ZƐKARƖYA 10:2 - WƖA TENIŊ

² Tɔŋŋɔɔ ka nyɩsɛ nɩaa nɛ, vʋgʋraa ma nɩna wʋnyɩɛrɩ wɩaa a nagɛ duosoo tʋɔŋ. Ba yie bʋl duosoo wɩaa sɩ ŋaa wʋnyɩɛrɩŋ nɛ. Ba yie nyagɛ nɩaa bɔyɛ pɛɩ nɛ. Ŋɩɩ leŋ nɩalɩŋ bɩbaarɛ a nagɛ piesee, ba nyagɛba bil a tɩŋ ba sɩ bɩ sɩpaalaara kɛnɛ wɩaa.

ZƐKARƖYA 10:2 ပူးပေါင်းရင်းမြစ်များ

WƖAA DƖ-SUOMUŊ 31:19

Labaŋ sɩ mʋa dɩ ʋ kɛ ʋ piesee pʋnaa, Rakɛl jʋʋ gaa paa ʋ nyɩmma tɔŋŋɔɔ.

1 KUOROO 22:17

Ŋɩɩ nɛ Mɩkaaya bʋl, “Mɩ na Iziral tɩŋŋaa kala dɩ ba pɩsa su dundolluŋ nyuŋ, a nagɛ piesee sɩ bɩ pie-daara kɛnɛ, ka La TƖƖNA bʋl, ‘Nɩaa deemba bɩ sɩpaalaarʋ kɛnɛ. Leŋ dɩ ba mɩɩra mʋ ba dɩɩsɩŋ arɩ yarɩfɩɛlaa.’ ”

JOB 13:4

Ma joŋ wʋnyɩɛrɩŋ nɛ tɔmɛ hɛ. Ma kala nagɛ daaluŋ-ŋaaraa sɩ bɩ nɩaa wuo vaarɛ nɛ.

JOB 21:34

Ɛɛ nɛ saa ma jaŋ bʋl wʋtɔɔnʋŋ a chɩchɛ dɩ ma nyagɛ mɩ bɔyɛ? Ma wʋbʋlaa kala ŋaa wʋnyɩɛrɩŋ nɛ.”

AZAAYA 41:29

Ba kala ŋaa wʋnyɩɛra nɛ. Ba wɩaa bɩ bʋbʋa kala kɛnɛ. Ba tɔmɔ-la nagɛ peliŋ nɛ.”

AZAAYA 44:25

Mɩ nɛ pɔ dɩ nɩalɩŋ sɩ nyɩɛ wɩaa a bʋl arɩ ba ŋaa Wɩa wʋlaabʋllaa arɩ vʋgʋraa wʋmagɩlaa sɩ́ wʋtɩtɩɩba kʋ ŋaa. Mɩ nɛ leŋe wʋjɩnnaa wʋjɩmɩŋ kala ŋaa pɛɩ.

AZAAYA 44:9

Nɩalɩŋ kala sɩɩ mɛ tɔŋŋɔɔ bɩ dol kala kɛnɛ, tɔmɔ-la ma sɩ ŋaa ba sɩɩfɩaŋ kɩaa bɩ bʋbʋa kala kɛnɛ. Nɩalɩŋ sɩɩ kpaarɛ tɔmɔ-la ma ŋaa nyʋlɩma nɛ, a ŋaa nɩyaara. Hɩɩsɩŋ jaŋ diiba.

AZAAYA 46:5

Kʋbɛɛ nɛ ma jaŋ wuo kaa magɩsɛmɛ? Mɩ dɩ kʋbɛɛ nɛ magɛ dɔŋɔ?

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

JƐRƖMAAYA 14:13

Ama mɩ sɩ, “Ah, La TƖƖNA Wɩɩjarɩbakɔ, ŋ wʋlaabʋllaa vɛnɛ bʋla pɩpɩba nɛ arɩ ŋ sɩ, ‘Laalɩŋ bɩ jaŋ jʋʋma koo dɩ losuŋ jʋʋma dɩ ma na hɛɛŋ. Wʋtɩtɩɩ, mɩ jaŋ leŋ dɩ ma hɔŋ tinteeŋ deeŋ lɛ arɩ fɩɛlɩŋ a kaa mʋmʋ wuu.’ ”

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JƐRƖMAAYA 23:17

Ba yie bʋla pɩpɩ nɩalɩŋ sɩ bɩ mɩ kaa tɩtɩŋ, ‘La TƖƖNA sɩ: Má jaŋ hɔŋ arɩ fɩɛlɩŋ.’ Ba yie bʋla pɩ nɩalɩŋ ma kala sɩɩ to ba nyuduoŋ harɩŋ, ‘Wʋbɔŋ kala bɩ jaŋ ŋaa ma lɛ.’

JƐRƖMAAYA 23:32

Mɩ chaasa chɩŋ nɩalɩŋ sɩ nyɩɛ wɩaa arɩ baa na wɩaa duosoo tʋɔŋ lɛ nɛ. Ba yie nyɩɛ wɩalɩŋ a leŋ mɩ nɩaa yeŋŋi nɛ, ka mɩ dee bɩ ba lɩɩsa koo a tɩmba. Wɩalɩŋ bɩ mɩ nɩaa lɛ ka pɛ mʋa ma. Mɩ-na ma TƖƖNA nɛ bʋla.”

JƐRƖMAAYA 27:10

Nɩaa deemba nyɩɛ wɩaa nɛ pɩma sɩ jaŋ leŋ ba lɩɩsɛma ma tinteeŋ lɛ dɩ ma mʋ hɛ dɩ-bolii. Mɩ jaŋ kirima ta dɩ ma sʋʋ.

JƐRƖMAAYA 27:14

Sɩ́ nɩalɩŋ sɩ sɩ ba ŋaa mɩ wʋlaabʋllaa teeŋ jegilu. Ba sɩ, ‘Ŋ bɩ jaŋ tɩma pɩpɩ Babɩlɔŋ kuoro,’ ba nyɩɛ wɩaa nɛ pɩpɩŋ ŋɩɩ.

JƐRƖMAAYA 27:9

Ŋɩɩ wɩaa, má sɩ́ ma nɩalɩŋ sɩ sɩ ba ŋaa mɩ wʋlaabʋllaa, ma vʋgʋraa, ma nɩalɩŋ sɩɩ dagɛ duosoo bʋbʋɔŋ, ma chichiribee arɩ kantɔŋ yɩrɩraa teeŋ jegilu, nɩalɩŋ sɩ bʋla pɩma arɩ ma bɩ jaŋ tɩma pɩ Babɩlɔŋ kuoro.

JƐRƖMAAYA 28:15

Ŋɩɩ nɛ Wɩa wʋlaabʋlla Jɛrɩmaaya bʋla pɩ wʋnyɩɛrɩ Wɩa wʋlaabʋlla Hananaaya, “Hananaaya, jegile nɩɩ, La TƖƖNA dee bɩŋ tɩma, ka ŋ nyɩɛ wɩaa a leŋ tinteeŋ deeŋ nɩaa laa ŋ wʋnyɩɛrɩ-la dii.

JƐRƖMAAYA 29:8

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: “Má sɩ́ leŋe dɩ ma nɩalɩŋ sɩ sɩ ba ŋaa mɩ wʋlaabʋllaa arɩ ma vʋgʋra-la sɩ guoli ma tʋɔŋ nyɩsɛma. Má sɩ́ jegile nɩɩ ba duoso-la ma sɩ yie leŋ ba nyuŋ nyaasɛ ba duduosi.

JƐRƖMAAYA 37:19

Nɩɩ nɛ ŋ Wɩa wʋlaabʋlla-la sɩ bʋl wɩaa pɩŋ hɛ, nɩalɩŋ sɩ sɩ, ‘Babɩlɔŋ kuoro bɩ jaŋ kʋ yuoŋ koo a yuo tinteeŋ deeŋ?’

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JƐRƖMAAYA 51:23

Ŋ nɛ mɩ kaa ŋmoo pie-daaraa arɩ ba piesee pɩsɛ, ŋ nɛ mɩ kaa ŋmoo paara arɩ ʋ nɛ-pɛrɛɛ a pɩsɛ. Ŋ nɛ mɩ kaa ŋmoo tinteyee nɩhɩasɩŋ arɩ ba tɩntɩnnɩ-hɩasɩŋ a pɩsɛ.”

JƐRƖMAAYA 6:14

Ba yie kɛŋ sɛntɛrɩŋ nɛ a chɛsɛ mɩ nɩaa naawɩɩlaa a nagɛ ba firise nɛ. Ba yie bʋl, ‘Fɩɛlɩŋ hɛ nɩmɛ, fɩɛlɩŋ hɛ nɩmɛ,’ ka fɩɛlɩŋ paala tuo.

JƐRƖMAAYA 8:11

Ba yie kɛŋ sɛntɛrɩŋ nɛ a chɛsɛ mɩ nɩaa naawɩɩlaa a nagɛ ba firise nɛ. Ba yie bʋl, ‘Fɩɛlɩŋ hɛ nɩmɛ, Fɩɛlɩŋ hɛ nɩmɛ, aŋ ka fɩɛlɩŋ tuo.’

JEMBIEE 2:14

Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

ƐZƖKƖƐL 21:21

Babɩlɔŋ kuoro jaŋ kʋ chɩŋ magɩla-la sɩ hɛ wɛŋ-chɛŋŋɛ-la lɛ, aŋ bee joŋ wombii-la ʋ sɩ jaŋ to. Ʋ jaŋ kɛŋ ʋ to-hɛŋŋɛɛ vʋgɛ, a pɩɛsɛ ʋ tɔŋŋɔɔ, aŋ beŋ vʋɩŋ pʋna chʋɩŋ lɛ a jɩŋ wɩɩ-la ʋ sɩ jaŋ ŋaa.

ƐZƖKƖƐL 21:29

Má sɩ́ wɩalɩŋ ba sɩ na a nagɛ duosoo tʋɔŋ arɩ wɩalɩŋ ba sɩ vʋga na a tɩgɛ ma lɛ kaa tɩŋ. Ba ŋaa wʋnyɩɛrɩŋ nɛ. Ma ŋaa nɩbɔmɔ nɛ a ŋɩŋaa wʋbɔŋŋɔɔ. Tapʋlɩɩ-la ba sɩ jaŋ dɔgɩsɛma yie nɛ. Tokobiiŋ nɛ ba jaŋ kaa keri ma baŋŋaa.

ƐZƖKƖƐL 34:5

Ba fá pɩsɛ nɛ a tɩŋ ba sɩ bɩ pie-daara kɛnɛ. Ba sɩ pɩsa ŋɩɩ, ba mɩɩra bɩrɩmɛ baga kɩaa kʋdiilee.

ƐZƖKƖƐL 34:8

Mɩ-na ma TƖƖNA Wɩɩjarɩbakɔ ŋmɩɛsa: Mɩ piesee sɩ bɩ pie-daara kɛnɛ ka baga kɩaa kire kɛsɛ didii wɩaa, a tɩŋ mɩ pie-daaraa sɩ bɩ mɩ piesee chɛ kɛsɛ aŋ chɩl ba tɩtɩa wɩaa,

HOSIA 3:4

Ŋɩɩ tɩtɩa nɛ Iziral tɩŋŋaa jaŋ hɛ nɩmɛ tapʋl-daŋ a bɩ jaŋ kɛŋ kuoro koo sɩpaa-laarʋ, a bɩ pʋsʋŋ ma jaŋ kpʋ ŋaa Wɩɩsʋlʋŋ koo a kpaarɛ tabɩa-la sɩ ŋaa vesiŋ, a bɩ jaŋ kɛŋ gɛrɩ-laala-daŋɩɩ-la ba sɩ kaa chɛ na wɩaa koo tɔŋ.

MƖKA 2:12

La TƖƖNA bɩra sɩ, “Mɩ sɛnɛ jaŋ kɛŋ ma Jekɔb doho nɩaa kala kʋ hɛ dɔŋɔ, mɩ sɛnɛ jaŋ kɛŋ Iziral nɩkaanaa kʋ hɛ dɔŋɔ lɛ. Mɩ jaŋ kɛmba kʋ hɛ dɔŋɔ a nagɛ piesee sɩ hɛ pie-dɩa lɛ. Ba jaŋ nagɛ pie-laalɩŋ sɩ hɛ yaŋ dɩ-diiliŋ. Nɩaa jaŋ bɩra su tintee-la.

HABAKU 2:18

Bɛɛ kʋŋ bʋbʋa nɛ vʋɩŋ kɛŋ, nuhuobiine nɛ sɩ ŋaaʋ? Ʋ ŋaaʋ ʋ nyɩnyɩɛ wɩaa nɛ, nɩɩ-la sɩ saaʋ joŋ ʋ yɩɛlaa hɛ ʋ lɛ, kʋŋ ʋ tɩtɩa sɩ mɛ. Tɔŋ-la ʋ sɩ ŋaa bɩ wɩaa wuo bʋl.

ZƐKARƖYA 11:17

Wɩɩŋ puu pie-daarɩ-tɔɔ-la sɩ vɩa piese-la ta. Ba jaŋ joŋ tokobiiŋ ta ʋ nɩsɩŋ lɛ, a tɔɔ ʋ nadiiŋ sɩɩŋ. A leŋ dɩ ʋ nɩsɩŋ sʋʋ, dɩ ʋ nadiiŋ sɩɩŋ ma nyʋlɩmɛ.”

NAMBABA 27:17

a kɛmba mʋmʋ laalɩŋ. La Tɩɩna, ŋ nɩaa bɩ maga dɩ ba nagɛ piesee sɩ bɩ pie-daara kɛnɛ.”

Matiu 9:36

Ʋ fa sɩ na nɩ-daŋ-la, nenige kala kɛnʋ. Ʋ na dɩ wɩaa nɛ faa walɩmɛba. Ba bɩ ba tɩtɩa lɛ wuo pɛ, a nagɛ piesee sɩ bɩ pie-daara kɛnɛ.

Maak 6:34

Yesu sɩ kʋ lɩɩ lɩɩŋ daboro-la lɛ, ʋ na nɩ-daŋ dɩ ba hɔnɔ nenige kala kɛnʋ. Nɩalɩŋ fa nagɛ piesee sɩ bɩ dɩdaara kɛnɛ nɛ. Ŋɩɩ nɛ ʋ sii a dagɛba wɩaa yʋgɛ.

MOSIS BƖRA WULLI WƖA WOMBIIŊ 13:2

dɩ wʋkpuŋkpere-la koo wʋmagɩl-la wɩaa ʋ sɩ bʋla nɛ sɛnɛ ŋaa, ka dɩ ʋ bʋl, “Má leŋ dɩ la to vesiŋ a pɛ La Tɩɩna lɛ a kpʋkpaarɛba (vesiŋ ma ha sɩ bɩ to aŋ ka),”

SƖPAALAARAA 18:14

Ŋɩɩ nɛ nɩalɩŋ banɔŋ fa sɩ mʋ lʋara beŋ Las tintee-la bʋla pɩ ba naambiiri-la sɩ nyɩgɩla dɩ ba yuo laalɩŋ, “Dɩɩsɩŋ deemba dɔŋɔ lɛ, gɛrɩ-laala-daŋɩŋ hɛ nɩmɛ, arɩ tɔmʋŋ ba sɩ kɛŋ daaŋ saa a kɛŋ hɔpʋla taara tɔ a pɛ tɔŋŋɔɔ dɔnsʋŋ lɛ. Lɛɛlɛ ma jɩŋ ŋɩɩ ma sɩ jaŋ ŋaa.”