ZƐKARƖYA 10:6 - WƖA TENIŊ

⁶ Mɩ jaŋ leŋ dɩ Juda nɩaa kɛŋ doluŋ aŋ laa Josɛf doho nɩaa ta. Mɩ jaŋ fá ba nenige a kɛmba mɩɩra kɔ dɩa. Ba jaŋ nagɛ nɩa mɩ fa sɩ bɩ vɩa ta, bɛɛ wɩaa, mɩ nɛ ba TƖƖNA Wɩa, mɩ jaŋ laa ba sʋla.

ZƐKARƖYA 10:6 ပူးပေါင်းရင်းမြစ်များ

WƖA YƖƖLAA 89:21

Mɩ jaŋ chɩŋ ʋ harɩŋ bʋa na-kala, a pɛ ʋ lɛ dɩ ʋ kɛŋ doluŋ.

AZAAYA 11:12

Ʋ jaŋ kɛŋ tuuta-la je a dagɛ tinteyee nɩaa kala, aŋ kɛŋ Iziral tɩmma-la ba sɩ kɛsɛ mʋ yoŋ-baga kʋ hɛ dɔŋɔ. Ʋ jaŋ kɛŋ Juda nɩalɩŋ ma sɩ pɩsa, a lɩɩ dʋnɩa loŋgorunu-la banɛsɛ kala lɛ a mɩɩra kʋ hɛ dɔŋɔ.

AZAAYA 14:1

La TƖƖNA jaŋ fá Iziral tɩŋŋaa nenige. Ʋ jaŋ bɩra lɩɩsɛ Iziral tɩŋŋaa dɩ ba ŋaa ʋ nɩaa, a leŋ dɩ ba hɔŋ ba tɩtɩa tinteeŋ lɛ. Nɩwogusuŋ jaŋ kʋ pɛ hɔŋ Jekɔb doho nɩalɩŋ tinteeŋ lɛ dɩ ba niiŋ ŋaa kʋbala.

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

AZAAYA 54:4

Sɩ́ leŋe dɩ fawʋllʋŋ kɛnɩŋ, ŋ bɩ jaŋ dii hɩɩsɩŋ. Sɩ́ hɩɩsɩŋ fá, nʋʋkala bɩra bɩ jaŋ jolumuŋ. Hɩɩsɩ-la sɩ diiŋ ŋ hambiiriŋ lɛ, ŋ jaŋ yʋ ʋ wɩaa. Ŋ bɩra bɩ jaŋ liisi wɩalɩŋ ba sɩ joŋo to ŋ lɛ, ŋ fa sɩ ŋaa yo-haal.

AZAAYA 54:8

Mɩ fa na baanɩŋ nɛ woruŋ a joŋ harɩŋ yɩaŋ mʋa, ama lɛɛlɛ mɩ jaŋ dagɛ mɩ chono-la sɩ bɩ dɛrɛ a pɩŋ.” Ŋ Laataara sɩ bʋl wɩɩ-la nɛ ŋɩɩ.

JƐRƖMAAYA 23:6

Ʋ kuoruŋ bʋa lɛ, ʋ jaŋ laa Juda nɩaa ta, dɩ Iziral nɩaa ma hɔŋ sɔm. Yɩrɩ-la ba sɩ jaŋ yɩyɩrʋ nɛ: La TƖƖNA nɛ ŋaa la kɛŋ tʋɔpʋla koo La TƖƖNA nɛ laala ta arɩ wʋtɩtɩɩ.”

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

JƐRƖMAAYA 30:20

Ba biiriŋ jaŋ nagɛ faafaa-la, dɩ ba tasɩŋ ma chɩŋ woruŋ mɩ sɩɩŋ lɛ. Mɩ jaŋ dɔgɩsɛ nɩalɩŋ kala sɩ nyagɛba bil.

JƐRƖMAAYA 31:1

La TƖƖNA sɩ, “Bʋa-la lɛ, mɩ jaŋ ŋaa Iziral doho nɩaa kala Wɩa, dɩ ba ma ŋaa mɩ nɩaa.”

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 31:31

La TƖƖNA bɩra bʋla, “Bʋa dɔŋ jaŋ kɔ, dɩ mɩ bil nii-falɩŋ mɩ dɩ Iziral tɩŋŋaa arɩ Juda doho nɩaa pɛgɛ.

ƐZƖKƖƐL 36:11

Mɩ jaŋ leŋ dɩ ma nɩaa arɩ ma pʋsʋŋ pʋŋ. Ma jaŋ yʋgɛ a kɩɩ ŋɩɩ ma fa sɩ maga, dɩ ma biiriŋ ma pʋŋa pɛ. Mɩ jaŋ leŋ dɩ ma hɔŋ nɩmɛ arɩ ma fa sɩ hɔŋ ŋɩɩ, a dʋa kɩaa a kɩɩ ŋɩɩ ma fa sɩ kɛnɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

ƐZƖKƖƐL 36:37

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Mɩ jaŋ bɩra jegile nɩɩ Iziral tɩŋŋaa sʋla a pɛ ba lɛ. Mɩ jaŋ leŋ dɩ ba faasa pʋŋa yʋgɛ a nagɛ pie-laalɩŋ.

ƐZƖKƖƐL 37:16

“Nuhuobiiŋ, joŋ daaŋ a ŋmʋnsɛ wɩaa deemba hɛ ʋ lɛ, ‘Juda arɩ ʋ nɩaa daaŋ.’ Bɩra joŋ dɔŋɔ ma a ŋmʋnsa hɛ, ‘Josɛf nanʋala Efirem arɩ Iziral nɩaa sɩ chɩŋ ʋ harɩŋ daaŋ.’

ƐZƖKƖƐL 39:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Lɛɛlɛ, mɩ jaŋ fá Jekɔb doho nɩaa sɩ ŋaa Iziral tɩŋŋaa nenige, a leŋ dɩ ba mɩɩra lɩɩ yoŋ-baga kɔ, a tɩɩ ba tinteeŋ. Mɩ tʋɔŋ ka wɩɩ mɩ yɩrɩ zɔmʋŋ lɛ nɛ.

HOSIA 1:11

Juda nɩaa arɩ Iziral tɩŋŋaa jaŋ bɩra kɛŋ nii-bala. Ba jaŋ lɩɩsɛ sɩpaa-laarɩ bala, ba jaŋ pʋŋa pɛ a dʋa ba tinteeŋ lɛ, dɩ ŋɩɩ ŋaa tapʋl-bal a pɩ Jɛzɩrɛl.”

HOSIA 1:7

Ama mɩ jaŋ dagɛ mɩ chonuŋ Juda doho nɩaa lɛ, a laaba ta. Ama laalɩyuori kɩaa deemba dee mɩ jaŋ kaa laaba ta: Toŋ koo tokobiiŋ koo laalɩŋ janɩŋ koo laalɩŋ ja-jɩllaa. Mɩ-na ba TƖƖNA Wɩa nɛ jaŋ laaba ta.”

HOSIA 14:9

Nɩɩ-la kala sɩ kɛŋ wʋjɩmɩŋ, ʋ jaŋ jɩŋ wɩaa deemba. Nɩɩ-la sɩɩ jɩŋ wɩaa sɩaa, ʋ jaŋ jɩŋ ba bʋbʋɔŋ. La TƖƖNA wombiee ŋaa wʋtɩtɩɩ wombiee nɛ, tʋɔpʋl tɩŋŋaa vɩvɛŋ ba lɛ, ama nɩalɩŋ sɩ vɩaba gɛrɛ titel nɛ.

HOSIA 2:23

Mɩ tɩtɩa nɛ jaŋ holluŋ tintee-la lɛ, mɩ jaŋ dagɛ mɩ chonuŋ Lo-Ruhama lɛ, nɩɩ-la mɩ fa sɩ sɩ mɩ bɩ ʋ cho. Mɩ jaŋ bʋla pɩ Lo-Ammi, nɩalɩŋ ma mɩ fa sɩ sɩ ma bɩ mɩ nɩaa ŋaa: Ma ŋaa mɩ nɩaa nɛ lɛɛlɛ. Ba ma jaŋ bʋl, ‘Ŋ nɛ La Wɩa.’ ”

OBADAAYA 1:18

Jekɔb doho nɩaa jaŋ nagɛ nyiniŋ, dɩ Josɛf doho nɩaa ma nagɛ nyiŋgeliŋ, a joŋ Ɛsɔ doho nɩaa sɩ nagɛ ya-hɩlɩŋ dii. Nʋʋkala bɩ jaŋ ka Ɛsɔ doho nɩaa tʋɔŋ. Mɩ-na ma TƖƖNA nɛ bʋla.

MƖKA 4:13

Zaayɔŋ nɩaa, má sii ŋmoo mɩɩ-jagɩsɩ-la, bɛɛ wɩaa mɩ jaŋ leŋ dɩ ma kɛŋ doluŋ a nagɛ hɔɔŋ. Mɩ jaŋ leŋ dɩ ma naachɩgɩsɩŋ nagɛ kɔlɩɩŋ dɩ ma kaa nʋɔsɛ tintee daŋ nɩaa bʋrɩgɛ. Ma jaŋ laa kɩalɩŋ kala ba sɩ gɩrɩma laa a kaa kʋ pɩ mɩ-na ma TƖƖNA, a joŋ ba dʋa kala pɩ mɩ-na ma TƖƖNA sɩ tɩɩ dʋnɩa kala.”

MƖKA 4:6

La TƖƖNA sɩ, “Dɩ tapʋlɩɩ-la nɛ yie, mɩ jaŋ kɛŋ gbɛrɩgɛɛ kʋ hɛ dɔŋɔ a kɛŋ nɩalɩŋ ba sɩ kaa mʋ yoŋ-baga arɩ nɩalɩŋ mɩ sɩ leŋe ba nɩna hɛɛŋ kʋ hilimi.

MƖKA 5:3

Ŋɩɩ wɩaa ʋ jaŋ vɩa Iziral tɩŋŋaa ta a pɩ ba dʋndɔŋŋɔɔ a kaa mʋ yi bʋa-la lɛ hatolo kʋbala sɩ jaŋ kɛŋ luoruŋ a lʋl bie. Ŋɩɩ lɛ nɛ Iziral naambii-kaana-la sɩ hɛ yoŋ-baga lɛ jaŋ mɩɩra kɔ ba nɩaa teeŋ.

MƖKA 5:8

Jekɔb doho nɩkaana-la jaŋ guoli tinteyee nɩaa tʋɔŋ, a hɛ nɩ-daŋ tʋɔŋ, a nagɛ naachigiŋ sɩ guoli baga kɩaa tʋɔŋ duuŋ lɛ. Ba nagɛ naachigi-bie sɩ guoli pie-laalɩŋ lɛ nɛ, a yie fɩla chɩchaalɛba a kɛmba pʋɔsa ta vɩvɛŋ ka nʋʋ tuo dɩ ʋ laaba ta.

MƖKA 7:16

Tinteyee nɩaa jaŋ na wɩalɩŋ dɩ hɩɩsɩŋ kɛmba, arɩ ba sɩ kɛŋ doluŋ ma kala. Ba niiŋ jaŋ maa, ka dɩ ba dɩgɩlaa ma taŋ.

ZƐKARƖYA 1:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 10:12

Mɩ-na ma TƖƖNA jaŋ leŋ dɩ ba kɛŋ doluŋ, a vɩvɛŋ mɩ yɩrɩŋ lɛ. Mɩ-na ma TƖƖNA nɛ bʋla.”

ZƐKARƖYA 13:9

Kʋbala deeŋ ma, mɩ jaŋ joŋu hɛ nyiniŋ lɛ. Mɩ jaŋ wasɛba ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ ʋ hɔɔ-bɩnɩŋ ta ŋɩɩ. Mɩ jaŋ magɩsɛba na a nagɛ ba sɩ yie joŋ sɛlɩmɛ hɛ nyiniŋ lɛ a magɩsa na ʋ zɔmʋŋ ŋɩɩ. Ba jaŋ yɩrɛmɛ dɩ mɩ sɛɩ. Mɩ jaŋ bʋl, ‘Ba ŋaa mɩ nɩaa nɛ,’ dɩ ba ma bʋl, ‘La TƖƖNA nɛ la Wɩa.’ ”

ZƐKARƖYA 8:11

Ama lɛɛlɛ, mɩ bɩ jaŋ ŋaa wɩaa nɩaa deemba nɩkaana-la lɛ a nagɛ mɩ fa sɩ ŋaa ŋɩɩ faafaa-la.” La TƖƖNA doluŋ kala Tɩɩna nɛ bʋla.

ZƐKARƖYA 9:16

Ba TƖƖNA Wɩa jaŋ laaba ta tapʋlɩɩ-la a tɩŋ ba sɩ ŋaa ʋ nɩaa. Ba jaŋ tʋtʋl ʋ tinteeŋ lɛ a nagɛ kpɩɛraa ba sɩ joŋo hɛ kuori-nyunchuulo lɛ.