ZƐKARƖYA 14:2 - WƖA TENIŊ

² Mɩ jaŋ kɛŋ tinteyee nɩaa kala kʋ hɛ dɔŋɔ dɩ ba yuo Jerusalɛm. Ba jaŋ yuo laa tabal-la, a paa ba dɩɩsɩŋ kɩaa, aŋ gurigi ba haalaa. Tabal-la nɩaa kpaa magɛ dɔŋɔ jaŋ mʋ yoŋ-baga, ama nɩkaanaa jaŋ ka tabal-la lɛ.

ZƐKARƖYA 14:2 ပူးပေါင်းရင်းမြစ်များ

AZAAYA 13:16

Ba jaŋ paa ba bii-mulluŋ vɩɩra yɛrɛ ba sɩɩŋ lɛ, aŋ jʋʋ ba dɩɩsɩŋ paa ba kɩaa kala aŋ gurigi ba haalaa.

AZAAYA 4:3

Nɩalɩŋ kala sɩ ka Jerusalɛm lɛ a bɩ sʋba, nɩalɩŋ kala Wɩa sɩ lɩɩsa, ba jaŋ yɩrɛba tʋɔpʋl tɩŋŋaa.

AZAAYA 5:26

La TƖƖNA hɛ duoso nɛ pɩpɩ tinteye-la sɩ hɛ dɩ-bolii, aŋ ŋmʋʋ ŋmʋlʋŋ ma a yɩyɩrɛ nɩalɩŋ sɩ hɛ dʋnɩa dɩdɛrɩŋ. Na ba nɛ fá kʋkɔ ŋɩɩ lɩma lɩma.

AZAAYA 65:18

Má leŋ dɩ ma tʋɔŋ tɔrɛ a kaa mʋ wuu, dɩ ma jʋjʋɔsɛ kɩalɩŋ mɩ sɩ jaŋ ŋaa lɛ. Mɩ jaŋ leŋ Jerusalɛm dɩ ʋ ŋaa lee sɩ kɛŋ tʋɔtɔrʋŋ, dɩ ʋ nɩaa jʋjʋɔsɛ.

JƐRƖMAAYA 21:4

‘Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mɩ jaŋ kɛŋ bayuori kɩalɩŋ sɩ hɛ ŋ nɩsɩŋ lɛ a mɩɩra gʋra chaasɛ ŋ tɩtɩa, kɩalɩŋ ŋ sɩ kaa yuyuo Babɩlɔŋ kuoro arɩ Babɩlɔŋ nɩalɩŋ sɩ hɛ kɛrɩsɩ-la sɩ golluŋ harɩŋ a yuyuoŋ. Mɩ jaŋ kɛŋ nɩalɩŋ kala kʋ jʋʋ hɛ dɔŋɔ tabalɩŋ deeŋ tʋɔŋ.

JƐRƖMAAYA 34:1

Babɩlɔŋ kuoro Nebukadineza arɩ ʋ laalɩyuoroo arɩ ʋ kuori gentisiŋ arɩ ʋ nɩaa sɩ hɛ tintee-la kala ʋ sɩɩ beŋ lɛ sɩ mʋa a yuyuo Jerusalɛm arɩ tasɩ-la kala sɩ gollu lɛ nɛ, La TƖƖNA bʋl wɩaa a pɩ Jɛrɩmaaya.

JEMBIEE 1:10

Jerusalɛm dʋndɔmɔ kɛŋ ʋ dʋa kala laa nɛ. Ʋ na dɩ tinteye-la nɩaa sɩɩ kpaarɛ vʋɩyaa jʋʋ Wɩa dɩɩ-bal-la sɩ hɛ ʋ lɛ tʋɔŋ, nɩalɩŋ fa sɩɩ kɩsɛ dɩ ba jʋʋ lee-la ŋ nɩaa sɩɩ hilimu.

ƐZƖKƖƐL 5:8

Ŋɩɩ wɩaa, wɩɩ-la mɩ-na ŋ TƖƖNA Wɩɩjarɩbakɔ sɩ bʋla nɛ ŋ-la: mɩ chɩŋ ŋ-na Jerusalɛm lɛ nɛ. Mɩ jaŋ dɔgʋsʋŋ tinteye-la kala sɩɩŋ lɛ.

JOWƐL 3:2

Mɩ jaŋ kɛŋ tinteyee kala kʋ hɛ dɔŋɔ, a kɛmba kʋ tuu fuonaa-la ba sɩɩ yɩrɛ Jehosafat. (Ʋ bʋbʋɔŋ nɛ La TƖƖNA dii nɩaa sarɩya.) Nɩmɛ nɛ mɩ jaŋ diiba sarɩya, a mʋ tɩgɛ mɩ nɩaa Iziral tɩŋŋaa lɛ, nɩalɩŋ mɩ sɩ lɩɩsa, bɛɛ wɩaa ba ŋaa mɩ nɩaa pɩsa hɛ tinteyee lɛ nɛ a kɛŋ mɩ tinteeŋ kpaa.

JOWƐL 3:9

Má heele bʋl wɩɩŋ deeŋ tinteyee tʋɔŋ: Má kɛŋ ma tɩtɩa hɛ dɔŋɔ a yuo laalɩŋ. Má leŋ dɩ bayuoroo nyɩgɩlɛ. Má leŋ dɩ bayuoro-la kala kʋ kpagɛ a yuo.

AMƆS 7:17

Ŋɩɩ wɩaa jegile nɩɩ wɩalɩŋ La Tɩɩna sɩ bʋla a tɩgɛ ŋ lɛ: ‘Ŋ haala jaŋ ŋaa hachɔrʋŋ ma tabalɩŋ lɛ, ka ba kpʋ ŋ hambolibiisiŋ arɩ ŋ toloo ma laalɩŋ lɛ, aŋ kɛŋ ŋ tinteeŋ kpaa dɔŋɔ. Ŋ ma tɩtɩa jaŋ sʋʋ tintee-la nɩaa sɩ bɩ Wɩa ka to lɛ. Ka dɩ ba kɛsɛ Iziral tɩŋŋaa kala lɩɩ ba tinteeŋ lɛ a mʋ yoŋ-baga.’ ”

ZƐKARƖYA 12:2

“Mɩ jaŋ leŋ dɩ Jerusalɛm nagɛ nyʋnyʋala girep nɛnɛɛ sɩnɩŋ sɩ hɛ ʋ tʋɔŋ. Tinteye-la sɩ kpagʋ jaŋ nyʋa a bugi a gɩgɛrɛ. Nɩaa jaŋ kʋ golli Juda arɩ Jerusalɛm chu dɩ ba yuo.

ZƐKARƖYA 12:3

Tapʋlɩɩ-la, dʋnɩa tinteyee kala sɩ jaŋ kʋ hɛ dɔŋɔ a chɩŋ ʋ lɛ, mɩ jaŋ leŋ dɩ Jerusalɛm nagɛ bʋŋ sɩ bɩ jigisi a pɩ tinteye-la kala. Nɩalɩŋ kala sɩɩ nɛrɩgɛ dɩ ba jigisu jaŋ pɩrɛ ba tɩtɩa.

ZƐKARƖYA 12:9

Tapʋlɩɩ-la, mɩ jaŋ chei tinteye-la kala sɩɩ yuo Jerusalɛm.

Matiu 22:7

Ŋɩɩ nɛ kuoru-la na baanɩŋ a ta ʋ laalɩyuoroo, ba mʋ kpʋ nɩalɩŋ sɩ kpʋ ʋ dɩa tɩntɩnna-la aŋ nyɩgɛ ba tabalɩŋ kala.

Maak 13:14

Ma jaŋ na dɩ ba joŋ kʋ-la sɩ kɛŋ disiniŋ aa chei leriŋ a bil lee-la ʋ sɩ bɩ maga ʋ hɛ. Kʋa deeŋ jaŋ ŋaa wʋbɔŋŋɔɔ. Ʋ jaŋ chei Wɩa yɩrɩŋ. (Ma sɩ jaŋ karɩmɛ wɩaa deemba, ma jaŋ jɩŋ ba bʋbʋɔŋ.) Dɩ ma nɛ na ŋɩɩ, má leŋ dɩ nɩalɩŋ sɩ hɛ Judiya tinteeŋ lɛ, dɩ ba fá jɩl peelee nyuŋ a faa.

Maak 13:19

Wɩa sɩ ŋaa dʋnɩa a kʋʋ lɩɩ jɩnɩŋ, nʋʋkala ha bɩ hɛɛŋ deeŋ na a nagɛ ŋɩɩ, nʋʋ bɩra bɩ jaŋ na hɛɛŋ ŋɩɩ a kaa mʋ wuu.

Luuk 2:1

Baal kʋbala nɛ fa hɛ nɩmɛ, baa yɩrɛ Ɔgasɩtʋs. Ʋ nɛ fa ŋaa Rom tɩŋŋaa kuoru-balɩŋ. Bʋa-la lɛ ʋ bʋl dɩ ba dɩɩsɛ ʋ tinteeŋ nɩaa.