ZƐKARƖYA 10:3 - WƖA TENIŊ

³ La TƖƖNA sɩ, “Mɩ baanɩŋ sii sɩpaalaara-la nyuŋ nɛ, mɩ jaŋ dɔgɩsɛ sɩpaalaara-la, bɛɛ wɩaa mɩ-na ma TƖƖNA doluŋ Tɩɩna jaŋ pɔ mɩ nɩaa, Juda nɩaa, a leŋ dɩ ba nagɛ jaaba sɩɩ tʋɔrʋ laalɩŋ lɛ.

ZƐKARƖYA 10:3 ပူးပေါင်းရင်းမြစ်များ

JOB 39:25

Dɩ ba nɛ ŋmʋʋ banyile, ʋ yie ŋmoo mɩɩsɩŋ. Ʋ yie hɛ dɩ-bolii nɛ aŋ nɩɩ laalɩŋ sʋɔra, a nɩɩ laalɩyuori-hɩasɩŋ ma sɩɩ ŋaa laalɩyuori goŋ.

MOSIS KƐŊ IZIRAL TƖŊŊAA LƖƖ 4:31

Ŋɩɩ nɛ nɩalɩŋ laa dii. Ba sɩ nɩa dɩ La TƖƖNA na ba hɛɛ-la ba sɩɩ na Ijipiti tinteeŋ lɛ a chɩl ba wɩaa, ŋɩɩ nɛ ba kɛŋ ba nyusuŋ chugili a chʋɔlɛ Wɩa.

NAMAGABA 21:31

Ŋ jaŋ wuo kɛŋ jaaba a ŋaa siri gbɛrɛ dɩ ŋ yuo laalɩŋ, ama La Tɩɩna dʋndʋŋ nɛ jaŋ wuo leŋ dɩ ŋ yuo laal-la a dii.

SOLOMOŊ YƖƖL-SƖMƖŊ 1:9

Mɩ hɩɩla, mɩ kɛnɩŋ mɩmagɩsɛ Faaro laalɩŋ janɩŋ toruko ja-nɩɩ-hɩasɩ-la dɔŋɔ nɛ.

AZAAYA 10:12

Ŋɩɩ nɛ La TƖƖNA bʋl, “Dɩ mɩ nɛ dɛrɛ wɩalɩŋ mɩ sɩ jaŋ joŋo ŋaa peel-la ba sɩɩ yɩrɛ Zaayɔŋ arɩ Jerusalɛm tɩŋŋaa lɛ, mɩ jaŋ dɔgɩsɛ Asiiria kuoro a tɩŋ ʋ dagɩŋ-tɩtɩɩ arɩ ʋ babii-ballɩŋ wɩaa.”

AZAAYA 24:21

Tapʋlɩɩ-la, La TƖƖNA jaŋ dɔgɩsɛ kɩalɩŋ kala sɩ kɛŋ doluŋ a hɛ wɩa-nyuŋ arɩ kuorusu-la kala sɩ hɛ dʋnɩa lɛ.

JƐRƖMAAYA 10:21

Sɩpaalaara-la kala yaara nɛ, a bɩ La Tɩɩna pɩɛsa dɩ ʋ dagɛba wɩaa. Ŋɩɩ nɛ tɩɩ ba wɩɩkala bɩ wasa, ba nɩaa kala pɩsɛ.

JƐRƖMAAYA 11:22

Ŋɩɩ wɩaa, wɩɩ-la mɩ-na ma TƖƖNA, doluŋ kala Tɩɩna bɩra sɩ bʋla nɛ ŋ-la: Mɩ jaŋ dɔgɩsɛba. Ba bapʋɔsaa jaŋ sʋʋ laalɩŋ lɛ, dɩ losuŋ kpʋ ba hambolibiisiŋ arɩ ba toloo ma dɩ ba sʋʋ.

JƐRƖMAAYA 25:12

Ama dɩ jɩsɩŋ mahɩŋ batori arɩ fii-la nɛ suo, mɩ jaŋ dɔgɩsɛ Babɩlɔŋ kuoro arɩ ʋ nɩaa arɩ ba tinteeŋ kala a tɩŋ ba cheeriŋ wɩaa. Mɩ jaŋ leŋ dɩ ba tinteeŋ pɩŋ jikpeeŋ a kaa mʋ wuu. Mɩ-na ma TƖƖNA nɛ bʋla.

JƐRƖMAAYA 25:34

Ma sɩpaalaaraa, má ŋmoo niiŋ a yel. Ma nɩalɩŋ sɩɩ beŋ nɩaa, má bibilimi tinteeŋ. Bʋa-la lɛ ba sɩ jaŋ kpʋma yie nɛ. Ma jaŋ tel a pɩsɛ a nagɛ pupoiŋ sɩ munso.

JƐRƖMAAYA 50:6

Mɩ nɩaa nagɛ piesee sɩ lɛlɛ nɛ. Ba sɩpaalaaraa leŋe ba yeŋŋi nɛ, a leŋ ba gʋgɔllɛ peelee nyuŋ. Baa baarɛ peelee arɩ dundolluŋ nyuŋ nɛ, a yʋ ba tɩtɩa dɩ-pɩna wiesiŋ wɩaa.

ƐZƖKƖƐL 34:11

Mɩ-na ma TƖƖNA Wɩɩjarɩbakɔ bɩra sɩ: Mɩ tɩtɩa jaŋ chɛ kɛsɛ mɩ piesee a beŋ ba nyuŋ.

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

ƐZƖKƖƐL 34:2

Nuhuobiiŋ, mɩ doluŋ lɛ, bʋl wɩalɩŋ sɩ jaŋ ŋaa Iziral tɩŋŋaa sɩpaalaaraa lɛ. Bʋla pɩba, “Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Wɩɩŋ puu Iziral tɩŋŋaa sɩpaalaara-la sɩ chɩl ba dʋndʋŋa wɩaa. Mɩ bɩɩna pie-daara nɛ yie bibeŋ ʋ piesee nyuŋ?

DANƖƐL 11:32

Kuoru-la jaŋ kɛŋ nii-sɩma a nyɩsa chei nɩalɩŋ sɩ vɩa dɩ ba to Wɩa. Ama nɩalɩŋ sɩɩ to Wɩa jaŋ chɩŋ kpaŋkpaŋ a yuou.

ZEFANAAYA 1:8

La TƖƖNA sɩ, “Tapʋlɩɩ-la mɩ sɩ jaŋ dii mɩ nɩaa sarɩya, mɩ jaŋ dɔgɩsɛ ba sɩpaalaaraa arɩ kuoru-biiriŋ arɩ nɩalɩŋ kala sɩɩ to nɩwogusuŋ naabarɩŋ.

ZEFANAAYA 2:7

Juda nɩkaanaa nɛ jaŋ hɔŋ tintee-la lɛ, nɩmɛ nɛ ba pʋsʋŋ jaŋ didii yaŋ. Dɩdaanɩŋ ba jaŋ pɩŋ Asɩkɛlɔŋ tɩmma-la dɩɩsɩŋ lɛ. Ba TƖƖNA Wɩa jaŋ beŋ ba nyuŋ, ʋ jaŋ leŋ dɩ ba bɩra dʋa.

ZƐKARƖYA 11:17

Wɩɩŋ puu pie-daarɩ-tɔɔ-la sɩ vɩa piese-la ta. Ba jaŋ joŋ tokobiiŋ ta ʋ nɩsɩŋ lɛ, a tɔɔ ʋ nadiiŋ sɩɩŋ. A leŋ dɩ ʋ nɩsɩŋ sʋʋ, dɩ ʋ nadiiŋ sɩɩŋ ma nyʋlɩmɛ.”

Luuk 1:68

“Má leŋ dɩ la dɛnnɛ La Tɩɩna Iziral tɩŋŋaa Wɩa. Ʋ kɔ dɩ ʋ pɛ ʋ nɩaa lɛ nɛ a laaba ta.

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

RUF 1:6

Nawomi sɩ hɛ Mʋab lɛ aŋ nɩɩ arɩ La TƖƖNA pɛ ʋ nɩaa lɛ nɛ ba na kʋdiilee, ʋ dɩ ʋ bii-haalaa kɛŋ ba tɩtɩa hɛ dɔŋɔ dɩ ba mɩɩra mʋ ʋ jaŋ.