ZƐKARƖYA 11:5 - WƖA TENIŊ

⁵ Nɩalɩŋ sɩ yɔɔba kpʋba nɛ aŋ mʋ, ka ba bɩ ba dɔgʋsɔ. Nɩalɩŋ sɩ yallɛba sɩ, ‘Má dɛnnɛ La TƖƖNA, la ŋaa kɩa tɩmma nɛ.’ Ba dɩ-daaraa tɩtɩa bɩ ba nenige fá.

ZƐKARƖYA 11:5 ပူးပေါင်းရင်းမြစ်များ

2 KUOROO 4:1

Tapʋlɩɩ kʋbala Wɩa wʋlaabʋllaa dɔŋɔ yo-haala mʋ Elaasa teeŋ, a yele pʋ, “Ŋ jɩma mɩ bala fa ŋaa ŋ harɩ-tooru nɛ a to La TƖƖNA woruŋ aŋ sʋʋ. Ama ʋ dii nʋʋ chɩŋ nɛ. Nɩɩ-la kɔ dɩ ʋ kɛsɛ mɩ hambolibiisiŋ balɩa a kaa mʋ dɩ ba ŋaa ʋ yosi.”

NƐHƖMAAYA 5:8

Mɩ sɩ, “Lɛɛlɛ, la hɛ doluŋ nɛ aŋ mɩɩra time lɩlaa la Juu tɩmma-la dɔnsʋŋ sɩ joŋ ba tɩtɩa yalla pɩ tintee-wogusuŋ nɩaa. Lɛɛlɛ ma tɩtɩa mɩɩra fʋgɛ ma naambiiriŋ nɛ dɩ ba joŋ ba tɩtɩa yalla pɩma.” Sɩpaa-laara-la kala tɔrɛ ba niiŋ bɛɛ wɩaa ba bɩ wɩɩ kɛnɛ dɩ ba bʋl.

JƐRƖMAAYA 2:3

Iziral tɩmma, ma fa bɩ disiniŋ kɛnɛ mɩ-na ma TƖƖNA teeŋ. Ma nɛ mɩ laa sɩpaaŋ lɩɩsɛ, a nagɛ paara sɩ ŋaa ʋ kʋdii falaa. Mɩ fa joŋ cheeriŋ pɩ nɩalɩŋ kala sɩɩ dɔgɩsɛma nɛ a leŋ wʋlɔrʋŋ faasa jʋʋba. Mɩ-na ma TƖƖNA nɛ bʋla.”

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

ƐZƖKƖƐL 34:10

Mɩ-na ma TƖƖNA Wɩɩjarɩbakɔ chɩŋ ma pie-daara-la lɛ nɛ. Mɩ jaŋ kɛmma a tɩŋ wɩalɩŋ ma sɩ leŋe ba ŋaa mɩ piesee lɛ. Mɩ jaŋ laa mɩ piesee ma teeŋ dɩ ma bɩra sɩ́ ba daa a kɛsɛ didii. Mɩ jaŋ lorigo laa mɩ piesee ma niiree lɛ, dɩ ba bɩra sɩ́ ma kʋdiilee ŋaa.

ƐZƖKƖƐL 34:21

Piese-la sɩ dolie kɛŋ ba nyilliŋ nɛ a kiri pie-pʋgʋnʋ-la ta.

ƐZƖKƖƐL 34:6

Mɩ piesee gɔllɔɔ baarɛ peelee arɩ dundolluŋ nyuŋ kala nɛ. Ba fá pɩsa su dʋnɩa lee-kala nɛ, ka nʋʋkala bɩ bee chɛba.

HOSIA 12:8

Efirem bigisi ʋ tɩtɩa lɛ a bʋl, “Mɩ kɛŋ kɩaa nɛ woruŋ, mɩ nɛ dʋa kɩalɩŋ. Mɩ kɛŋ dʋa-la ŋɩɩ nɛ, ka nʋʋ bɩ jaŋ wuo na dɩ mɩ chei wɩɩ koo dɩ mɩ ŋaa wʋbɔŋ.”

HOSIA 12:9

Wɩa sɩ, “Mɩ nɛ ma TƖƖNA Wɩa, mɩ nɛ kɛmma kaa kʋ lɩɩ Ijipiti tinteeŋ lɛ. Mɩ jaŋ bɩra leŋ dɩ ma jʋʋ lɛŋŋɛɛ a nagɛ ma lɛŋŋɛɛ gbiele tapʋlaa.

AMƆS 2:6

Wɩɩ-la La Tɩɩna sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Iziral nɩaa a tɩŋ ba wʋbɔŋ dandaŋ-la wɩaa. Ba kɛsɛ tʋɔpʋl tɩŋŋaa yallɛ moribiee nɛ, aŋ kɛsɛ nɩalɩŋ ma sɩ bɩ ba tɩtɩa lɛ wuo pɛ a yallɛ nɛntɛŋŋɛɛ yalɩŋ.

Matiu 23:13

Ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la, ma jaŋ na hɛɛŋ. Ma kɛŋ Wɩa kuorii-la dɩa-boro yagɛ nɛ dɩ nɩaa sɩ́ jʋʋ, bɛɛ wɩaa ma tɩtɩa bɩ chɛ dɩ ma jʋʋ, aŋ bɩra pɔ dɩ nɩalɩŋ sɩɩ walɩmɛ dɩ ba jʋʋ, dɩ ba ma sɩ́ jʋʋ. [

Jɔɔŋ 10:1

Ŋɩɩ nɛ Yesu magɛ namaga a bʋl, “Wʋtɩtɩɩ nɛ mɩ bʋlaa pɩma, nɩɩ-la kala sɩ bɩ boiŋ niiŋ to jʋʋ pie-dɩa, aŋ wule to kɛrɛ jʋʋ, ʋ tɩɩna ŋaa gaarʋ nɛ.

Jɔɔŋ 16:2

Ba jaŋ kirima ta Wɩɩchʋɔlɛ dɩɩsɩŋ lɛ. Bʋa dɔŋ jaŋ yi dɩ nɩaa kpʋma aŋ bɩɩnɛ baa to Wɩa wombiiŋ nɛ ŋɩɩ.

2 Pɩɩta 2:3

Wʋnyɩɛrɩ kerichi deemba jaŋ kɛŋ tʋɔ-luŋuŋ. Ba jaŋ kɛŋ nii-sɩma a nyɩnyɩsɛma a lɩlaa ma kɩaa ma. Faafaa kala nɛ Wɩa dagɛ arɩ ʋ jaŋ dii nɩaa deemba doho sarɩya. Nɩɩ-la sɩ jaŋ cheiba bɩ doŋ pɩna.

Jɔɔŋ Wʋnaalaa 18:13

kɩaa ba sɩ yie joŋo hɛ kʋdiilee lɛ ba sʋɔra sɩŋ arɩ tegisiŋ, kʋsʋɔrʋsʋŋ, tɩɩ-kel-la ba sɩɩ yɩrɛ mɛɛ arɩ fɩraŋkɩsɛŋ, sɩnɩŋ, nʋʋŋ, munuŋ sɩ bɩɩ nʋgʋgʋ, mɩaa, nɛsɩŋ, arɩ piesee, arɩ janɩŋ, arɩ janɩŋ torukoba, arɩ yosuŋ arɩ nɩaa ba sɩ yuo kɛsɛ laalɩŋ lɛ.

Jɔɔŋ Wʋnaalaa 3:17

Ma yie bigisi ma tɩtɩa lɛ arɩ ma kɛŋ kɩaa nɛ, ma bɩra bɩ kʋŋkala ka chɛ. Ama ma bɩ jɩŋ arɩ ma wɩɩŋ kɛŋ hɛɛŋ nɛ, ma ŋaa nisusu tɩmma, a ŋaa summo, a ŋaa nyʋlɩma aŋ kɛŋ yarɩ-biree.