ZƐKARƖYA 13:2 - WƖA TENIŊ

² Tapʋlɩɩ-la, mɩ jaŋ lɩɩsɛ tɔŋŋɔɔ yɩraa ta tintee-la lɛ, dɩ nɩaa bɩra sɩ́ ba wɩaa liisu. Mɩ-na ma TƖƖNA doluŋ kala Tɩɩna nɛ bʋla. Mɩ jaŋ lɩɩsɛ ba nɩalɩŋ sɩ nyɩa wɩaa arɩ ba ŋaa mɩ wʋlaabʋllaa arɩ jɩnsɩ-la sɩ kɛmba tɩtɩŋ ta tintee-la lɛ.

ZƐKARƖYA 13:2 ပူးပေါင်းရင်းမြစ်များ

1 KUOROO 22:22

La TƖƖNA pɩɛsʋ, ‘Ɛɛ nɛ ŋ jaŋ to?’ Dɩma-la bʋl, ‘Mɩ jaŋ joŋ wʋnyɩɛrɩŋ a hɛ ʋ nɩalɩŋ kala sɩ bʋl wɩaa pʋpʋ niiŋ lɛ.’ La TƖƖNA bɩra bʋl, ‘Mʋ, ŋ jaŋ wuo nyɩsʋ.’ ”

WƖA YƖƖLAA 16:4

Ama nɩalɩŋ sɩɩ to vesiŋ, ba tʋɔŋ jaŋ chei kɩŋkɛŋ. Mɩ-na bɩ jaŋ kpaarɛ vesi-la koo a kɛŋ ba yɩrɩŋ tɩŋ.

MOSIS KƐŊ IZIRAL TƖŊŊAA LƖƖ 22:13

Dɩ baga kʋŋ ma nɛ kɛŋ pʋna-la dii, ʋ maga dɩ ʋ kɛŋ kʋkaanɩŋ kʋ dagɛ pʋna tɩɩna nɛ. Dɩ ʋ nɛ ŋaa ŋɩɩ, ʋ bɩ jaŋ tiŋ chɩŋ-kala.

MOSIS KƐŊ IZIRAL TƖŊŊAA LƖƖ 23:13

Má jegile nɩɩ wɩalɩŋ kala mɩ-na ma TƖƖNA sɩ bʋla pɩma. Má pɔ dɩ ma sɩ́ vʋɩyaa kpaarʋ, a sɩ́ ba yɩrɩŋ yɩrʋ.

AZAAYA 2:18

Ʋ jaŋ leŋ dɩ tɔmɔ-la kala nyɩɩgɛ.

AZAAYA 2:20

Tapʋlɩɩ-la, nuhuobiinee jaŋ joŋ tɔmɔ-la kala ba sɩ kɛŋ hɔpʋla arɩ sɛlɩmɛ libi a kpʋkpaarɛ, a yuo pɩ taatɩaa arɩ jɩnnɩŋ.

JƐRƖMAAYA 29:23

Ba ŋaa wɩalɩŋ sɩ bɩ bana kɛnɛ nɛ Iziral tinteeŋ lɛ. Ba kɛŋ ba dɔnsʋŋ tɩŋŋaa haalaa pɩŋ nɛ, aŋ nyɩɛ wɩaa ma mɩ yɩrɩŋ lɛ, ka mɩ bɩ wɩɩ bʋla pɩba. Mɩ jɩŋ wɩɩ-la ba sɩ ŋaa nɛ, aŋ ŋaa nʋʋ sɩ pɛ na wɩɩ-la. Mɩ-na ma TƖƖNA nɛ bʋla.”

ƐZƖKƖƐL 12:24

Iziral tinteeŋ lɛ, nɩaa bɩra bɩ jaŋ nyɩɛ wɩaa arɩ ba na wɩaa a nagɛ duosoo tʋɔŋ, koo dɩ ba tʋɔŋ nʋʋ hɛ nɩmɛ a vʋga nyɩɛ wɩaa a leŋ dɩ nɩaa yiyeŋŋi.

ƐZƖKƖƐL 13:23

Ŋɩɩ wɩaa, ma bɩra bɩ jaŋ nyɩɛ wɩaa arɩ maa na wɩaa a nagɛ duosoo tʋɔŋ nɛ, koo a ŋaa vʋgʋra. Mɩ jaŋ laa mɩ nɩaa ta ma nɩsɩŋ lɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.’ ”

ƐZƖKƖƐL 14:9

Dɩ nʋʋ nɛ nyɩsɛ mɩ wʋlaabʋllʋ hɛ dɩ ʋ nyɩɛ bʋl wɩaa mɩ doluŋ lɛ, mɩ-na ma TƖƖNA tɩtɩa nɛ nyɩsʋ ŋɩɩ. Ama mɩ jaŋ lɩɩsɛ mɩ nɩsɩŋ liesu a cheyu a lɩɩsʋ ta mɩ nɩaa Iziral tɩŋŋaa tʋɔŋ.

ƐZƖKƖƐL 30:13

La TƖƖNA Wɩɩjarɩbakɔ bɩra sɩ, “Mɩ jaŋ chei ba tɔŋŋɔɔ a leŋ dɩ vesiŋ sɩ hɛ taŋ-la ba sɩɩ yɩrɛ Memfis lɛ wɩaa dɛrɛ. Nʋʋkala jaŋ tuo sɩ jaŋ beŋ Ijipiti tinteeŋ, mɩ jaŋ leŋ dɩ fawʋllʋŋ kɛŋ nɩalɩŋ kala sɩ hɛ tintee-la lɛ.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

ƐZƖKƖƐL 36:29

Mɩ jaŋ laama ta wɩalɩŋ kala sɩ leŋe ma kɛŋ disiniŋ lɛ. Mɩ jaŋ leŋ dɩ mɩaa chaasa pʋrɩgɛ, dɩ losuŋ bɩra sɩ́ ma jʋʋ.

ƐZƖKƖƐL 37:23

Ba bɩra bɩ jaŋ kpaarɛ tɔŋŋɔɔ arɩ kɩalɩŋ mɩ sɩɩ kɩsʋ a ŋaa disiniŋ hɛ ba tɩtɩa lɛ koo a ŋaa wʋbɔŋŋɔɔ dɔnsʋŋ a chei ba tɩtɩa. Mɩ jaŋ laaba ta ba wʋbɔmɔ-la kala ba fa sɩ ŋaa a lɩɩ mɩ harɩŋ lɛ. Mɩ jaŋ pɩɩsɛ ba disiniŋ ta. Ba jaŋ ŋaa mɩ nɩaa, dɩ mɩ ma ŋaa ba Wɩa.

ƐZƖKƖƐL 43:7

Ʋ sɩ, “Nuhuobiiŋ, mɩ kuoru kpasa arɩ mɩ naasɩŋ dɩ-wiesi nɛ ŋ-la. Leriŋ deeŋ nɛ mɩ jaŋ hɛ a guoli Iziral tɩŋŋaa tʋɔŋ a kaa mʋ wuu. Iziral tɩŋŋaa bɩra bɩ jaŋ chei mɩ yɩrɩ-zɔŋ-la. Ba tɩtɩa koo ba kuoroo bɩra bɩ jaŋ kpʋkpaarɛ vesiŋ dundolluŋ nyuŋ, koo a saa ba kuoroo vaamaa a kpʋkpaarɛ.

ƐZƖKƖƐL 6:6

Ma tasɩŋ kala jaŋ pɩŋ jikpeeniŋ, dɩ ma vesiŋ dɩ-kpaaraa kala tele pɩŋ, dɩ ma tɔŋŋɔɔ arɩ ma vʋɩyaa korunuŋ kala yɛrɛ pɩŋ muno muno. Ma kʋsʋɔrʋsʋŋ korunuŋ jaŋ pɩsɛ, dɩ kʋŋkala ma sɩ ŋaa lɛl.

HOSIA 14:8

Efirem, ŋ dɩ ŋ tɔŋŋɔɔ bɩra bɩ wɩɩ pɛ. Mɩ jaŋ laa ŋ sʋla aŋ beŋ ŋ nyuŋ woruŋ. Mɩ nagɛ bʋtʋma pɩpaarɩŋ sɩ bire woruŋ nɛ, ŋ wʋzɔŋ kala lɩɩ mɩ teeŋ nɛ.”

HOSIA 2:17

Mɩ jaŋ leŋ dɩ ŋ sɩ́ Baal yɩrɩŋ yɩrʋ, a bɩra sɩ́ ŋ yɩrɩŋ kaa ŋmɩɛsɛ.

HOSIA 2:19

Mɩ jaŋ leŋ dɩ ŋ ŋaa mɩ haala a kaa mʋ wuu, mɩ jaŋ dagɩŋ mɩ tʋɔpʋla arɩ mɩ wʋtɩtɩɩ, a kɛŋ chono-la sɩ bɩ dɛrɛ arɩŋ, a fɩfá ŋ nisusuŋ.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

ZEFANAAYA 2:11

La TƖƖNA jaŋ chei vʋɩya-la kala sɩ hɛ tintee-la lɛ, dɩ fawʋllʋŋ faasa jʋʋba. Tinteyee kala sɩ hɛ dʋnɩa lɛ jaŋ kpirimi ʋ sɩpaaŋ, nʋʋ na-kala jaŋ ŋaa ŋɩɩ ʋ tɩtɩa tinteeŋ lɛ.

Matiu 12:43

Ŋɩɩ nɛ Yesu bɩra bʋla pɩ nɩaa, “Dɩ jɩŋ-bɔŋ nɛ lɩɩ nʋʋ lɛ, ʋ yie gɔllɛ tintee-hɩlɩŋ lɛ nɛ a chɩchɛ dɩ-wiesiŋ, aŋ bɩ na.

Matiu 7:15

Má pɔ ma tɩtɩa lɛ arɩ wʋnyɩɛrɩ Wɩa wʋlaabʋllaa. Ba jaŋ kɔ ma teeŋ a nagɛ nɩzɔmɔ ba sɩaa lɛ, ama ba tʋɔŋ lɛ, ba ŋaa nɩbɔmɔ nɛ a nagɛ guŋgurusuŋ sɩ yie kɛsɛ kɩaa chɩchaŋ.

Luuk 11:20

Wɩa doluŋ nɛ mɩ kaa kiri jɩŋ-bɔŋŋɔɔ nɩaa lɛ. Wɩɩŋ deeŋ nɛ daga arɩ Wɩa kuorii-la paala kɔ ma teeŋ nɛ.

MOSIS BƖRA WULLI WƖA WOMBIIŊ 12:3

Má yɛrɛ ba vʋɩyaa korunuŋ arɩ ba vesiŋ tabɩaa, aŋ nyɩgɛ ba vene-la ba sɩɩ yɩrɛ Asɩra daasɩŋ. Má chei ba tɔŋŋɔɔ kala, dɩ ba yɩraa lɛl lere-la.

MOSIS BƖRA WULLI WƖA WOMBIIŊ 18:20

Ama dɩ mɩ wʋlaabʋllʋ kala nɛ bʋl wɩɩ mɩ yɩrɩŋ lɛ, ka mɩ dee bɩ ʋ hɛ, koo dɩ vene dɔŋ yɩrɩŋ lɛ nɛ ʋ ŋaa ŋɩɩ, ʋ maga dɩ ma kpʋʋ nɛ.”

JOSUA 23:7

Má sɩ́ ma tɩtɩa kaa mɛrɛ tinteye-la nɩaa ha sɩ hɛ ma tʋɔŋ. Má sɩ́ ba vesiŋ ma yɩrɩŋ yɩrʋ koo a ŋmɩɛsɛba. Má pɔ ma sɩ́ ba kpaarʋ koo a kpirimi ba sɩpaaŋ.

Jɔɔŋ Wʋnaalaa 18:2

Ŋɩɩ nɛ ʋ faasa suri ʋ yikoro a bʋl, “Babɩlɔŋ tele, Babɩlɔŋ tabal-la tele. Ʋ lɛɛlɛ bɩrɩmɛ jɩŋ-bɔŋŋɔɔ arɩ diibiisiŋ sɩ kɛŋ disiniŋ arɩ kɩalɩŋ ba sɩɩ kɩɩsʋ kala dɩjʋʋlʋŋ nɛ.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.