ZƐKARƖYA 12:8 - WƖA TENIŊ

⁸ Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ.

ZƐKARƖYA 12:8 ပူးပေါင်းရင်းမြစ်များ

WƖA YƖƖLAA 8:5

Ŋ ŋaa nuhuobiine a leŋ ŋ tɩndaaraa sɩ hɛ Wɩa-jaŋ nɛ kɩɩʋ mʋa, ka ŋ zilu a leŋ ʋ kɛŋ doluŋ arɩ yɩrɩŋ.

WƖA YƖƖLAA 82:6

Mɩ sɩ, ‘Ma kala nagɛmɛ nɛ, ma ŋaa mɩ-na Wɩa sɩ kɩɩ kʋŋkala biiriŋ nɛ,’

MOSIS KƐŊ IZIRAL TƖŊŊAA LƖƖ 14:19

Ŋɩɩ nɛ Wɩa tɩndaarʋ-la fa sɩ laa Iziral tɩŋŋaa sɩpaaŋ mɩɩra bala chɩŋ ba harɩŋ, duoŋ-bɩlɩmbaaŋ-la ma fa sɩ nagɛ jebiiŋ ma lɩɩ ba sɩpaaŋ kʋ bala chɩŋ ba harɩŋ.

MOSIS KƐŊ IZIRAL TƖŊŊAA LƖƖ 33:2

Mɩ jaŋ leŋ dɩ mɩ tɩndaara laa ma sɩpaaŋ a yuo kiri Kɛnaŋ tɩŋŋaa, Amɔrɩ tɩŋŋaa, Hiti tɩŋŋaa, Pɛrɛs tɩŋŋaa, Hivi tɩŋŋaa arɩ Jebus tɩŋŋaa.

AZAAYA 30:26

Chɛnɛ pʋlʋmʋŋ jaŋ chaanɛ a nagɛ wɩɩpɔsʋŋ, ka wɩɩpɔsʋŋ ma chaanɛ a kɩɩ ŋɩɩ ʋ sɩ vɛnɛ chɩchaanɛ naansɩɩŋ bʋlɩpɛ, a nagɛ tapʋlaa balɩpɛ pʋlʋmʋŋ sɩ kʋ pɛ dɔŋɔ a chaanɛ tapʋl-bala. Wɩaa deemba kala jaŋ ŋaa bʋa-la lɛ La TƖƖNA sɩ jaŋ leŋ dɩ naawɩɩla-la ʋ sɩ hɛ ʋ nɩaa lɛ fɩɛlɛ.

AZAAYA 31:4

Wɩɩ-la La TƖƖNA sɩ bʋla pɩmɛ nɛ ŋ-la: “Dɩ naachigiŋ nɛ kpʋ nammɩa a chɩchaŋ aŋ hʋʋnɛ, kʋdaaraa cho ba magɛ ŋɩɩ kala ŋɩŋaa goŋ ʋ nyuŋ, fawʋllʋŋ bɩ jaŋ kɛnʋ dɩ ʋ fá kagɛ kʋ-la lɛ. Ŋɩɩ tɩtɩa nɛ mɩ-na ma TƖƖNA doluŋ kala Tɩɩna jaŋ pɔ peel-la ba sɩɩ yɩrɛ Zaayɔŋ. Wɩɩkala bɩ jaŋ wuo kirimi.

AZAAYA 33:24

Nɩalɩŋ kala sɩ hɛ Zaayɔŋ lɛ kʋŋ bɩ jaŋ bʋl, “Mɩɩ wɩɩlɛ nɛ.” La TƖƖNA jaŋ joŋ nɩalɩŋ kala sɩ hɛ nɩmɛ wʋbɔŋŋɔɔ chɛba.

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

AZAAYA 53:3

Nuhuobiinee vɩaʋ nɛ, bɛɛ wɩaa ba sɩɩŋ bɩ ʋ suo. Ʋ ŋaa nʋʋ sɩ kɛŋ tʋɔ-cheeŋ nɛ a mal hɛɛŋ. Nɩaa paala bɩ cho dɩ ba naʋ. Ba bɩ ʋ bene dɩ ʋ ŋaa kʋŋkala, la lɩɩsɛ la jɩa ta ʋ lɛ.

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

JƐRƖMAAYA 27:10

Nɩaa deemba nyɩɛ wɩaa nɛ pɩma sɩ jaŋ leŋ ba lɩɩsɛma ma tinteeŋ lɛ dɩ ma mʋ hɛ dɩ-bolii. Mɩ jaŋ kirima ta dɩ ma sʋʋ.

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

HOSIA 12:3

Ʋ naaŋ luoruŋ tʋɔŋ, ʋ kɛŋ ʋ naambie naatilimiŋ lɛ nɛ, ʋ sɩ waa baal, ʋ kɛŋ Wɩa loo.

HOSIA 3:5

Ʋ ŋɩɩ harɩŋ lɛ, Iziral tɩŋŋaa jaŋ mɩɩra chɛ ba TƖƖNA Wɩa arɩ ba kuoro Devit leriŋ. Ba jaŋ fɩfá La TƖƖNA a kɔ ʋ teeŋ tapʋlaa dɩdɛrɩŋ a chɩchɛ dɩ ʋ pɛ ba lɛ dɩ ba na wʋzɔŋŋɔɔ.

JOWƐL 3:10

Má kɛŋ ma pirisiŋ libi tokobiee a kɛŋ ma sɩɩkɔrʋsʋŋ ma libi tiŋŋee. Má leŋ dɩ nɩɩ-la sɩ bɩ doluŋ kɛnɛ bʋl, “Mɩ kɛŋ doluŋ nɛ.”

LEVI DOHO NƖAA 26:8

Ma nɩaa banɔŋ jaŋ yuo dii nɩaa zɔlɔ, dɩ nɩaa zɔlɔ ma yuo dii nɩaa bʋɩ fii.

MƖKA 5:8

Jekɔb doho nɩkaana-la jaŋ guoli tinteyee nɩaa tʋɔŋ, a hɛ nɩ-daŋ tʋɔŋ, a nagɛ naachigiŋ sɩ guoli baga kɩaa tʋɔŋ duuŋ lɛ. Ba nagɛ naachigi-bie sɩ guoli pie-laalɩŋ lɛ nɛ, a yie fɩla chɩchaalɛba a kɛmba pʋɔsa ta vɩvɛŋ ka nʋʋ tuo dɩ ʋ laaba ta.

MƖKA 7:16

Tinteyee nɩaa jaŋ na wɩalɩŋ dɩ hɩɩsɩŋ kɛmba, arɩ ba sɩ kɛŋ doluŋ ma kala. Ba niiŋ jaŋ maa, ka dɩ ba dɩgɩlaa ma taŋ.

MƖKA 7:8

Mɩ dʋndɔmɔ, sɩ́ mɩ nyuŋ jʋɔsʋ, mɩ tele ma nɛ, ama mɩ jaŋ sii. Mɩ hɔŋ birimiŋ tʋɔŋ nɛ, ama La TƖƖNA nɛ jaŋ ŋaa mɩ pʋlʋmʋŋ.

ZƐKARƖYA 10:7

Efirem nɩaa jaŋ mɩɩra nagɛ nɩduoruŋ dɩ ba tʋɔŋ tɔrɛ a nagɛ nɩa sɩ nyʋa girep nɛnɛɛ sɩnɩŋ. Ba biiriŋ jaŋ na ŋɩɩ dɩ ba tʋɔŋ tɔrɛ, dɩ ba jʋjʋɔsɛ mɩ-na ba TƖƖNA teeŋ.

ZƐKARƖYA 2:5

Mɩ tɩtɩa jaŋ nagɛ kɛrɛ sɩ kɛŋ nyiniŋ a gollu, mɩ jaŋ hɛ ʋ tʋɔŋ a ŋaa ʋ tʋla.’ ” La TƖƖNA nɛ bʋla.

ZƐKARƖYA 9:14

La TƖƖNA jaŋ kʋ chuguli ʋ nɩaa nyuŋ. Ʋ to-hɛŋŋɛɛ jaŋ lɩlɩgɩsɛ a nagɛ taŋ sɩɩ lɩgɩsʋ. La TƖƖNA Wɩɩjarɩbakɔ jaŋ ŋmʋʋ banyile, aŋ to wɩɩpɔsʋŋ nadiiŋ pel-duoruŋ tʋɔŋ.

ZƐKARƖYA 9:8

Ama mɩ jaŋ chɩna pɔ mɩ dɩa dɩ laalɩyuoroo bɩra sɩ́ nɩmɛ jʋʋ. Mɩ bɩra bɩ jaŋ leŋ dɩ nʋʋkala nyagɛ mɩ nɩaa bil. Lɛɛlɛ mɩ pɔ nɛ a bibeŋ.

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Matiu 1:23

Wɩalɩŋ ʋ fa sɩ bʋla nɛ ŋ-la: “Hatolo kʋbala ha sɩ bɩ baal jɩŋ jaŋ kɛŋ luoruŋ a lʋl hambolibie. Ba jaŋ hɛ ʋ yɩrɩŋ Ɩmanʋɛl.” (Ʋ yɩrɩ-la bʋbʋɔŋ nɛ Wɩa hɛ la teeŋ.)

Rom Tɩŋŋaa 9:5

Ba nɛ ŋaa la naabalɩmaba doho nɩaa Wɩa sɩ lɩɩsa. Kirisito sɩ bɩrɩmɛ nuhuobiiŋ, ʋ ma fa ŋaa la naabalɩmaba doho nʋʋ nɛ. Má leŋ dɩ la dɛnnɛ Wɩa, a kaa mʋ wuu, bɛɛ wɩaa ʋ nɩɩ beŋ kʋŋkala. Amɩɩ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Hiburu TƖŊŊAA 11:34

Nyiniŋ ma bɩ ba dɔnsʋŋ wuo dii. Wɩa lɩɩsɛba nɩbɔŋŋɔɔ nɩsɩŋ lɛ dɩ ba sɩ́ ba kpʋ. Ba fa bɩ doluŋ kɛnɛ, ama Wɩa nɛ pɩba doluŋ ba wuo ŋaa wɩaa. Ba kʋ ŋaa bɔɩ-duoŋ tɩŋŋaa a yuo laalɩŋ a dii. Ba yuo a dii tinteyee dɔnsʋŋ, ba laalɩyuoroo fá lɛl.

JOSUA 23:10

Ma nɩbala jaŋ wuo kiri nɩaa bʋɩ, bɛɛ wɩaa ma TƖƖNA Wɩa nɛ jaŋ yuo pɩma arɩ ʋ fa sɩ bʋl ŋɩɩ.

Jɔɔŋ Wʋnaalaa 22:13

Mɩ nɛ ŋaa Alɩfa arɩ Omega, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ. Mɩ nɛ ŋaa dɩ-suomuŋ, mɩ nɛ ŋaa dɩdɛrɩŋ ma.

Jɔɔŋ Wʋnaalaa 22:16

Mɩ-na Yesu nɛ tɩŋ mɩ tɩndaara dɩ ʋ kɔ ma teeŋ a bʋl wɩaa deemba pɩ nɩalɩŋ sɩ laa mɩ wɩaa dii a hihilimi lee na-kala. Mɩ ŋaa Devit dɩa nɩaa gentine nɛ, a ŋaa ʋ doho nʋʋ. Mɩ nɛ ŋaa nanyʋɔlʋŋ.”