ZƐKARƖYA 12:1 - WƖA TENIŊ

¹ Wɩɩ-la La TƖƖNA sɩ bʋla tɩgɛ Iziral lɛ nɛ ŋ-la. La TƖƖNA sɩ ŋaa wɩa-nyuŋ a leŋ ʋ jɛrɛ, a ŋaa dʋnɩa gentine, a mɛ nuhuobiine a joŋ dɩma hɛ ʋ lɛ, wɩɩ-la ʋ sɩ bʋla nɛ ŋ-la:

ZƐKARƖYA 12:1 ပူးပေါင်းရင်းမြစ်များ

WƖAA DƖ-SUOMUŊ 1:8

Wɩa kɛŋ wuol-la sɩ hɛ ba pɛgɛ kaa yɩyɩrɛ wɩa-nyuŋ. Wɩa jʋʋ dɩdaanɩŋ, taŋ pʋl chʋchʋɔŋ, chɛ-lɩamɩŋ nɛ ŋɩɩ.

WƖAA DƖ-SUOMUŊ 2:7

La TƖƖNA Wɩa lɔgɛ tɩɛrɩŋ nɛ a mɛ nuhuobiine aŋ wiese hɛ ʋ mɩɩ-boiŋ lɛ, ʋ kɛŋ mɩɩsɩŋ a wei.

JOB 26:7

Wɩa kɛŋ wɩɩpɔsʋŋ nagʋa dɩɩrɩŋ wɩa-nyuŋ a kaa jɛrɛ tɔ lee-la sɩ wuolo nɛ. Ʋ leŋe tinteeŋ chɩŋ nɛ, ʋ bɩ kʋŋkala nyuŋ saga.

JOB 37:18

Ŋ jaŋ wuo pɛ ʋ lɛ a ŋaa wɩa-nyuŋ a leŋ ʋ jɛrɛ, a kɛŋ doluŋ a nagɛ hɔɔŋ sɩɩ tʋl?

WƖA YƖƖLAA 104:2

Pʋlʋmʋŋ nagɛ gɛrɩŋ nɛ a tɔŋ, ŋ leŋe wɩa-nyuŋ jɛrɛ nɛ a nagɛ palɩŋ,

WƖA YƖƖLAA 134:3

La Tɩɩna sɩ hɛ Zaayɔŋ lɛ, a leŋ dɩ ʋ pɛ ma lɛ. Ʋ nɛ ŋaa wɩa-nyuŋ arɩ tinteeŋ.

TƖƖCHA 12:7

Ŋɩɩ nɛ nuhuobiine jaŋ bɩrɩmɛ hagɩla a gʋra jʋʋ tintee-la ba sɩ lɔgɔ mɛʋ, ka ʋ wiese mɩɩra mʋ Wɩa teeŋ, nɩɩ-la sɩ joŋu hɛ ʋ lɛ.

AZAAYA 40:12

Kʋbɛɛ nɛ ha wuo joŋ mʋgʋ-balɩŋ lɩɩŋ kala hɛ ʋ nachala lɛ a magɩsɛ, koo a kɛŋ ʋ nɩsɩŋ a magɩsɛ wɩa-nyuŋ duomuŋ? Kʋbɛɛ nɛ ha wuo joŋ tinteeŋ hagɩla kala hɛ sime lɛ a magɩsɛ, koo a joŋ peelee arɩ dundolluŋ kala a hɛ sanɩa lɛ a magɩsɛ?

AZAAYA 40:22

La TƖƖNA hɔŋ ʋ kuoru kpasa nyuŋ nɛ a bibeŋ tinteeŋ. Dʋnɩa nɩaa kala nagɛ nyaŋgɩrɩgɛba nɛ ʋ teeŋ. Ʋ kɛŋ wɩa-nyuŋ a jɛrɛ nɛ ʋ nagɛ patɩɩsaŋ, koo ʋ kaa jɛrɛ ʋ nagɛ palɩŋ.

AZAAYA 42:5

La TƖƖNA Wɩa nɛ ŋaa wɩa-nyuŋ a leŋ ʋ jɛrɛ tɔ leriŋ, ʋ nɛ ŋaa tinteeŋ arɩ kɩalɩŋ kala sɩ hɛ ʋ lɛ. Ʋ nɛ pɩ nuhuobiine mɩɩsɩŋ.

AZAAYA 44:24

Wɩɩ-la La TƖƖNA, ma Laataara, Nɩɩ-la sɩ ŋaama sɩ bʋla nɛ ŋ-la: “Mɩ nɛ ma TƖƖNA, mɩ nɛ ŋaa kʋŋkala. Mɩ dʋndʋŋa nɛ ŋaa wɩa-nyuŋ arɩ tinteeŋ.

AZAAYA 45:12

Mɩ nɛ ŋaa tinteeŋ arɩ nuhuobiine kala sɩ hɛ dʋnɩa lɛ. Mɩ nɛ ŋaa wɩa-nyuŋ, a ŋaa wɩɩpɔsʋŋ arɩ chɛnɛ arɩ chɛnwʋlaa kala a leŋ ba chɩŋ lere-la ba sɩ chɩna.

AZAAYA 45:18

La TƖƖNA nɛ ŋaa wɩa-nyuŋ arɩ tinteeŋ. Ʋ dʋndʋŋa nɛ Wɩa. Ʋ bɩ ba ŋaa dɩ ba pɩŋ hoi, ʋ ŋaa nuhuobiinee arɩ kɩaa hɛ ba lɛ nɛ. Ʋ sɩ, “Mɩ nɛ ma TƖƖNA, kʋŋ dɔŋ bɩra tuo.

AZAAYA 48:13

Mɩ nɛ ŋaa tinteeŋ arɩ wɩa-nyuŋ. Dɩ mɩ nɛ bʋl wɩɩ tinteeŋ arɩ wɩa-nyuŋ lɛ, ŋɩɩ nɛ sɛnɛ yie chɩŋ.

AZAAYA 51:13

Ma yʋ mɩ-na ma TƖƖNA sɩ ŋaa ma wɩaa nɛ Nɩɩ-la sɩ ŋaa wɩa-nyuŋ arɩ tinteeŋ kala. Aŋ ka fawʋllʋŋ kɛmma tapʋlɩɩ kala a tɩŋ nɩalɩŋ sɩɩ dɔgɩsɛma wɩaa. Kʋbɛɛ ba nɛ nɩalɩŋ sɩɩ dɔgɩsɛma? Nɩɩ nɛ ba hɛ lɛɛlɛ?

AZAAYA 57:16

Mɩ bɩ jaŋ bʋbʋl ma teeŋ deeŋ deeŋ, koo a na baanɩŋ ma nyuŋ wuu. Bɛɛ wɩaa mɩ-na nɛ ŋaa nuhuobiine, mɩ bɩ chɛ dɩ ma tʋɔŋ chei dɩ ma yɩɛlaa kala dɛrɛ.

JƐRƖMAAYA 10:12

Wɩa kɛŋ ʋ doluŋ nɛ a ŋaa tinteeŋ, a kɛŋ ʋ wʋjɩmɩŋ ma a ŋaa dʋnɩa. Ʋ sɩ jɩŋ wɩaa sɩaa ma lɛ nɛ ʋ to a ŋaa wɩa-nyuŋ a leŋ ʋ jɛrɛ.

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 30:16

Ama nɩalɩŋ kala sɩ cheima, mɩ ma jaŋ cheiba. Mɩ jaŋ kɛŋ ma dʋndɔŋŋɔɔ kala mʋ yoŋ-baga. Nɩalɩŋ sɩ laa ma kɩaa, ba jaŋ laa ba ma kɩaa. Nɩalɩŋ kala sɩ ŋaa ma bɔmbɔŋ, mɩ ma jaŋ ŋaaba bɔmbɔŋ.

JƐRƖMAAYA 38:16

Ŋɩɩ nɛ kuoro Zedikaaya lʋara ŋmɩɛsa pɩ Jɛrɩmaaya: “Mɩ ŋmɩɛsɛ La TƖƖNA sɩ weye, Nɩɩ-la sɩɩ pɩla wiese, mɩ bɩ jaŋ kpʋŋ koo a joŋuŋ hɛ nɩalɩŋ sɩɩ chɛ ba lɩɩsɛ ŋ mɩɩsɩŋ nɩsɩŋ lɛ.”

JƐRƖMAAYA 50:34

Ama ba Laataara kɛŋ doluŋ nɛ, ʋ yɩrɩŋ nɛ La TƖƖNA doluŋ kala Tɩɩna. Ʋ jaŋ faasa chɩna gbɛrɛba a leŋ dɩ ba na wiese ba tinteeŋ lɛ. Ama Babɩlɔŋ nɩaa-na bɩ jaŋ na wiese.

JƐRƖMAAYA 51:15

Wɩa kɛŋ ʋ doluŋ nɛ a ŋaa tinteeŋ, a kɛŋ ʋ wʋjɩmɩŋ ma a ŋaa dʋnɩa. Ʋ sɩ jɩŋ wɩaa sɩaa ma lɛ nɛ ʋ to a ŋaa wɩa-nyuŋ a leŋ ʋ jɛrɛ.

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

ƐZƖKƖƐL 18:4

Mɩ nɛ tɩɩ nuhuobiiŋ kala, nyɩmmaba, naamba arɩ ba biiriŋ kala. Nɩɩ-la kala sɩ ŋaa wʋbɔmʋŋ nɛ jaŋ sʋʋ.

JOWƐL 3:19

Ama Ijipiti jaŋ pɩŋ hoi, dɩ Ɛdɔm ma nagɛ tintee-hɩlɩŋ sɩ bɩ kʋŋkala kɛnɛ, a tɩŋ dol-la ba sɩ die Juda nɩaa lɛ, a kpʋ nɩaa sɩ bɩ wɩɩ cheye tintee-la lɛ.

ZƐKARƖYA 9:1

La TƖƖNA bʋl wɩaa a tɩgɛ hɛɛ-la taŋ-la ba sɩɩ yɩrɛ Hadɩrak arɩ Damasɩkʋs tabalɩŋ nɩaa sɩ jaŋ na lɛ. La TƖƖNA sɩaa pɛ nʋʋkala lɛ nɛ, Iziral tɩŋŋaa dʋndʋŋa lɛ dee.

MALAKAƖ 1:1

Wɩɩ-la La TƖƖNA sɩ bʋla pɩ Malakaɩ dɩ ʋ bʋla pɩ Iziral tɩŋŋaa nɛ ŋ-la.

NAMBABA 16:22

Ŋɩɩ nɛ Mosis arɩ Arɔŋ tuu tele chu aŋ ŋmoo niiŋ, “Ou Wɩa, ŋ nɛ ŋaa nuhuobiine mɩɩsɩŋ, nɩbala wʋbɔmʋŋ jaŋ leŋ dɩ ŋ na baanɩŋ ŋ nɩaa kala nyuŋ?”

Hiburu TƖŊŊAA 12:9

La kala kɛŋ nyɩmmaba nɛ, ba yie dɩdagɛla nɛ, la ma zizilba. Ŋɩɩ-na ʋ maga dɩ la to la Nyɩmma Wɩa woruŋ a wuo kɛŋ mɩɩsɩŋ.