ZƐKARƖYA 10:7 - WƖA TENIŊ

⁷ Efirem nɩaa jaŋ mɩɩra nagɛ nɩduoruŋ dɩ ba tʋɔŋ tɔrɛ a nagɛ nɩa sɩ nyʋa girep nɛnɛɛ sɩnɩŋ. Ba biiriŋ jaŋ na ŋɩɩ dɩ ba tʋɔŋ tɔrɛ, dɩ ba jʋjʋɔsɛ mɩ-na ba TƖƖNA teeŋ.

ZƐKARƖYA 10:7 ပူးပေါင်းရင်းမြစ်များ

WƖAA DƖ-SUOMUŊ 18:19

Mɩ nɛ lɩɩsʋ dɩ ʋ dagɛ ʋ biiriŋ arɩ ʋ doho nɩaa sɩ jaŋ to harɩŋ kɔ mɩ wombiiŋ dɩ ba kɛŋ wʋtɩtɩɩ, a ŋɩŋaa wɩaa ba bʋa lɛ, dɩ ŋɩɩ leŋ dɩ mɩ ŋaa wɩɩ-la mɩ sɩ bʋla pɩ Abɩraham arɩ mɩ jaŋ ŋaa pʋ.”

WƖAA DƖ-SUOMUŊ 43:34

Dɩ ba nɛ ŋaa kʋdiilee hɛ Josɛf gbaŋa lɛ, dɩ ba kpaa, Bɛnjamɩŋ kɩaa nɛ yie yʋgɛ a kɩɩ kʋkaanaa kala naansɩɩŋ bʋnɔŋ. Ba dii aŋ nyʋa kʋnyʋalaa halɩɩ. Ba tʋɔŋ kala tɔrɛ Josɛf nyuŋ.

WƖA YƖƖLAA 102:28

La ŋaa ŋ tɩntɩnnaa nɛ, ŋ jaŋ pɔ la biiriŋ arɩ ba doho nɩaa dɩ wɩɩkala sɩ́ ba walɩmʋ.”

WƖA YƖƖLAA 104:15

a kaa ŋaa sɩnɩŋ, ʋ pɩpɩla tʋɔtɔrʋŋ, a ŋaa nʋʋŋ la tɩsa tʋtʋl, arɩ kʋdiilee ba pɩpɩla yarɩfɩɛlaa.

WƖA YƖƖLAA 13:5

Mɩ laa ŋ chono-la sɩ bɩ dɛrɛ dii nɛ. Mɩ tʋɔŋ tɔrɔ nɛ mɩ jʋjʋɔsɛ a tɩŋ ŋ sɩ laamɛ ta wɩaa.

WƖA YƖƖLAA 28:7

Ŋ nɛ ŋaa mɩ doluŋ a nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ a tɔmɛ. Mɩ laaŋ dii nɛ, ŋ pɛ mɩ lɛ, mɩ tʋɔŋ kala tɔrɛ mɩ jʋjʋɔsɛ. Mɩ jaŋ lɔllʋŋ a yɩɩ yɩɩlɩŋ a dɛnnɩŋ.

WƖA YƖƖLAA 33:21

La tʋɔŋ tɔrɛ La Tɩɩna nyuŋ nɛ. La joŋ la yɩɛlaa hɛ ʋ yɩrɩ-zɔŋ-la lɛ nɛ.

WƖA YƖƖLAA 90:16

Ŋaa wʋkpuŋkperisiŋ pɩ la-na ŋ tɩntɩnnaa, a dagɛ ŋ doluŋ, dɩ la biiriŋ ma na.

AZAAYA 25:9

Tapʋlɩɩ-la nʋʋkala jaŋ bʋl, “Wʋtɩtɩɩ, ʋ nɛ la Wɩa, ʋ nɛ la laa dii, ʋ nɛ laala ta. La TƖƖNA nɛ ŋ-la, la laaʋ dii nɛ. Má leŋ dɩ la tʋɔŋ tɔrɛ, dɩ la jʋjʋɔsɛ a tɩŋ ʋ sɩ laala ta wɩaa.”

AZAAYA 38:19

Nɩweyee nɛ jaŋ wuo dɛnnɩŋ. Ba nɛ jaŋ wuo dɛnnɩŋ arɩ ŋɩɩ mɩ sɩɩ dɛnnɩŋ jɩnɩŋ. Nyɩmmaba bʋla pɩ ba biiriŋ ŋɩɩ ŋ sɩ kɛŋ wʋtɩtɩɩ nɛ.

AZAAYA 54:13

Mɩ-na ŋ TƖƖNA tɩtɩa nɛ jaŋ dagɛ ŋ biiriŋ. Ba jaŋ kɛŋ fɩɛlɩŋ woruŋ.

AZAAYA 66:14

Dɩ ŋɩɩ nɛ ŋaa, ma tʋɔŋ jaŋ tɔrɛ dɩ ma jʋjʋɔsɛ a jigi a nagɛ yaŋ sɩ tɔsɔ. Ŋɩɩ nɛ ma jaŋ jɩŋ arɩ La TƖƖNA ka pɛ nɩalɩŋ sɩ sɛɩ ʋ niiŋ lɛ nɛ, aŋ yie dagɛ ʋ baanɩŋ ʋ dʋndɔŋŋɔɔ lɛ.

JƐRƖMAAYA 32:39

Mɩ jaŋ leŋ dɩ ba kɛŋ tʋɔ-bala a ŋɩŋaa wʋbala sɩ jaŋ leŋ dɩ ba fɩfámɛ bʋa na-kala, dɩ ŋɩɩ ŋaa wʋzɔŋ a pɩ ba dɩ ba doho nɩaa ba ha sɩ jaŋ lʋl.

ƐZƖKƖƐL 37:25

Ba jaŋ hɔŋ tintee-la mɩ fa sɩ joŋo pɩ mɩ tɩntɩnna Jekɔb lɛ, lee-la ba naabalɩmaba fa sɩ hɔnɔ. Ba dɩ ba biiriŋ arɩ ba nihee kala jaŋ hɔŋ nɩmɛ a kaa mʋ wuu. Mɩ tɩntɩnna Devit nɛ jaŋ ŋaa ba sɩpaalaara a kaa mʋ wuu.

JOWƐL 2:23

Zaayɔŋ nɩaa, má leŋ dɩ ma tʋɔŋ tɔrɛ, má jʋjʋɔsɛ ma TƖƖNA Wɩa lɛ, bɛɛ wɩaa ʋ pɩma duoŋ-puso ŋɩɩ sɩ maga nɛ. Ʋ chaasa pɩma duonuŋ nɛ, duoŋ-puso arɩ yibiiŋ duonuŋ kala, arɩ ʋ fa sɩ vɛnɛ pɩpɩma ŋɩɩ.

HABAKU 3:18

ama mɩ ha jaŋ jʋɔsɛ La TƖƖNA teeŋ. Mɩ tʋɔŋ jaŋ tɔrɛ mɩ Wɩa sɩ ŋaa mɩ Laataara nyuŋ.

ZEFANAAYA 3:14

Zaayɔŋ nɩaa, má yɩɩ yɩɩlaa, Iziral tɩmma, má kpɩa wɩaa. Jerusalɛm nɩaa, má leŋ dɩ ma tʋɔŋ faasa tɔrɛ, dɩ ma jʋjʋɔsɛ.”

ZƐKARƖYA 12:8

Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ.

ZƐKARƖYA 9:15

La TƖƖNA doluŋ kala Tɩɩna jaŋ chu tɔ ʋ nɩaa lɛ. Ba jaŋ kɛŋ kpalaa a yuo dii ba dʋndɔŋŋɔɔ. Ba jaŋ kpɩa goŋ laalɩŋ lɛ a nagɛ nɩaa sɩ nyʋa girep nɛnɛɛ sɩnɩŋ a bugi. Ba jaŋ leŋ dɩ ba dʋndɔŋŋɔɔ chalɩŋ jaasɛ a nagɛ ba sɩ joŋ chalɩŋ hɛ gbaŋa lɛ a mɩsɛ Wɩɩsʋllɩ koruŋ gʋnaa.

ZƐKARƖYA 9:17

Ba jaŋ ŋaa nɩa sɩ zɔmɔ a kɛŋ buno. Bapʋɔsaa jaŋ dii tintee-la kɩaa a waa woruŋ, dɩ hatoloo ma nyʋa girep nɛnɛɛ sɩ-falɩŋ a kɛŋ buno.

Luuk 1:47

Wɩa nɛ ŋaa mɩ Laataara, ŋɩɩ nɛ tɩɩ mɩ jʋjʋɔsɛ.

Jɔɔŋ 16:22

Ŋɩɩ nɛ saa ʋ jaŋ nagɛ ma ma lɛ. Lɛɛlɛ ma tʋɔŋ cheye nɛ, ama mɩ jaŋ bɩra nama dɩ ma tʋɔŋ kala tɔrɛ. Bʋa-la lɛ nʋʋkala bɩ jaŋ wuo ŋaa dɩ ma tʋɔŋ bɩra chei.

Tɩntɩŋŋaa 13:33

Lɛɛlɛ ʋ ŋaa wɩɩ-la pɩla nɛ, la nɩalɩŋ sɩ ŋaa ba doho nɩaa. Wɩa chɩsɛ Yesu sʋʋŋ lɛ nɛ ʋ kɛŋ mɩɩsɩŋ. Ba fa ŋmʋnsɛ ŋɩɩ nɛ Wɩa teniŋ sɛmɛ dɔŋɔ lɛ ba sɩɩ yɩrɛ Wɩa yɩɩlaa teniŋ tʋɔŋ. Ba ŋmʋnsa a tɩgɛ Yesu lɛ a bʋl, ‘Ŋ ŋaa mɩ Bii nɛ. Mɩ nɛ lʋlʋŋ jɩnɩŋ.’

Tɩntɩŋŋaa 2:26

Ŋɩɩ wɩaa mɩ tʋɔŋ tɔrɔ nɛ, mɩ bʋbʋl tʋɔ tɔrɛ wɩaa. Mɩ ŋaa nuhuobiiŋ nɛ a jaŋ sʋʋ. Mɩɩ yɩɛlɛ wɩalɩŋ Wɩa sɩ jaŋ ŋaa lɛ nɛ.

Tɩntɩŋŋaa 2:39

Wɩalɩŋ Wɩa sɩ bʋla, ma nɛ ʋ bʋla pa, ma dɩ ma biiriŋ arɩ nɩalɩŋ kala sɩ lɩɩ dɩ-boluŋ, nʋʋ na-kala Wɩa sɩ yɩra dɩ ʋ kɔ ʋ teeŋ.”

Fɩlɩpa Nɩaa 4:4

Má jʋjʋɔsɛ Wɩa sɩpaaŋ bʋa na-kala. Mɩ jaŋ bɩra bʋla pɩma dɩ ma jʋjʋɔsɛ.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.

1 SAMƲƐL 2:1

Ŋɩɩ nɛ Hana chʋɔlɛ Wɩa a bʋl, “La TƖƖNA leŋe mɩ tʋɔŋ tɔrɛ nɛ woruŋ. Ʋ nɛ leŋe mɩ kɛŋ doluŋ, aa mɔŋ mɩ dʋndɔŋŋɔɔ. Mɩ tʋɔŋ tɔrɔ nɛ woruŋ ʋ sɩ laamɛ ta.