ZƐKARƖYA 14:4 - WƖA TENIŊ

⁴ Bʋa-la lɛ, ʋ naasɩŋ jaŋ chɩŋ Olif tɩɩsɩŋ Peel-la nyuŋ, Jerusalɛm wɩɩpɔsʋŋ dɩɩrɩŋ, ka dɩ Olif tɩɩsɩŋ Peel-la kpaa balɩa, a chɩŋ wɩɩpɔsʋŋ a kaa mʋ wɩɩjʋʋlʋŋ, a leŋ dɩ lɩɩ-libi-bal pɩŋ ba pɛgɛ, dɩ peel-la kpaa magɛ dɔŋɔ hɛ wɩɩpɔsʋŋ nagʋa, dɩ kpaa magɛ dɔŋɔ ma hɛ wɩɩpɔsʋŋ nadiiŋ.

ZƐKARƖYA 14:4 ပူးပေါင်းရင်းမြစ်များ

2 SAMƲƐL 15:30

Ka Devit kiele jɩl peel-la ba sɩɩ yɩrɛ Olif peeliŋ, aŋ yiyel, aŋ joŋ kʋa tɔ ʋ nyuŋ a vɩvɛŋ naabirimee a dɩdagɛ tʋɔ-cheeŋ. Nɩalɩŋ ma kala sɩɩ to ʋ harɩŋ paa kɩaa tɔ ba nyusuŋ aŋ ma yele tuto.

ƐZƖKƖƐL 11:23

La TƖƖNA tʋla-la faa sii tabal-la lɛ a mʋ chɩŋ peeliŋ nyuŋ, tabal-la wɩɩpɔsʋŋ dɩɩrɩŋ.

ƐZƖKƖƐL 38:20

Chenfilee, diibiisiŋ, bagɩlaa arɩ kɩalɩŋ kala sɩɩ vaamɛ tinteeŋ, a pɛ nuhuobiinee lɛ, ba kala jaŋ chichel mɩ sɩpaaŋ. Peelee jaŋ wuro chu dɩ bʋsʋŋ yɛrɛ dɩ jeyee ma kala tel.

ƐZƖKƖƐL 43:2

Mɩ na Iziral tɩŋŋaa Wɩa tʋla dɩ ʋ lɩɩ wɩɩpɔsʋŋ dɩɩrɩŋ kʋkɔ. Ʋ dɔmɔ nagɛ lɩɩŋ sɩ faasa pɛllɛ a dʋdɔŋ nɛ. Ʋ tʋla-la leŋ tinteeŋ kala tʋtʋl.

HABAKU 3:6

Dɩ ʋ nɛ chɩna, tinteeŋ yie zigili nɛ, dɩ ʋ nɛ beŋ tinteyee nɩaa, ba yie chichel nɛ. Peel-bɩnaa arɩ dundol-bɩnaa yie tel a yɛrɛ nɛ. Ʋ wombiee chɩna nɛ a kaa mʋ wuu.

ZƐKARƖYA 14:10

Tintee-la kala, a chɩŋ Geba lɛ a kaa mʋ Rimoŋ sɩ hɛ Jerusalɛm wɩɩpɔsʋŋ nadiiŋ dɩɩrɩŋ, jaŋ mɩɩra nagɛ lee-la ba sɩɩ yɩrɛ Araba. Ama Jerusalɛm jaŋ sii je a chɩŋ ʋ dɩchɩnɩŋ, a lɩɩ Bɛnjamɩŋ Boi-baalɩŋ a kaa mʋ Boi-baal Bumbuŋ leriŋ, a kaa mʋ Je-gʋnʋŋ Boi-baalɩŋ lɛ, a bɩra chɩŋ Hananɛl dɩɩ-leŋii-la lɛ a kaa mʋ kuoro girep nɛnɛɛ sɩnɩŋ dɩ-chagɩŋ.

ZƐKARƖYA 14:7

Tapʋlɩɩ-la jaŋ ŋaa tapʋl-dabaŋ, ʋ bɩ jaŋ kɛŋ wɩɩhɛyɛ koo tɩtaŋɩŋ, dɩ wɩa nɛ jʋa ma, leriŋ ha jaŋ pʋllɛ. La TƖƖNA dʋndʋŋa nɛ jɩŋ tapʋlɩɩ-la.

ZƐKARƖYA 14:8

Tapʋlɩɩ-la, lɩɩŋ sɩɩ pa mɩɩsɩŋ jaŋ pɛllɛ lɩɩ Jerusalɛm lɛ, kpaa magɛ dɔŋɔ jaŋ pɛllɛ mʋ wɩɩpɔsʋŋ dɩɩrɩŋ mʋgʋ-balɩŋ, dɩ kpaa magɛ dɔŋɔ ma pɛllɛ mʋ wɩɩjʋʋlʋŋ dɩɩrɩŋ mʋgʋ-balɩŋ, yibiiniŋ arɩ tafaaŋ kala.

ZƐKARƖYA 4:7

Peel-duo, ŋ nɛ kʋbɛɛ? Ŋ jaŋ bɩrɩmɛ tintee-taala Zerubabɛl sɩpaaŋ. Ŋɩɩ nɛ ʋ jaŋ joŋ tiebii-katɩɩ a daŋ, ka dɩ nɩaa ŋaa goŋ a bʋl, ‘Wɩa jaŋ pɛ! Wɩa jaŋ pɛ!’ ”

Maak 11:23

Wʋtɩtɩɩ nɛ mɩ bʋlaa pɩma, dɩ ma nɛ laa Wɩa dii a bɩ tʋɔsaa balɩa kɛnɛ, a bʋla pɩ peeliŋ dɩ ʋ sii mʋ tel mʋga tʋɔŋ, aŋ laa dii arɩ wɩɩ-la ma sɩ bʋla jaŋ ŋaa, ŋɩɩ sɛnɛ jaŋ ŋaa.