ZƐKARƖYA 10:8 - WƖA TENIŊ

⁸ Mɩ jaŋ fʋʋla yɩrɛba a kɛmba kʋ hɛ dɔŋɔ. Wʋtɩtɩɩ, mɩ jaŋ laaba ta, ba jaŋ bɩra yʋgɛ arɩ ba fa sɩ yʋga ŋɩɩ.

ZƐKARƖYA 10:8 ပူးပေါင်းရင်းမြစ်များ

1 KUOROO 4:20

Juda arɩ Iziral nɩaa fa yʋga nɛ woruŋ a nagɛ hagɩlɩ-bumbugulo sɩ pɩŋ fuoŋ niiŋ. Ba kala fa dii yiyi nɛ a nyʋnyʋa a kɛŋ tʋɔtɔrʋŋ.

MOSIS KƐŊ IZIRAL TƖŊŊAA LƖƖ 1:7

Ama ba doho nɩaa fa lʋl biiriŋ yʋgɛ nɛ woruŋ a pʋŋa su tintee-la kala.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

AZAAYA 48:20

Má lɩɩ Babɩlɔŋ lɛ, má fá kagɛ Babɩlɔŋ tɩŋŋaa lɛ. Má heele bʋl arɩ tʋɔtɔrʋŋ: ‘La TƖƖNA laa ʋ nɩaa Iziral tɩŋŋaa ta nɛ.’ ” Má leŋ dɩ dʋnɩa sɛmɛ na-kala nɩɩ.

AZAAYA 5:26

La TƖƖNA hɛ duoso nɛ pɩpɩ tinteye-la sɩ hɛ dɩ-bolii, aŋ ŋmʋʋ ŋmʋlʋŋ ma a yɩyɩrɛ nɩalɩŋ sɩ hɛ dʋnɩa dɩdɛrɩŋ. Na ba nɛ fá kʋkɔ ŋɩɩ lɩma lɩma.

AZAAYA 51:11

Nɩalɩŋ La TƖƖNA sɩ laa ta jaŋ mɩɩra kɔ ʋ teeŋ. Ba jaŋ yɩɩ yɩɩlaa arɩ tʋɔtɔrʋŋ kʋ jʋʋ Jerusalɛm. Ba jaŋ nɩɩ sɩma a kaa mʋ wuu. Tʋɔtɔrʋŋ jaŋ faasa yʋgɛ ba teeŋ, dɩ hɛɛŋ arɩ tʋɔ-cheeŋ fa lɛl.

AZAAYA 7:18

Tapʋlɩɩ-la, La TƖƖNA jaŋ ŋmʋʋ ŋmʋlʋŋ a yɩrɛ Ijipiti tɩŋŋaa dɩ ba lɩɩ dɩ-bolii kɔ a nagɛ nanchʋɔsʋŋ sɩ lɩɩ fuonuŋ lɛ, dɩ Asiiria tɩŋŋaa ma lɩɩ ba tinteeŋ kɔ a nagɛ tʋʋ-biee.

AZAAYA 7:19

Ba jaŋ kʋ jʋʋ su ma fuonaasɩ-la kala sɩ luŋie arɩ bʋ-pɛgɩsɩŋ arɩ lere-la kala sɩ kɛŋ sɔsʋŋ arɩ lere-la sɩ kɛŋ lɩɩŋ.

JƐRƖMAAYA 33:22

Mɩ jaŋ leŋ dɩ mɩ tɩntɩnna Devit doho nɩaa arɩ Levi doho nɩalɩŋ sɩɩ tɩŋ mɩ sɩpaaŋ doho nɩaa pʋŋ woruŋ a bɩ nii kɛnɛ a nagɛ chɛnwʋlaa sɩ hɛ wɩa-nyuŋ koo hagɩlɩ-bumbugulo sɩ pɩŋ mʋgʋ-balɩŋ niiŋ.”

HOSIA 1:10

Ama bʋa kʋbala jaŋ yi dɩ Iziral tɩŋŋaa pʋŋ a nagɛ hagɩla sɩ pɩŋ mʋgʋ-balɩŋ niiŋ nʋʋ sɩ bɩ jaŋ wuo magɩsɛ koo a dɩɩsɛ. Lee-la ba sɩ bʋla pɩba arɩ ba bɩ mɩ nɩaa ŋaa, ba jaŋ bɩra kɛmba yɩrɛ ‘Wɩa sɩ weye biiriŋ’.

MƖKA 2:12

La TƖƖNA bɩra sɩ, “Mɩ sɛnɛ jaŋ kɛŋ ma Jekɔb doho nɩaa kala kʋ hɛ dɔŋɔ, mɩ sɛnɛ jaŋ kɛŋ Iziral nɩkaanaa kʋ hɛ dɔŋɔ lɛ. Mɩ jaŋ kɛmba kʋ hɛ dɔŋɔ a nagɛ piesee sɩ hɛ pie-dɩa lɛ. Ba jaŋ nagɛ pie-laalɩŋ sɩ hɛ yaŋ dɩ-diiliŋ. Nɩaa jaŋ bɩra su tintee-la.

ZƐKARƖYA 9:11

Ama ma-na mɩ nɩaa, a tɩŋ nii-la sɩ hɛ mɩ dɩ ma pɛgɛ la kɛŋ chalɩŋ magɩlɛ wɩaa, mɩ jaŋ lɩɩsɛ ma nɩalɩŋ sɩ ŋaa dansarɩkaba buotuo-la sɩ bɩ lɩɩŋ kɛnɛ lɛ.

Matiu 11:28

Ŋɩɩ nɛ Yesu bɩra bʋla pɩ nɩaa, “Má kɔ mɩ teeŋ, ma nɩalɩŋ kala sɩ lɔlɔ, aŋ ka wɩaa nyagɛma bil, mɩ jaŋ pɩma wiese.

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 7:9

Ʋ ŋɩɩ harɩŋ nɛ mɩ beŋ a na nɩ-dandaŋ, nʋʋ bɩ ba wuo dɩɩsɛ, sɩ lɩɩ tintee-dosunuŋ, do-yiriba arɩ nɩdosunuŋ sɩɩ bʋl yikori-wogusuŋ. Mɩ na dɩ ba chɩŋ kuoru kpasa-la arɩ Pie-bie-la sɩpaaŋ a laalɛ gɛrɩ-pʋl-duduosuŋ, a kori abɛ pɩpaarɩŋ ba nɩsaa lɛ.