ZƐKARƖYA 12:6 - WƖA TENIŊ

⁶ Tapʋlɩɩ-la, mɩ jaŋ leŋ dɩ Juda sɩpaalaaraa nagɛ pupoiŋ sɩ chɔ dandʋla arɩ nyiniŋ lɛ, a nagɛ nyiŋgeliŋ sɩɩ sii sekelee. Ba jaŋ dii nadiiŋ arɩ nagʋa nɩalɩŋ kala sɩ golliba. Ama wɩɩkala bɩ jaŋ ŋaa Jerusalɛm nɩaa-na lɛ.

ZƐKARƖYA 12:6 ပူးပေါင်းရင်းမြစ်များ

AZAAYA 54:3

Ŋ tinteeŋ bʋa jaŋ jalla pɛ, a mʋ sɛmɛ na-kala. Ŋ doho nɩaa jaŋ laa tinteyee, a hɔŋ tasɩŋ sɩ pɩŋ jikpeeniŋ lɛ.

AZAAYA 9:20

Ba jaŋ kɛŋ ba nadiiŋ kuogi kɩaa dii ka dɩ losuŋ ha kɛmba, a kɛŋ nagʋa ma kuogo dii, ka dɩ losuŋ ha kɛmba. Ba jaŋ gʋra kɛsɛ ba biiriŋ a chɩchaŋ.

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

OBADAAYA 1:18

Jekɔb doho nɩaa jaŋ nagɛ nyiniŋ, dɩ Josɛf doho nɩaa ma nagɛ nyiŋgeliŋ, a joŋ Ɛsɔ doho nɩaa sɩ nagɛ ya-hɩlɩŋ dii. Nʋʋkala bɩ jaŋ ka Ɛsɔ doho nɩaa tʋɔŋ. Mɩ-na ma TƖƖNA nɛ bʋla.

MƖKA 4:13

Zaayɔŋ nɩaa, má sii ŋmoo mɩɩ-jagɩsɩ-la, bɛɛ wɩaa mɩ jaŋ leŋ dɩ ma kɛŋ doluŋ a nagɛ hɔɔŋ. Mɩ jaŋ leŋ dɩ ma naachɩgɩsɩŋ nagɛ kɔlɩɩŋ dɩ ma kaa nʋɔsɛ tintee daŋ nɩaa bʋrɩgɛ. Ma jaŋ laa kɩalɩŋ kala ba sɩ gɩrɩma laa a kaa kʋ pɩ mɩ-na ma TƖƖNA, a joŋ ba dʋa kala pɩ mɩ-na ma TƖƖNA sɩ tɩɩ dʋnɩa kala.”

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 11:1

Lɛbanɔŋ, kɛŋ ŋ borusuŋ suri dɩ nyiniŋ wuo dii ŋ kuolu tɩɩsɩŋ.

ZƐKARƖYA 12:5

Ŋɩɩ nɛ Juda sɩpaalaaraa jaŋ bʋl ba tʋɔŋ lɛ, ‘Jerusalɛm nɩaa kɛŋ doluŋ, bɛɛ wɩaa La TƖƖNA doluŋ kala Tɩɩna nɛ ba Wɩa.’

ZƐKARƖYA 2:12

La TƖƖNA jaŋ laa Juda tɩɩ dɩ ʋ ŋaa ʋ kpaalɩŋ tintee-la sɩ bɩ disiniŋ kɛnɛ lɛ, aŋ bɩra lɩɩsɛ Jerusalɛm dɩ ʋ ŋaa tabal-la ʋ sɩ cho.

ZƐKARƖYA 2:4

a bʋla pʋ: “Fá mʋ bʋla pɩ bapʋɔsɩ-bie-la, ‘Jerusalɛm jaŋ ŋaa tabal kɛrɩsɩŋ sɩ bɩ gollo, a tɩŋ nɩaa arɩ pʋsʋŋ sɩ jaŋ faasa yʋgɛ ʋ lɛ wɩaa.

ZƐKARƖYA 9:15

La TƖƖNA doluŋ kala Tɩɩna jaŋ chu tɔ ʋ nɩaa lɛ. Ba jaŋ kɛŋ kpalaa a yuo dii ba dʋndɔŋŋɔɔ. Ba jaŋ kpɩa goŋ laalɩŋ lɛ a nagɛ nɩaa sɩ nyʋa girep nɛnɛɛ sɩnɩŋ a bugi. Ba jaŋ leŋ dɩ ba dʋndɔŋŋɔɔ chalɩŋ jaasɛ a nagɛ ba sɩ joŋ chalɩŋ hɛ gbaŋa lɛ a mɩsɛ Wɩɩsʋllɩ koruŋ gʋnaa.

2 Kɔrɩntɩ Nɩaa 6:7

La yie bʋl wʋtɩtɩɩ nɛ a kɛŋ dol-la Wɩa sɩ pɩla a kaa tɩtɩŋ, a kɛŋ tʋɔpʋla ma Wɩa sɩpaaŋ. Tʋɔpʋla-la nagɛ huonuŋ nɛ la sɩ vɔɔ laalɛ la nadiiŋ arɩ la nagʋa nɩsaa lɛ a kɛŋ la tɩtɩa hɛ dɔŋɔ dɩ la pɔ la tɩtɩa lɛ.

Jɔɔŋ Wʋnaalaa 20:9

Ŋɩɩ nɛ ba dʋʋrɛ dʋnɩa kala a mʋ golli lee-la Wɩa nɩaa sɩ hɛ, arɩ taŋ-la Wɩa sɩ cho. Ama nyiniŋ lɩɩ wɩa-nyuŋ a kʋ tuu dii ba kala.