ZƐKARƖYA 10:4 - WƖA TENIŊ

⁴ Juda lɛ nɛ je-gʋnʋŋ tiebiiŋ jaŋ lɩɩ, ʋ lɛ nɛ lɛbɩŋ daapɛsɩŋ jaŋ lɩɩ, ʋ lɛ nɛ laalɩŋ toŋ jaŋ lɩɩ, ʋ lɛ nɛ sɩpaalaarʋ kala jaŋ lɩɩ.

ZƐKARƖYA 10:4 ပူးပေါင်းရင်းမြစ်များ

WƖAA DƖ-SUOMUŊ 49:24

Ama Jekɔb Wɩa sɩ ŋaa doluŋ kala TƖƖNA leŋe ʋ toŋ arɩ ʋ nɩsaa kɛŋ doluŋ nɛ, a tɩŋ Wɩa sɩ ŋaa Iziral tɩŋŋaa pʋpɔɔrɔ wɩaa.

ƐZƖRA 9:8

Ama lɛɛlɛ, La TƖƖNA Wɩa, ŋ fá nisusuŋ a pɩla wiese mʋa nɛ, a leŋ la nɩaa baŋmɛnɛ ka a bɩ sʋba, ŋ pɩla leriŋ nɛ ŋ dɩa-la tʋɔŋ. Ŋ laala ta nɛ la fa sɩ ŋaa yosi lɛ a leŋ la na pʋlʋmʋŋ.

WƖA YƖƖLAA 118:22

Tie-bii-la dɩɩ-saaraa sɩ vɩa ta nɛ kʋ ŋaa tie-bii-duoŋ ba sɩ joŋo bil dɩa gentine.

AZAAYA 19:13

Zʋaŋ tɩntɩnnɩ-hɩasɩŋ bɩrɩmɛ nɩyaara nɛ, nɩaa nyɩsɛ taŋ-la ba sɩɩ yɩrɛ Memfis sɩpaalaaraa nɛ. Ijipiti tinteeŋ sɩpaalaaraa kala leŋe Ijipiti tɩŋŋaa yeŋŋi nɛ.

AZAAYA 28:16

Wɩɩ-la La TƖƖNA Wɩɩjarɩbakɔ sɩ bʋla nɛ ŋ-la, “Má bee na, mɩ joŋ tabɩɩŋ mɩ sɩ magɩsa a jɩŋ ʋ maŋŋaa nɛ a bil Zaayɔŋ lɛ, ʋ ŋaa je-gʋnʋŋ tabɩɩ-zɔŋ nɛ sɩ jaŋ leŋ dɩ Zaayɔŋ gentine chɩŋ kpaŋkpaŋ. Dɩ nʋʋ nɛ laa tabɩɩ-la wɩaa dii, hɩɩsɩŋ bɩ jaŋ dii tɩɩna.

AZAAYA 49:2

Ʋ leŋe mɩ niiŋ wɩaa kɛŋ niiŋ a nagɛ tokobiiŋ nɛ. Ʋ kɛmmɛ faa ʋ vaaluŋ bʋbʋɔŋ nɛ. Ʋ chɛsɛmɛ nɛ a nagɛ ba sɩ chɛsɛ to-hɛmɩŋ a joŋo hɛ ʋ to-huoŋ lɛ.

AZAAYA 54:16

La TƖƖNA bɩra sɩ, “Má bee na, mɩ-na nɛ ta libire ʋ yie libi laalɩyuori kɩaa ba kaa yuo laalɩŋ. Mɩ-na nɛ ŋaa nɩalɩŋ ma sɩ yie kɛŋ laalɩyuori kɩalɩŋ ma a chichei leriŋ.

JƐRƖMAAYA 1:18

Jɩnɩŋ, mɩ leŋe ŋ nagɛ tabalɩŋ ba sɩ saa kɛrɛ golli nɛ. Ŋ nagɛ hɔɔŋ jebiiŋ nɛ, a nagɛ kɔlɩɩŋ kɛrɛ a chɩŋ Juda tinteeŋ kuoru balaa, ʋ tɩntɩnnɩ-hɩasɩŋ, Wɩɩsʋllɩ sɩpaalaaraa arɩ ʋ nɩaa kala lɛ.

JƐRƖMAAYA 51:20

La TƖƖNA sɩ, “Babɩlɔŋ, ŋ nɛ mɩ laalɩŋ toŋguluŋ, mɩ laalɩyuori kʋa. Ŋ nɛ mɩ jaŋ kaa ŋmoo tinteyee pɩsɛ, ŋ nɛ mɩ kaa chei kuori-gentisiŋ.

ZƐKARƖYA 9:10

Mɩ jaŋ leŋ dɩ laalɩŋ janɩŋ torukoba-la kala lɛl Efirem lɛ, arɩ laalɩŋ janɩ-la sɩ hɛ Jerusalɛm lɛ, aŋ bori ba laalɩŋ tosuŋ. Ma kuoro jaŋ heele bʋl fɩɛlɩŋ wɩaa a pɩ tinteyee nɩaa kala. Ʋ jaŋ bibeŋ nɩaa a lɩɩ mʋgʋ-balɩŋ dɔŋɔ lɛ a mʋ yi dɔŋɔ, a lɩɩ Yufireti fuo-la lɛ a kaa mʋ dʋnɩa dɩdɛrɩŋ.

ZƐKARƖYA 9:8

Ama mɩ jaŋ chɩna pɔ mɩ dɩa dɩ laalɩyuoroo bɩra sɩ́ nɩmɛ jʋʋ. Mɩ bɩra bɩ jaŋ leŋ dɩ nʋʋkala nyagɛ mɩ nɩaa bil. Lɛɛlɛ mɩ pɔ nɛ a bibeŋ.

NAMBABA 24:17

Mɩ na wɩɩ nɛ, ama lɛɛlɛ dee wɩɩ-la jaŋ ŋaa. Mɩ na arɩ kuoro jaŋ lɩɩ Iziral tɩŋŋaa tʋɔŋ a chaanɛ a nagɛ chɛnwʋlʋŋ, a kori kuoru dantɩga. Ʋ jaŋ yuo dii Mʋab tɩŋŋaa arɩ Sɛf doho nɩaa kala.

Matiu 9:38

Má sʋl baga-la tɩɩna dɩ ʋ chɛ tɩntɩnnaa yʋgɛ.”

Luuk 20:17

Ŋɩɩ nɛ Yesu bemba aŋ pɩɛsɛba, “Wɩɩŋ deeŋ ba sɩ ŋmʋnsa Wɩa teniŋ tʋɔŋ bʋbʋɔŋ nɛ bɛɛ? ‘Tie-bii-la dɩɩ-saaraa sɩ vɩa ta, ʋ nɛ jaŋ kʋ ŋaa tie-bii-duoŋ ba sɩ joŋo bil dɩa gentine.’

Ɛfɛsɩs Nɩaa 2:20

Ma nagɛ tie-biee Wɩa sɩ kaa sɩsaa ʋ dɩa nɛ. Wɩa nanzɔɔba arɩ Wɩa wʋlaabʋllaa nɛ ŋaa dɩa-la gentine. Kirisito Yesu tɩtɩa nɛ ŋaa tie-bii-duo-la ba sɩ kaa bil dɩa-la gentine.

2 Timoti 2:4

Laalɩyuoru kala sɩ hɛ ʋ tɩntɩŋŋaa lɛ a tɩtɩŋ, ʋ yie chɩchɛ dɩ ʋ tɩŋ dɩ ʋ kʋ-hɩaŋ tʋɔŋ tɔrɛ nɛ. Ŋɩɩ wɩaa ʋ yie bɩ chɛ dɩ ʋ joŋ ʋ tɩtɩa hɛ wʋwogusuŋ lɛ.

1 Pɩɩta 2:6

Ba ŋmʋnsɛ Wɩa teniŋ tʋɔŋ a bʋl, “Ma bee na, mɩ lɩɩsɛ tabɩɩ-zɔŋ nɛ a joŋo bil Zaayɔŋ lɛ, ʋ ŋaa jegunuŋ tiebiiŋ. Nɩɩ-la kala sɩ laa ʋ wɩaa dii, hɩɩsɩŋ bɩ jaŋ dii ʋ tɩɩna.”

Jɔɔŋ Wʋnaalaa 17:14

Ba dɩ Pie-bie-la jaŋ yuo dɔŋɔ, ama Pie-bie-la jaŋ yuo diiba, bɛɛ wɩaa ʋ nɛ ŋaa nɩalɩŋ kala sɩɩ beŋ nɩaa Kʋhɩaŋ, a kɛŋ kuoroo kala ma doluŋ. Ʋ dɩ ʋ harɩ-tooroo nɛ jaŋ yuo diiba. Nɩaa deemba nɛ ŋaa nɩalɩŋ Wɩa sɩ yɩra aŋ lɩɩsɛ, ba ŋaa nɩaa sɩ kɛŋ wʋtɩtɩɩ.”

1 SAMƲƐL 14:38

Ŋɩɩ wɩaa Sɔɔl bʋl, “Má nɩalɩŋ kala sɩ ŋaa laalɩyuoroo sɩpaalaaraa, má kɔ la chɛ na wʋbɔŋ-la la sɩ ŋaa jɩnɩŋ.