ZƐKARƖYA 13:8 - WƖA TENIŊ

⁸ La TƖƖNA bɩra sɩ, “Tintee-la kala lɛ, dɩ ŋ nɛ kɛŋ nɩalɩŋ kpaa leree batori, mɩ jaŋ ŋmoo leree balɩa kala lo dɩ ba sʋʋ, ama kʋbala ha jaŋ ka.

ZƐKARƖYA 13:8 ပူးပေါင်းရင်းမြစ်များ

AZAAYA 6:13

Dɩ nɩaa fii tʋɔŋ, nɩbala ma nɛ paala ka tintee-la lɛ, ʋ ha jaŋ bɩra pɩŋ hoi. Nɩɩ-la jaŋ nagɛ piiŋ tɩa ba sɩ kere ta aŋ ka ʋ gentine bɩra tɔsɛ. Ŋɩɩ nɛ mɩ nɩaa ma jaŋ nagɛ tɩa-gentine tintee-la lɛ.”

AZAAYA 66:24

Dɩ ba nɛ lɩɩ dɩ-jalɩŋ, ba jaŋ na nɩalɩŋ kala sɩ vɩa mɩ niiŋ dɩ ba sʋʋ pɩŋ pɩŋ. Nanchʋɔla-la sɩɩ diiba bɩ jaŋ sʋʋ. Nyiŋ-la ma sɩ diiba bɩ jaŋ kɔ dɩ ʋ dɩsa. Ba kʋsʋʋnʋŋ jaŋ lɔrɛ a pɩ nuhuobiinee kala.”

JƐRƖMAAYA 30:11

Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

ƐZƖKƖƐL 20:38

Mɩ jaŋ tʋɔsɛ ma tʋɔŋ nɩalɩŋ sɩ vɩamɛ aŋ ŋaa wʋbɔŋŋɔɔ. Mɩ jaŋ kɛmba kaa lɩɩ tinteye-la ba sɩ hɔnɔ lɛ, ama mɩ bɩ jaŋ leŋ dɩ ba jʋʋ Iziral tinteeŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

DANƖƐL 9:27

Sɩpaalaara deeŋ arɩ nɩ-daŋ jaŋ bil niiŋ pɩ dɔŋɔ jɩsɩŋ balɩpɛ, ama jɩsɩ-la kpaa magɛ dɔŋɔ lɛ, ʋ jaŋ giri pʋsʋŋ kpʋ ŋaa Wɩɩsʋlʋŋ arɩ kɩaa joŋo ŋaa Wɩɩsʋlʋŋ ta. Ʋ jaŋ joŋ disiŋ kʋŋ sɩɩ chei leriŋ bil Wɩa dɩɩ-bal-la tʋɔŋ, koruŋ leriŋ dɩ ʋ chɩŋ nɩmɛ halɩɩ, a kaa mʋ bʋa-la lɛ Wɩa sɩ daga dɩ ʋ cheyu yie.”

AMƆS 9:10

Wʋbɔŋ ŋaara-la sɩ hɛ mɩ nɩaa tʋɔŋ a bʋl, ‘Wʋlɔrʋ kala bɩ jaŋ jʋʋla koo a puula,’ ba jaŋ kpʋba laalɩŋ lɛ.

ZEFANAAYA 3:12

Mɩ-na ma TƖƖNA jaŋ leŋ nɩalɩŋ sɩ kɛŋ ba tɩtɩa muuri arɩ nɩalɩŋ sɩaa sɩ fɩɛla tabal-la lɛ, nɩalɩŋ sɩ laamɛ dii.

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Matiu 22:7

Ŋɩɩ nɛ kuoru-la na baanɩŋ a ta ʋ laalɩyuoroo, ba mʋ kpʋ nɩalɩŋ sɩ kpʋ ʋ dɩa tɩntɩnna-la aŋ nyɩgɛ ba tabalɩŋ kala.

Maak 13:20

Dɩ La Tɩɩna fa bɩ tapʋlɩa-la kere ta, nɩbala ma fa bɩ jaŋ ka. Ama nɩalɩŋ ʋ sɩ lɩɩsa dɩ baa tou, ba wɩaa nɛ tɩɩ ʋ keri tapʋlɩa-la ta.

Jɔɔŋ Wʋnaalaa 16:19

Tinteeŋ sɩ zigili ŋɩɩ, tabal-la ba sɩɩ yɩrɛ Babɩlɔŋ kpaa leree batori, tinteyee tabalaa ma tel. Ŋɩɩ nɛ Wɩa liise mʋ yi Babɩlɔŋ lɛ, a dɔgɩsʋ woruŋ a magɛ ŋɩɩ ʋ sɩ na baanɩŋ ʋ nyuŋ.