ZƐKARƖYA 10:5 - WƖA TENIŊ

⁵ Ba kala jaŋ ŋaa nɩduoru, a nʋɔsɛ ba dʋndɔŋŋɔɔ ŋmʋrɛ womporuŋ vʋchɔɔŋ lɛ. Mɩ-na ba TƖƖNA sɩ hɛ ba teeŋ wɩaa, ba jaŋ yuo dii ba dʋndɔŋŋɔɔ ja-jɩllaa.

ZƐKARƖYA 10:5 ပူးပေါင်းရင်းမြစ်များ

2 SAMƲƐL 22:43

Mɩ ŋmooba nɛ ba bɩɩ a nagɛ hagɩlɩ-nʋkʋŋ. Mɩ tigisiba, a fɩrɩgɛba a nagɛ vʋchɔɔŋ sɩ hɛ womporuŋ lɛ.

2 SAMƲƐL 22:8

Ŋ sɩ na baanɩŋ, tinteeŋ zigile nɛ, wɩa-nyuŋ kɩaa ma kala jigisi a kɛŋ ba gentisiŋ pɛ.

2 KUOROO 9:33

Jehu bʋl, “Má joŋu yuo ta dɩ ʋ kʋ tuu.” Ŋɩɩ nɛ ba joŋu yuo ta ʋ kʋ tuu tele sʋʋ. Jehu kɛŋ ʋ janɩŋ arɩ toruko a nʋɔsɛ Jɛzɛbɛl bal. Ʋ chalɩŋ jaasɛ a hɛ jeeŋ arɩ janɩŋ lɛ.

WƖA YƖƖLAA 18:42

Mɩ ŋmooba, ba kala bɩɩ a nagɛ kʋŋkɔlʋŋ peliŋ sɩ paa. Mɩ nʋɔsɛba a nagɛ vʋchɔɔŋ sɩ hɛ womporuŋ lɛ.

WƖA YƖƖLAA 20:7

Nɩaa dɔnsʋŋ joŋ ba yɩɛlaa hɛ ba laalɩyuori janɩŋ torukoba arɩ ba janɩŋ doluŋ lɛ nɛ, ama la-na joŋ la yɩɛlaa kala hɛ La Tɩɩna Wɩa lɛ nɛ.

WƖA YƖƖLAA 33:16

Kuoro laalɩyuoroo sɩ yʋga kɩŋkɛŋ dee bɩ jaŋ laaʋ ta. Laalɩyuori babii-balɩŋ ma doluŋ bɩ ʋ wuo laa ta.

WƖA YƖƖLAA 44:5

Ŋ doluŋ lɛ nɛ la yuo dii la dʋndɔŋŋɔɔ, a nʋɔsɛba bil ŋ yɩrɩŋ lɛ.

WƖA YƖƖLAA 45:3

Laalɩyuori babiibal, joŋ ŋ tokobiiŋ gɩrɩgɛ, ŋ ŋaa nɩbal nɛ a kɛŋ yɩrɩŋ.

AZAAYA 10:6

Mɩ tɩŋ Asiiria tɩŋŋaa nɛ dɩ ba mʋ yuo tintee-la nɩaa sɩ bɩ mɩ-na Wɩa ka fá, nɩalɩŋ sɩ ŋaa mɩ baanɩŋ sii. Mɩ tɩmba dɩ ba mʋ kɛŋ ba dʋa laa nɛ aŋ fɩrɩgɛba a nagɛ vʋchɔɔŋ sɩ pɩŋ wombiiŋ lɛ.

AZAAYA 25:10

La TƖƖNA joŋ ʋ nɩsɩŋ daŋ peeliŋ deeŋ lɛ nɛ, ama Mʋab tɩŋŋaa-na ʋ jaŋ nʋɔsɛba a bil a nagɛ ba sɩ nʋɔsɛ sekelee a ŋmʋra hɛ nɛ-bɩnɩŋ sɩ pʋa lɛ.

AZAAYA 31:1

Wɩɩŋ puu nɩalɩŋ sɩ mʋ Ijipiti tinteeŋ a chɩchɛ dɩ ba pɛ ba lɛ, a joŋ ba yɩɛlaa hɛ janɩŋ arɩ janɩŋ torukoba-la ba sɩ kaa yuo laalɩŋ sɩ yʋga lɛ arɩ ja-jɩllaa sɩ kɛŋ doluŋ woruŋ, aŋ vɩa dɩ ba mʋ Iziral tɩŋŋaa Wɩa sɩ bɩ disiniŋ kɛnɛ teeŋ, koo a chɩchɛ dɩ La TƖƖNA pɛ ba lɛ.

AZAAYA 41:12

Ma jaŋ beŋ a chɛ ma dʋndɔŋŋɔɔ ka. Nɩalɩŋ sɩ yuoma jaŋ nagɛ kʋpɛɩba,

AZAAYA 41:25

Nʋʋ sɩ lɩɩ wɩɩpɔsʋŋ dɩɩrɩŋ a kɛŋ mɩ yɩrɩŋ tɩtɩŋ nɛ mɩ lɩɩsɛ. Ʋ jaŋ lɩɩ wɩɩpɔsʋŋ nagʋa a kʋ yuoma. Ʋ yie nʋɔsɛ kuoroo a bil tinteeŋ nɛ a nagɛ ba sɩ nʋɔsɛ tɩɛrɩŋ koo a nagɛ pupo-mɛɛrɛ sɩ yie nʋɔsɛ chʋrʋŋ ŋɩɩ.

AZAAYA 8:9

Ma tintee wogusu-la kala, má leŋ dɩ ma bɔɩsɩŋ jujoŋ. Má jegile nɩɩ, ma nyɩgɩla nɛ a kɛŋ ma tɩtɩa kɔ dɩ ma yuola, ama fawʋllʋŋ jaŋ kɛmma.

ƐZƖKƖƐL 38:15

Ŋ jaŋ sii lɩɩ wɩɩpɔsʋŋ nagʋa lee-la ŋ sɩ hɛ, ŋ dɩ laalɩyuori duoruŋ sɩ yʋga a lɩɩ tintee daŋ a pɛ ŋ lɛ a kala jɩl janɩŋ.

AMƆS 2:15

Dɩ ma paala cho ma jɩŋ toŋ yuonuŋ a magɛ ŋɩɩ ma kala, ma jaŋ mɩɩra fá. Laalɩyuoro naaŋ sɩ lɩma bɩ jaŋ wuo fá laa ʋ tɩtɩa, ma paala cho ma jɩŋ jaaba jɩlɩŋ a magɛ ŋɩɩ ma kala, ma bɩ jaŋ wuo fá laa ma mɩɩsɩŋ.

MƖKA 5:8

Jekɔb doho nɩkaana-la jaŋ guoli tinteyee nɩaa tʋɔŋ, a hɛ nɩ-daŋ tʋɔŋ, a nagɛ naachigiŋ sɩ guoli baga kɩaa tʋɔŋ duuŋ lɛ. Ba nagɛ naachigi-bie sɩ guoli pie-laalɩŋ lɛ nɛ, a yie fɩla chɩchaalɛba a kɛmba pʋɔsa ta vɩvɛŋ ka nʋʋ tuo dɩ ʋ laaba ta.

MƖKA 7:10

Mɩ dʋndɔmɔ jaŋ na wɩɩ-la dɩ hɩɩsɩŋ kɛnʋ. Nɩɩ-la sɩ pɩɛsɛmɛ, “Nɩɩ nɛ ŋ TƖƖNA Wɩa hɛ?” Mɩ sɩɩŋ jaŋ na ʋ teliŋ, dɩ ba nʋɔsʋ a nagɛ vʋchɔɔŋ sɩ hɛ womporuŋ lɛ.

HAGAƖ 2:22

Mɩ jaŋ kɛŋ kuoru kpasɩnɩŋ wuro chu, a chei dol-la ba sɩ kaa bibeŋ tintee-wogusu-la. Mɩ jaŋ kiri laalɩŋ janɩŋ torukoba arɩ nɩalɩŋ sɩ kɛmba vɩvɛŋ, janɩŋ jaŋ sʋʋ dɩ nɩalɩŋ sɩɩ jɩlba gʋra kpʋ dɔŋɔ.”

ZƐKARƖYA 12:4

Tapʋlɩɩ-la, mɩ jaŋ joŋ fawʋllʋŋ kɩŋkɛŋ a hɛ jɔɔ kala lɛ, a leŋ dɩ ba jɩjɩllaa ma nyɩnyaasɛ. Mɩ-na ma TƖƖNA nɛ bʋla. Mɩ jaŋ chaasa pɔ Juda nɩaa woruŋ, ama mɩ jaŋ leŋ dɩ tinteyee nɩaa janɩŋ kala nyʋlɩmɛ.

ZƐKARƖYA 12:8

Tapʋlɩɩ-la, mɩ-na ma TƖƖNA jaŋ chu tɔ nɩalɩŋ sɩ hɛ Jerusalɛm lɛ, dɩ ba tʋɔŋ nɩɩ-la sɩ paala pʋgʋsɛ kɛŋ doluŋ a nagɛ kuoro Devit, dɩ Devit doho nɩaa ma nagɛ mɩ-na Wɩa, a nagɛ mɩ-na ba TƖƖNA tɩndaarʋ-la sɩ laa ba sɩpaaŋ.

ZƐKARƖYA 14:13

Bʋa-la lɛ, La TƖƖNA jaŋ joŋ fawʋllʋŋ kɩŋkɛŋ a hɛ nɩaa lɛ. Nʋʋkala jaŋ kɛŋ ʋ dɔŋɔ yuyuo.

ZƐKARƖYA 14:3

Ŋɩɩ nɛ La TƖƖNA jaŋ lɩɩ yuo tinteye-la, a nagɛ ʋ fa sɩ yuo laalɩŋ ŋɩɩ.

ZƐKARƖYA 9:13

Mɩ jaŋ kɛŋ Juda gʋɔrɛ a nagɛ mɩ sɩ gʋɔrɛ mɩ toŋ, dɩ Efirem nɛ ŋaa ʋ to-hɛŋŋɛɛ. Mɩ jaŋ leŋ dɩ Zaayɔŋ nɩaa nagɛ laalɩyuori babii-balɩŋ tokobiiŋ, dɩ mɩ kaa yuo Giriisi nɩaa.”

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Matiu 4:3

Ŋɩɩ nɛ Sɩtaanɩ kɔ ʋ teeŋ a bʋla pʋ, “Dɩ ŋ nɛ ŋaa Wɩa Bie, leŋ dɩ tabɩaa deemba bɩrɩmɛ kʋdiilee.”

Luuk 24:19

Ŋɩɩ nɛ ʋ pɩɛsɛba, “Wʋbɛɛ nɛ ŋɩɩ?” Ŋɩɩ nɛ ba bʋla pʋ, “Wɩɩ-la sɩ ŋaa Yesu sɩ lɩɩ Nazarɛt lɛ. Baala deeŋ fa ŋaa Wɩa wʋlaabʋllʋ nɛ. Wɩalɩŋ ʋ sɩɩ ŋaa arɩ wɩalɩŋ ʋ sɩɩ bʋl fa kɛŋ doluŋ Wɩa arɩ nuhuobiinee kala teeŋ.

Tɩntɩŋŋaa 18:24

Juu tɩɩna ma nɛ fa hɛ nɩmɛ, baa yɩrɛ Apɔlɔs, ʋ lɩɩ Alɛkɩzandɩrɩa nɛ. Ʋ sii kɔ Ɛfɛsɩs. Ʋ fa jɩŋ wɩaa bʋlʋŋ nɛ woruŋ, a jɩŋ Wɩa teniŋ ma woruŋ.

Tɩntɩŋŋaa 7:22

Ba dagʋ Ijipiti tɩŋŋaa wʋjɩmɩŋ kala. Ʋ wʋŋaalaa arɩ ʋ wʋbʋlaa leŋ ʋ ŋaa nɩbal.

2 Kɔrɩntɩ Nɩaa 10:4

La laalɩyuori kɩaa bɩ dʋnɩa kɩaa ŋaa, ama ba lɩɩ Wɩa teeŋ nɛ a faasa kɛŋ doluŋ, a wuo yigi dii-duoruŋ a lulo.

MOSIS BƖRA WULLI WƖA WOMBIIŊ 20:1

Dɩ laalɩŋ nɛ sii ma dɩ ma dʋndɔŋŋɔɔ pɛgɛ, dɩ ma nɛ na ba janɩŋ arɩ ba janɩŋ torukoba arɩ ba laalɩyuoroo dɩ ba yʋga kɩɩma, má sɩ́ leŋe dɩ fawʋllʋŋ kɛmma, bɛɛ wɩaa ma TƖƖNA Wɩa sɩ kɛmma kaa lɩɩ Ijipiti tinteeŋ lɛ chɩŋ ma harɩŋ nɛ.

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

2 Timoti 4:7

Mɩ yuo laalɩ-zɔŋ-la nɛ woruŋ. Mɩ fá mɩ fanɩŋ dɛrɛ nɛ. Mɩ chɩŋ wɩalɩŋ mɩ sɩ laa dii lɛ nɛ.

JOSUA 10:14

Tapʋlɩɩ dɔŋ kala ha bɩ ŋɩɩ naga, tapʋlɩɩ La TƖƖNA sɩ jegile nɩɩ nuhuobiine teeŋ. Wʋtɩtɩɩ, La TƖƖNA nɛ yuo laalɩŋ pɩ Iziral tɩŋŋaa.

JOSUA 10:42

Kuoroo deemba arɩ ba tinteyee kala nɛ Josua yuo dii bʋa bala lɛ, bɛɛ wɩaa La TƖƖNA Iziral tɩŋŋaa Wɩa nɛ yuo pɩba.

Jɔɔŋ Wʋnaalaa 19:17

Ŋɩɩ nɛ aŋ ka mɩ na Wɩa tɩndaarʋ kʋbala dɩ ʋ chɩŋ wɩɩpɔsʋŋ lɛ, a yɩrɛ diibiisi-la kala sɩɩ fil wɩa-nyuŋ dɩ-bolii arɩ yikoru-balɩŋ a bʋl, “Má kʋ hɛ dɔŋɔ lɛ a dii kʋdii daŋ-la Wɩa sɩ ŋaa.

1 SAMƲƐL 16:18

Tɩntɩnna-la dɔŋɔ bʋl, “Mɩ jɩŋ Jesi sɩ lɩɩ Bɛtɩlɛhɛm nanʋal kʋbala lɛ nɛ, ʋ chaasa jɩŋ cheŋ dunuŋ nɛ woruŋ. Ʋ ŋaa bɔɩ-duo tɩɩna nɛ, a ŋaa bayuoru. Ʋ ŋaa bapʋɔsɛ-zɔŋ nɛ, a jɩŋ wɩaa bʋlʋŋ woruŋ. La TƖƖNA chɩŋ ʋ harɩŋ nɛ.”