ZƐKARƖYA 11:9 - WƖA TENIŊ

⁹ aŋ bʋl, “Mɩ bɩra bɩ jaŋ ŋaa ma dɩdaara. Kɩalɩŋ sɩ jaŋ sʋʋ, ba sʋʋ, kɩalɩŋ ma sɩ jaŋ lɛl, ba lɛl. Kɩalɩŋ ma sɩ ka gʋra didii dɔŋɔ.”

ZƐKARƖYA 11:9 ပူးပေါင်းရင်းမြစ်များ

JƐRƖMAAYA 19:9

Mɩ jaŋ leŋ dɩ ba gʋra chaŋ ba hambolibiisiŋ arɩ hantolibiisiŋ nammɩa. Bʋa-la lɛ ba dʋndɔŋŋɔɔ sɩ jaŋ faasa tɔba hɛ, ba jaŋ gʋra chɩchaŋ dɔŋɔ.

JƐRƖMAAYA 23:33

La TƖƖNA bʋla pɩ Jɛrɩmaaya, “Dɩ nɩaa deemba, koo mɩ wʋlaabʋllʋ koo nʋʋ sɩ kpʋ pʋsʋŋ pɩpɩmɛ nɛ pɩɛsɩŋ, ‘Wʋbɛɛ nɛ La TƖƖNA bʋl?’ Bʋla pɩba, ‘Ma ŋaa chʋga nɛ a pɩ ma TƖƖNA, ʋ jaŋ vɩama ta.’

JƐRƖMAAYA 23:39

Ŋɩɩ wɩaa, mɩ jaŋ sɛnɛ yʋ ma wɩaa aŋ kirima ta mɩ sɩpaaŋ, aŋ vɩa tabal-la ma mɩ sɩ joŋo pɩ ma dɩ ma naabalɩmaba a ta.

JƐRƖMAAYA 43:11

Ʋ jaŋ kʋ yuo Ijipiti tɩŋŋaa, a leŋ dɩ nɩalɩŋ sɩ maga dɩ ba sʋʋ, sʋʋ, a leŋ dɩ nɩalɩŋ sɩ maga dɩ ba ŋaa yosi ma ŋaa yosi, a leŋ dɩ nɩalɩŋ ma sɩ maga dɩ ba sʋʋ laalɩŋ lɛ sʋʋ laalɩŋ lɛ.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

HOSIA 4:6

Wɩaa jaŋ chei mɩ nɩaa a tɩŋ ba sɩ bɩ mɩ jɩŋ. Ma sɩ vɩa dɩ ma jɩmmɛ ŋɩɩ, mɩ ma vɩama nɛ arɩ ma ŋaa Wɩɩsʋllɩ sɩpaalaaraa. Ma sɩ vɩa mɩ wombii-la mɩ sɩ bile dɩ ma tuto ŋɩɩ, mɩ ma jaŋ vɩa ma biiriŋ.

ZƐKARƖYA 13:8

La TƖƖNA bɩra sɩ, “Tintee-la kala lɛ, dɩ ŋ nɛ kɛŋ nɩalɩŋ kpaa leree batori, mɩ jaŋ ŋmoo leree balɩa kala lo dɩ ba sʋʋ, ama kʋbala ha jaŋ ka.

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”

Matiu 21:19

Ʋ na tutogo dɩ ʋ chɩŋ ʋ sɩpaaŋ wombiiŋ niiŋ. Ʋ mʋ yi tutogo-la bʋbʋɔŋ a wʋla beŋ dɩ nɛnɛɛ tuo, see pɩpaarɩŋ. Ŋɩɩ nɛ ʋ bʋl tɩa-la lɛ, “A lɩɩ jɩnɩŋ a kaa mʋmʋ, ŋ bɩra bɩ jaŋ nɛŋ.” Tɩa-la guu sʋʋ.

Matiu 21:43

Ŋɩɩ nɛ Yesu bʋla pɩ nɩalɩŋ a bʋl, “Wɩa jaŋ kɛŋ ʋ kuorii-la laa ma teeŋ, a joŋo pɩ nɩalɩŋ sɩ jaŋ to Wɩa niiŋ woruŋ a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

Jɔɔŋ 8:21

Ŋɩɩ nɛ Yesu bɩra bʋla pɩ nɩalɩŋ, “Mɩ jaŋ viiri, ma jaŋ chɛ mɩ ka, ma saa jaŋ sʋʋ arɩ ma wʋbɔŋŋɔɔ. Lee-la mɩ sɩɩ mʋ, ma bɩ jaŋ wuo mʋ nɩmɛ.”

Jɔɔŋ 8:24

Mɩ laa sɩpaaŋ bʋla pɩma arɩ ma jaŋ sʋʋ arɩ ma wʋbɔŋŋɔɔ, dɩ ma nɛ bɩ laa dii arɩ mɩ nɛ ŋaa nɩɩ-la mɩ sɩ sɩ mɩ ŋaa.”

Jɔɔŋ Wʋnaalaa 22:11

Ŋɩɩ wɩaa má leŋ dɩ nɩbɔŋŋɔɔ kɛŋ ŋɩɩ naaŋ lɛ a ŋɩŋaa wʋbɔŋŋɔɔ, dɩ nɩalɩŋ sɩ kɛŋ disiniŋ ma kɛŋ ŋɩɩ naaŋ lɛ a ŋɩŋaa disiniŋ, dɩ nɩzɔŋŋɔɔ ma kɛŋ ŋɩɩ naaŋ lɛ a ŋɩŋaa wʋzɔŋŋɔɔ, dɩ tʋɔpʋl tɩŋŋaa ma kɛŋ ŋɩɩ naaŋ lɛ a ŋɩŋaa tʋɔpʋl wɩaa.”