŋ tɔ a nagɛ duoŋ-bɩlɩmbaanaa.

JOWƐL 2:31

Wɩɩpɔsʋŋ jaŋ biri, dɩ chɛnɛ fɩɛsɛ a nagɛ chalɩŋ, ka dɩ mɩ-na ma TƖƖNA tapʋl-bal-la sɩ faasa kɛŋ fawʋllʋŋ-na kɔ.

Jɔɔŋ 1:5

Pʋlʋŋ-la chaanɛ birimiŋ tʋɔŋ, biriŋ-la bɩ pʋlʋŋ-la wuo tɔ.

Jɔɔŋ 12:46

Mɩ kʋ tuu dʋnɩa dɩ mɩ ŋaa dʋnɩa pʋlʋmʋŋ nɛ a chaanɛ. Nɩɩ-la kala sɩ laa mɩ wɩaa dii bɩra bɩ jaŋ hɛ birimiŋ tʋɔŋ.

Tɩntɩŋŋaa 2:16

Jowɛl ma fa bʋl wɩɩŋ deeŋ sɩ ŋaa wɩaa nɛ. Ʋ fa ŋaa Wɩa wʋlaabʋllʋ nɛ. Ʋ sɩ,

Tɩntɩŋŋaa 2:19

Mɩ jaŋ ŋɩŋaa wʋkpuŋkperisiŋ wɩa-nyuŋ, aŋ ŋɩŋaa wʋmagɩlaa ma tinteeŋ lɛ. Chalɩŋ, nyiniŋ arɩ nyʋɔ-bine jaŋ hɛ nɩmɛ.

Koloosi Nɩaa 1:12

a lɔllɛ Wɩa arɩ ʋ sɩ leŋe ma ma maachie jaŋ wuo pɛ dii kɩalɩŋ ʋ sɩ ŋaa bil ʋ nɩaa lɛ Wɩa kuorii-la tʋɔŋ.

2 Pɩɩta 1:19

Wɩaa deemba leŋe la wasa laa wɩalɩŋ Wɩa wʋlaabʋllaa ma fa sɩ bʋla dii nɛ. Má jegile nɩɩba, bɛɛ wɩaa wɩalɩŋ ba sɩ bʋla nagɛ chaanɩŋ nɛ a chaanɛ birimiŋ tʋɔŋ. Ʋ jaŋ chaanɛ ŋɩɩ halɩɩ a mʋ yi bʋa-la lɛ Yesu Kirisito pʋlʋmʋŋ sɩ jaŋ chaanɛ ma tʋɔŋ lɛ, a nagɛ nanyʋɔlʋŋ sɩ yie chaanɛ ŋɩɩ.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Jɔɔŋ Wʋnaalaa 11:3

Mɩ-na Wɩa jaŋ pɩ mɩ pɛ-naaraa balɩa-la doluŋ dɩ ba wuo bʋl mɩ wɩaa, tapʋlaa bʋɩ arɩ zɔɔ-balɩa arɩ mahɩŋ batori, aŋ baagɛ tʋɔ-chei gɛrɩ-bɔsʋnʋŋ.”