ZƐKARƖYA 13:7 - WƖA TENIŊ

⁷ La TƖƖNA doluŋ kala Tɩɩna sɩ, “Tokobiiŋ, sii chɩŋ mɩ pie-daara lɛ, sii chɩŋ nɩɩ-la sɩ kpagɛmɛ lɛ. Kpʋ pie-daarʋ-la, piese-la jaŋ pɩsɛ, ka dɩ mɩ joŋ sɩaa chaasɛ pie-biisi-la.”

ZƐKARƖYA 13:7 ပူးပေါင်းရင်းမြစ်များ

WƖA YƖƖLAA 2:2

Tinteeŋ kuoroo kʋ hɛ dɔŋɔ lɛ nɛ dɩ ba yuo La Tɩɩna arɩ Nɩɩ-la ʋ sɩ lɩɩsa.

AZAAYA 1:25

Mɩ jaŋ ŋaa wɩaa a jʋʋ ma lɛ, a lɩɩsɛ disiŋ-la kala sɩ hɛ ma lɛ a nagɛ hɔɔ-bɩnɩŋ, a nagɛ ba sɩ yie lɩɩsɛ hɔɔŋ disiniŋ ŋɩɩ.

AZAAYA 27:1

Tapʋlɩɩ-la, La TƖƖNA jaŋ joŋ ʋ tokobii-duo-la sɩ kɛŋ niiŋ woruŋ a dɔgɩsɛ peribanyeŋŋu, aŋ kpʋ kʋkpuŋkpere-la sɩ yʋga a nagɛ dɩmɩŋ a hɛ mʋgʋ-balɩŋ lɛ.

AZAAYA 40:11

Ʋ jaŋ beŋ ʋ nɩaa nyuŋ arɩ pie-daara sɩɩ beŋ ʋ piesee nyuŋ ŋɩɩ. Ʋ jaŋ paa ʋ pie-biisiŋ a nɔgɛ aŋ fɩɛla dɩdaa pie-naamba-la sɩ kɛŋ biiriŋ.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

JƐRƖMAAYA 47:6

Ma yie yel a bʋl, ‘La TƖƖNA tokobiiŋ, ɛɛ nɛ ŋ chɛ ŋ kerila a diene magɛ?’ Mɩɩra jʋʋ ŋ pɛɛŋ, a pɩŋ sɔm.

ƐZƖKƖƐL 21:28

Nuhuobiiŋ, bʋl wɩaa mɩ doluŋ lɛ, wɩɩ-la mɩ-na ma TƖƖNA Wɩɩjarɩbakɔ sɩ bʋla a tɩgɛ Amɔŋ tɩmma-la sɩɩ tʋʋsɛ Iziral joŋoo lɛ nɛ ŋ-la: ‘Tokobiiŋ, tokobiiŋ nɛ ba lɩɩsɛ dɩ ba kaa kpʋ nɩaa. Ba chɛsʋ nɛ ʋ tʋtʋl a lɩlɩgɩsɛ a nagɛ duonuŋ sɩɩ lɩgɩsʋ.

ƐZƖKƖƐL 21:3

Bʋla pʋ, ‘Wɩɩ-la mɩ-na ma TƖƖNA sɩ bʋla nɛ ŋ-la: Mɩ ŋaa ŋ dʋndɔŋ nɛ. Mɩ jaŋ lɩɩsɛ mɩ tokobiiŋ ʋ pɛɛŋ lɛ a kpʋ ŋ tʋɔpʋl tɩŋŋaa arɩ ŋ nɩbɔŋŋɔɔ kala.

ƐZƖKƖƐL 37:24

Mɩ tɩntɩnna Devit nɛ jaŋ ŋaa ba kuoro, dɩ ba kala pie-daara ŋaa kʋbala. Ba kala jaŋ tuto wombie-la mɩ sɩ bile dɩ ba tuto, a fɩɛlɛ ba sɩaa a tuto mɩ wʋdagaa ma.

ƐZƖKƖƐL 7:6

Ma dɩdɛrɩŋ kɔ nɛ, ʋ kɔ nɛ a chɩna gbɛrɛma, ʋ kɔ nɛ.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

MƖKA 5:4

Bile jaŋ chaasa chɩŋ a kɛŋ ʋ TƖƖNA Wɩa doluŋ arɩ ʋ yɩrɩ-balɩŋ, a beŋ ʋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba jaŋ hɔŋ wɩɩkala bɩ baa walɩmɛ, bɛɛ wɩaa ʋ ballɩŋ jaŋ yi dʋnɩa sɛmɛ kala.

ZƐKARƖYA 11:11

Mɩ chei nii-la nɛ tapʋlɩɩ-la. Nɩalɩŋ sɩɩ na hɛɛŋ ba tʋɔŋ fa sɩɩ bemmi jɩma arɩ La TƖƖNA niiŋ wɩaa nɛ.

ZƐKARƖYA 11:4

Wɩɩ-la mɩ TƖƖNA Wɩa sɩ bʋla pɩmɛ nɛ ŋ-la: “Daa piese-la ba sɩ magɩla dɩ ba kpʋ.

ZƐKARƖYA 11:7

Ŋɩɩ nɛ mɩ daa piese-la ba sɩ magɩla dɩ ba kpʋ, a wasa nyaŋ piese-la ba sɩ nyaga bil. Ŋɩɩ nɛ mɩ joŋ dantɩgɩsɩŋ balɩa a hɛ dɔŋɔ yɩrɩŋ Chonuŋ, dɔŋɔ ma Nii-maga, aŋ dɩdaa piese-la.

Matiu 1:23

Wɩalɩŋ ʋ fa sɩ bʋla nɛ ŋ-la: “Hatolo kʋbala ha sɩ bɩ baal jɩŋ jaŋ kɛŋ luoruŋ a lʋl hambolibie. Ba jaŋ hɛ ʋ yɩrɩŋ Ɩmanʋɛl.” (Ʋ yɩrɩ-la bʋbʋɔŋ nɛ Wɩa hɛ la teeŋ.)

Matiu 10:42

Nɩɩ-la ma kala sɩ ŋaa lɩɩ-fɩɛla pɩ mɩ harɩ-tooroo deemba tʋɔŋ kʋbie a tɩŋ ʋ sɩɩ to mɩ harɩŋ wɩaa, ʋ tɩɩna ma jaŋ laa ʋ time.”

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 18:10

Ŋɩɩ nɛ Yesu bɩra sɩ, “Má fɩɛlɛ ma sɩaa a sɩ́ bee gʋʋnɛ hambiisiŋ deemba kʋŋkala. Mɩ bʋlaa pɩma, Wɩa ta ʋ tɩndaaraa nɛ dɩ ba bibemba. Ba hɛ Wɩa-jaŋ bʋa na-kala lɛ, mɩ Nyɩmma sɩ hɛ lee-la. [

Matiu 18:14

Ŋɩɩ tɩtɩa nɛ saa mɩ Nyɩmma sɩ hɛ Wɩa-jaŋ bɩ chɛ dɩ hambiisiŋ deemba kʋŋ lɛl.”

Matiu 26:31

Ŋɩɩ nɛ Yesu bʋla pɩba, “Tɩtaŋɩŋ deeŋ tɩtɩa ma kala jaŋ fá viiri a tɩŋ mɩ wɩaa. Ba ŋmʋnsɛ Wɩa teniŋ tʋɔŋ dɩ ba jaŋ kpʋ pie-daara, aŋ ka piesee fá pɩsɛ.

Matiu 26:56

Ama wɩɩŋ deeŋ kala ŋaa dɩ wɩalɩŋ Wɩa wʋlaabʋllaa sɩ ŋmʋnsa kʋ ŋaa wʋtɩtɩɩ nɛ.” Ŋɩɩ nɛ Yesu harɩ-tooro-la kala vɩaʋ aŋ fá.

Maak 14:27

Yesu bʋla pɩba, “Ma kala jaŋ fá viiri. Ba ŋmʋnsɛ Wɩa teniŋ tʋɔŋ arɩ Wɩa sɩ, ‘Mɩ jaŋ kpʋ pie-daara, aŋ ka dɩ piesee fá pɩsɛ.’

Maak 14:50

Ŋɩɩ nɛ ʋ harɩ-tooroo kala vɩaʋ aŋ fá.

Luuk 12:32

Ŋɩɩ nɛ Yesu bɩra bʋl, “Ma nɩalɩŋ sɩɩ tomi, ma bɩ yʋgɛ. Má sɩ́ leŋe dɩ fawʋllʋŋ kɛmma. Ma Nyɩmma tʋɔŋ tɔrɔ nɛ dɩ ʋ joŋ ʋ kuorii-la pɩma.

Luuk 17:2

Dɩ ba nɛ joŋ nɔmʋŋ a vɔɔ laalɛ ʋ baŋŋaa lɛ a joŋu yuo hɛ mʋgʋ-balɩŋ tʋɔŋ dɩ ʋ nyʋa lɩɩŋ a sʋʋ, ŋɩɩ nɛ kpɩa ʋ sɩ jaŋ ŋaa dɩ hambiisiŋ deemba tʋɔŋ kʋbala ŋaa wʋbɔmʋŋ.

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 10:30

Mɩ dɩ mɩ Nyɩmma kala ŋaa kʋbala nɛ.”

Jɔɔŋ 10:38

Ama dɩ mɩ nɩɩ tɩŋ mɩ Nyɩmma tɩntɩŋŋaa, má laa mɩ wɩaa dii a tɩŋ tɩntɩmɩɩ-la mɩ sɩɩ tɩŋ wɩaa, arɩ ma sɩ́ bɩ wɩalɩŋ mɩ sɩ bʋla pɩma laa dii kala. Ŋɩɩ lɛ nɛ ma jaŋ wuo to jɩŋ a laa dii arɩ mɩ Nyɩmma hɛ mɩ lɛ nɛ, mɩ ma hɛ ʋ lɛ.”

Jɔɔŋ 14:1

Ŋɩɩ nɛ Yesu bʋl, “Má sɩ́ leŋe dɩ ma tʋɔŋ vʋgʋmɛ. Má laa Wɩa dii, a laa mɩ ma dii.

Jɔɔŋ 14:23

Ŋɩɩ nɛ Yesu bʋla pʋ, “Nɩɩ-la kala sɩ chomi, ʋ jaŋ tuto mɩ niiŋ wɩaa. Ʋ sɩ ŋaa ŋɩɩ, mɩ Nyɩmma ma jaŋ chou. Mɩ dɩ mɩ Nyɩmma kala jaŋ kʋ hɛ ʋ lɛ.

Jɔɔŋ 16:15

Kʋŋkala mɩ Nyɩmma sɩ kɛnɛ ŋaa mɩ kʋŋ nɛ. Ŋɩɩ nɛ tɩɩ mɩ bʋla pɩma arɩ wɩalɩŋ kala mɩ sɩ kɛnɛ, Wɩa Dɩŋ-zɔŋ-la jaŋ kaa kʋ bʋla pɩma.”

Jɔɔŋ 16:32

Bʋa kʋbala jaŋ yi, ʋ saa paala yi nɛ, ma kala jaŋ pɩsɛ a mʋ ma dɩɩsɩŋ, aŋ ka mɩ dʋndʋŋa. Ama saa, mɩ bɩ jaŋ ŋaa mɩ dʋndʋŋ. Mɩ Nyɩmma hɛ mɩ lɛ nɛ.

Jɔɔŋ 5:23

Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Jɔɔŋ 8:58

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, ka dɩ ba-na lʋl Abɩraham, mɩ fa hɛ nɩmɛ nɛ.”

Tɩntɩŋŋaa 2:23

Wɩa jɩma nɛ aŋ leŋ Yesu jʋʋ ma nɩsɩŋ. Ma nɛ leŋe wʋbɔŋ ŋaaraa kpaasʋ mɛrɛ daagɛsɛ nyuŋ ʋ sʋʋ.

Rom Tɩŋŋaa 4:25

bɛɛ wɩaa ʋ leŋe Yesu sʋʋ a tɩŋ la wʋbɔŋŋɔɔ wɩaa nɛ, a bɩra leŋ ʋ sii sʋʋŋ lɛ dɩ la kɛŋ tʋɔpʋla ʋ sɩpaaŋ.

Rom Tɩŋŋaa 8:32

Wɩa paala bɩ ʋ tɩtɩa Bie kaa laa nɩaa teeŋ. Ʋ joŋu hɛ nɩaa nɩsɩŋ lɛ nɛ dɩ ba kpʋʋ a tɩŋ la wɩaa. Ʋ sɩ wuo ŋaa ŋ-la, ma bɩ jɩŋ arɩ ʋ jaŋ wuo chaasa joŋ kʋŋkala ma pɛ pɩla koo?

2 Kɔrɩntɩ Nɩaa 5:21

Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.

Galiisia Nɩaa 3:13

Ama Wɩa sɩ ŋmɩɛsa hɛ nɩalɩŋ sɩ nɩɩ wɩalɩŋ Mosis sɩ ŋmʋnsa bil aŋ bɩ ba wuo tuto, Kirisito lɩɩsɛla wɩaa deemba lɛ nɛ. Ba kpaasʋ mɛrɛ daagɛsɛ nyuŋ nɛ. Ba sɩ ŋaa ŋɩɩ, Wɩa ŋmɩɛsa hɛ ʋ lɛ a tɩŋ la wɩaa, bɛɛ wɩaa ba ŋmʋnsɛ Wɩa teniŋ tʋɔŋ a bʋl, “Nɩɩ-la kala ba sɩ kpaasa mɛrɛ daaŋ nyuŋ, Wɩa ŋmɩɛsa hɛ ʋ lɛ nɛ.”

Fɩlɩpa Nɩaa 2:6

Ʋ fa kɛŋ Wɩa nagɩsɩŋ nɛ, ama ʋ fa bɩ ʋ tɩtɩa joŋo arɩ ʋ dɩ Wɩa magɛ dɔŋɔ nɛ.

Hiburu TƖŊŊAA 13:20

A leŋ dɩ Wɩa sɩɩ pɩ nɩaa fɩɛlɩŋ pɛ ma lɛ. Ʋ nɛ chɩsɛ La Tɩɩna Yesu Kirisito sʋʋŋ lɛ. Yesu Kirisito nagɛ pie-daarɩ-duo nɛ aa beŋ ʋ nɩaa nyuŋ woruŋ. Ʋ chalɩŋ nɛ Wɩa kaa bil nii-la sɩ jaŋ hɛ nɩmɛ a kaa mʋ wuu ʋ dɩ ʋ nɩaa pɛgɛ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

1 Pɩɩta 5:4

Dɩ ma nɛ ŋaa ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, Nɩɩ-la sɩ ŋaa Pie-daaraa kala Kʋhɩaŋ, ʋ jaŋ joŋ kʋ-la sɩ zɔmɔ a kɩɩ kʋŋkala pɩma. Ʋ-na bɩ jaŋ chei.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.

Jɔɔŋ Wʋnaalaa 1:8

La Tɩɩna Wɩa sɩ, “Mɩ nɛ ŋaa Alɩfa arɩ Omega. Mɩ-na Wɩa doluŋ kala Tɩɩna, mɩ nɛ ŋaa Nɩɩ-la sɩ hɛ nɩmɛ arɩ Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ.”

Jɔɔŋ Wʋnaalaa 13:8

Nɩɩ-la kala yɩrɩŋ sɩ tuo mɩɩsɩŋ teŋ-la lɛ a lɩɩ dʋnɩa dɩ-suomuŋ, jaŋ dɛnnɛ baga kʋ-la. Pie-bie-la ba sɩ kpʋa nɛ tɩɩ teŋ-la.

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.