ZƐKARƖYA 14:3 - WƖA TENIŊ

³ Ŋɩɩ nɛ La TƖƖNA jaŋ lɩɩ yuo tinteye-la, a nagɛ ʋ fa sɩ yuo laalɩŋ ŋɩɩ.

ZƐKARƖYA 14:3 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 20:15

Ʋ bʋl, “Kuoro Jehosafat arɩ ma nɩalɩŋ kala sɩ hɛ Juda arɩ Jerusalɛm lɛ, má jegili, wɩɩ-la La TƖƖNA sɩ bʋla pɩma nɛ ŋ-la, ‘Má sɩ́ leŋe dɩ ma bɔyɛ joŋ koo dɩ ma nandaasɩŋ yʋɔrɛ a tɩŋ laalɩyuori-daŋ-la wɩaa. Ma dee bɩ jaŋ yuo laal-la, ama Wɩa nɛ jaŋ yuo.

NƐHƖMAAYA 4:14

Ŋɩɩ nɛ mɩ beŋ wɩaa jim, aŋ bʋla pɩ tinteeŋ nɩbalaa, tɩntɩnnɩ-hɩasɩŋ arɩ nɩkaana-la, “Má sɩ́ leŋe dɩ fawʋllʋŋ kɛmma a tɩŋ la dʋndɔŋŋɔɔ wɩaa. Má liisi ŋɩɩ La TƖƖNA sɩ kɛŋ doluŋ, nɩaa fɩfáʋ, aŋ yuo laa ma naambiiriŋ, ma hambolibiisiŋ, ma toloo, ma haalaa arɩ ma dɩɩsɩŋ.”

AZAAYA 29:7

Tinteyee nɩ-daŋ-la kala sɩɩ yuo Jerusalɛm, arɩ ʋ dɩɩ-duoruŋ a leŋ baa na hɛɛŋ, ba wɩaa kala jaŋ nagɛ nɩa sɩ duoso tɩtaŋɩŋ,

JOWƐL 3:2

Mɩ jaŋ kɛŋ tinteyee kala kʋ hɛ dɔŋɔ, a kɛmba kʋ tuu fuonaa-la ba sɩɩ yɩrɛ Jehosafat. (Ʋ bʋbʋɔŋ nɛ La TƖƖNA dii nɩaa sarɩya.) Nɩmɛ nɛ mɩ jaŋ diiba sarɩya, a mʋ tɩgɛ mɩ nɩaa Iziral tɩŋŋaa lɛ, nɩalɩŋ mɩ sɩ lɩɩsa, bɛɛ wɩaa ba ŋaa mɩ nɩaa pɩsa hɛ tinteyee lɛ nɛ a kɛŋ mɩ tinteeŋ kpaa.

ZEFANAAYA 3:19

Bʋa-la nɛ yie, mɩ jaŋ dɔgɩsɛ nɩalɩŋ kala sɩ wʋrʋgʋma. Mɩ jaŋ laa gbɛrɩgɛɛ ta, aŋ kɛŋ nɩalɩŋ sɩ pɩsa kʋ hɛ dɔŋɔ. Mɩ jaŋ leŋ dɩ ma kɛŋ yɩrɩŋ dɩ nɩaa zizilma tinteye-la kala lɛ ba sɩ hɩɩsɛma.

ZƐKARƖYA 12:9

Tapʋlɩɩ-la, mɩ jaŋ chei tinteye-la kala sɩɩ yuo Jerusalɛm.

JOSUA 10:10

La TƖƖNA fa leŋe Amɔrɩ tɩmma-la wɩɩkala vʋgʋmɛ nɛ Iziral tɩŋŋaa laalɩyuoro-la sɩpaaŋ. Ba chaasa yuo diiba Gibioŋ lɛ, a kire to ba harɩŋ a joŋ wombii-la sɩɩ mʋ Bɛf Horoŋ a kpʋba ŋɩɩ a mʋ yi tasɩ-la ba sɩɩ yɩrɛ Azɛka arɩ Makɛda.

JOSUA 10:14

Tapʋlɩɩ dɔŋ kala ha bɩ ŋɩɩ naga, tapʋlɩɩ La TƖƖNA sɩ jegile nɩɩ nuhuobiine teeŋ. Wʋtɩtɩɩ, La TƖƖNA nɛ yuo laalɩŋ pɩ Iziral tɩŋŋaa.

JOSUA 10:42

Kuoroo deemba arɩ ba tinteyee kala nɛ Josua yuo dii bʋa bala lɛ, bɛɛ wɩaa La TƖƖNA Iziral tɩŋŋaa Wɩa nɛ yuo pɩba.