ZƐKARƖYA 11:6 - WƖA TENIŊ

⁶ Mɩ ma bɩra bɩ jaŋ fá tintee-la nɩaa nenige, mɩ-na ma TƖƖNA nɛ bʋla. Mɩ jaŋ joŋ nʋʋkala hɛ ʋ dɔŋɔ tɩɩna arɩ ʋ kuoro nɩsɩŋ lɛ. Nɩaa deemba jaŋ chei tintee-la, ka mɩ bɩ jaŋ laa nɩalɩŋ ta ba nɩsɩŋ lɛ.”

ZƐKARƖYA 11:6 ပူးပေါင်းရင်းမြစ်များ

WƖA YƖƖLAA 50:22

Ma nɩalɩŋ sɩ yʋ mɩ-na Wɩa wɩaa, má jegili wɩɩŋ deeŋ, dɩ ŋɩɩ dee, mɩ jaŋ kɛmma pʋɔsɛ, ka nʋʋ tuo dɩ ʋ laama ta.

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

AZAAYA 3:5

Nɩaa jaŋ nyagɛ dɔŋɔ bibil. Nɩaa jaŋ sii chɩŋ dɔŋɔba lɛ, nandɔsʋŋ jaŋ yʋ dɔŋɔba wɩaa. Hambiisiŋ bɩ jaŋ zizil nɩhɩasɩŋ. Nɩalɩŋ sɩ bɩ lee kɛnɛ ma paala bɩ jaŋ zizil nɩalɩŋ sɩ kɛŋ lee.

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JEMBIEE 2:21

Hambiisiŋ arɩ nɩhɩasɩŋ pɩna hɛ dɔŋɔ kʋŋkɔlʋŋ lɛ womporunuŋ nyuŋ. Dʋndɔŋŋɔɔ kpʋ mɩ bapʋɔsaa arɩ mɩ hatoloo bil nɛ. Tapʋlɩɩ-la ŋ sɩ na baanɩŋ nɛ ŋ kpʋba a bɩ ba nenige fá.

JEMBIEE 5:8

Yosuŋ nɛ mɩɩraa benla, ka nʋʋ tuo dɩ ʋ laala ta ba nɩsɩŋ lɛ.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

HOSIA 1:6

Goma bɩra kɛŋ luoruŋ a lʋl hantolibie. Ŋɩɩ nɛ La TƖƖNA bʋla pɩ Hosia, “Hɛ ʋ yɩrɩŋ Lo-Ruhama. Ʋ bʋbʋɔŋ nɛ ‘chonuŋ tuo’, bɛɛ wɩaa mɩ bɩra bɩ jaŋ dagɛ mɩ chonuŋ Iziral tɩŋŋaa lɛ, a joŋ ba wʋbɔŋŋɔɔ chɛba.

HOSIA 2:10

Mɩ jaŋ wuri ʋ gɛnnɩŋ kala ʋ hɩɩlaba-la kala sɩpaaŋ, ka nʋʋ tuo sɩ jaŋ laaʋ mɩ nɩsɩŋ lɛ.

MƖKA 5:8

Jekɔb doho nɩkaana-la jaŋ guoli tinteyee nɩaa tʋɔŋ, a hɛ nɩ-daŋ tʋɔŋ, a nagɛ naachigiŋ sɩ guoli baga kɩaa tʋɔŋ duuŋ lɛ. Ba nagɛ naachigi-bie sɩ guoli pie-laalɩŋ lɛ nɛ, a yie fɩla chɩchaalɛba a kɛmba pʋɔsa ta vɩvɛŋ ka nʋʋ tuo dɩ ʋ laaba ta.

MƖKA 6:14

Ma jaŋ dii aŋ bɩ vɔgɛ, ma luobiee jaŋ wuoli. Ma jaŋ tʋɔlɛ kɩaa aŋ chɛ ka, mɩ jaŋ leŋ dɩ ba yuo diima aŋ paa kɩalɩŋ ma sɩ tʋɔla viiri.

HAGAƖ 2:22

Mɩ jaŋ kɛŋ kuoru kpasɩnɩŋ wuro chu, a chei dol-la ba sɩ kaa bibeŋ tintee-wogusu-la. Mɩ jaŋ kiri laalɩŋ janɩŋ torukoba arɩ nɩalɩŋ sɩ kɛmba vɩvɛŋ, janɩŋ jaŋ sʋʋ dɩ nɩalɩŋ sɩɩ jɩlba gʋra kpʋ dɔŋɔ.”

ZƐKARƖYA 11:14

Ŋɩɩ nɛ mɩ bori mɩ dantɩgɛ lɩa-la ma mɩ sɩɩ yɩrɛ Nii-maga, a chei naambiri-la fa sɩ hɛ Juda arɩ Iziral pɛgɛ.”

ZƐKARƖYA 11:5

Nɩalɩŋ sɩ yɔɔba kpʋba nɛ aŋ mʋ, ka ba bɩ ba dɔgʋsɔ. Nɩalɩŋ sɩ yallɛba sɩ, ‘Má dɛnnɛ La TƖƖNA, la ŋaa kɩa tɩmma nɛ.’ Ba dɩ-daaraa tɩtɩa bɩ ba nenige fá.

ZƐKARƖYA 11:9

aŋ bʋl, “Mɩ bɩra bɩ jaŋ ŋaa ma dɩdaara. Kɩalɩŋ sɩ jaŋ sʋʋ, ba sʋʋ, kɩalɩŋ ma sɩ jaŋ lɛl, ba lɛl. Kɩalɩŋ ma sɩ ka gʋra didii dɔŋɔ.”

ZƐKARƖYA 14:13

Bʋa-la lɛ, La TƖƖNA jaŋ joŋ fawʋllʋŋ kɩŋkɛŋ a hɛ nɩaa lɛ. Nʋʋkala jaŋ kɛŋ ʋ dɔŋɔ yuyuo.

ZƐKARƖYA 8:10

Faafaa la, ba fa bɩ nɩaa koo pʋsʋŋ ka tiŋ dɩ ba nɛ tɩma. Nʋʋkala fa bɩ ʋ tɩntɩŋŋaa wuo tɩma tɩta jɩa a tɩŋ ʋ dʋndɔmɔ wɩaa, bɛɛ wɩaa mɩ fa yigi nʋʋkala hɛ ʋ dɔŋɔ tɩɩna lɛ nɛ.

MALAKAƖ 4:6

Ʋ jaŋ kɛŋ nyɩmmaba arɩ biiriŋ bɩra hɛ dɔŋɔ dɩ ba sɩŋ, dɩ ba nɛ bɩ sɛyɛ mɩ jaŋ kɔ a chei ma tinteeŋ kala gbelem gbelem.”

Matiu 10:21

Naambiiriŋ jaŋ kɛŋ dɔŋɔ a kaa mʋ pa dɩ ba kpʋ. Nyɩmmaba ma jaŋ ŋaa ŋɩɩ ba biiriŋ lɛ. Biiriŋ ma jaŋ ŋaa ŋɩɩ a kɛsɛ ba nyɩmmaba arɩ ba naamba a kaa mʋ pa dɩ ba kpʋ.

Matiu 22:7

Ŋɩɩ nɛ kuoru-la na baanɩŋ a ta ʋ laalɩyuoroo, ba mʋ kpʋ nɩalɩŋ sɩ kpʋ ʋ dɩa tɩntɩnna-la aŋ nyɩgɛ ba tabalɩŋ kala.

Matiu 24:10

Bʋa-la lɛ nɩaa jaŋ yʋgɛ a joŋ ba Wɩa laa diiniŋ ta, ba jaŋ joŋ dɔŋɔ yɩyallɛ, a bɛrɛ dɔŋɔ ma.

Jɔɔŋ 19:15

Ŋɩɩ nɛ ba faasa kpɩa goŋ a bʋl, “Leŋ dɩ ba kɛnʋ kaa mʋ kpaasɛ daagɛsɛ nyuŋ.” Ŋɩɩ nɛ Paalɩt pɩɛsɛba, “Maa chɛ dɩ mɩ kpaasɛ ma kuoro daagɛsɛ nyuŋ nɛɛ?” Ŋɩɩ nɛ Wɩɩsʋllɩ sɩpaalaaraa kʋhɩasɩŋ bʋl, “La bɩ kuoru kala kɛnɛ a pɛ Siiza lɛ.”

1 Tɛsalonaaka Nɩaa 2:16

Ba paala pugila nɛ, dɩ la sɩ́ Wɩa wɩaa bʋla pɩ nɩalɩŋ sɩ bɩ Juu tɩŋŋaa ŋaa dɩ Wɩa laaba ta. Wʋbɔmɔ-la ba sɩ ŋaa yi ba dɩdɛrɩŋ nɛ. Lɛɛlɛ Wɩa baanɩŋ sii ba nyuŋ nɛ.

Hiburu TƖŊŊAA 2:3

Ŋɩɩ wɩaa dɩ la nɛ vɩa wʋbalɩŋ deeŋ Wɩa sɩ ŋaa dɩ ʋ laala ta, ɛɛ nɛ la jaŋ ŋaa a fori? La Tɩɩna Yesu nɛ laa sɩpaaŋ bʋl wɩɩ-la, nɩalɩŋ ma sɩ nɩɩ wɩɩ-la bʋla pɩla arɩ wʋtɩtɩɩ nɛ.

Jeems 2:13

Dɩ nʋʋ nɛ bɩ nɩaa nenige ka fá, Wɩa ma bɩ jaŋ fá tɩɩna nenige bʋa-la lɛ ʋ sɩ jaŋ didii nɩaa sarɩya. Ama nɩɩ-la sɩ fá nɩaa nenige bɩ jaŋ fá wɩɩkala sarɩya-la chɛ-diiliŋ.