ZƐKARƖYA 10:12 - WƖA TENIŊ

¹² Mɩ-na ma TƖƖNA jaŋ leŋ dɩ ba kɛŋ doluŋ, a vɩvɛŋ mɩ yɩrɩŋ lɛ. Mɩ-na ma TƖƖNA nɛ bʋla.”

ZƐKARƖYA 10:12 ပူးပေါင်းရင်းမြစ်များ

WƖAA DƖ-SUOMUŊ 24:40

Ŋɩɩ nɛ ʋ bʋl, ‘La TƖƖNA mɩ sɩɩ to arɩ mɩ wʋtɩtɩɩ, ʋ jaŋ tɩŋ ʋ tɩndaara dɩ ʋ pɛ ŋ lɛ a leŋ dɩ ŋ wombiiŋ zɔŋ, dɩ ŋ wuo na haala mɩ nyɩmma dɩa lɛ, mɩ doho nɩaa tʋɔŋ a kaa kʋ pɩ mɩ nanʋala.

WƖAA DƖ-SUOMUŊ 5:24

Ɛnɔk to Wɩa wombiiŋ ŋɩɩ nɛ halɩɩ a mʋ tuo. Wɩa nɛ joŋu viiri.

AZAAYA 2:5

Ou, Jekɔb doho nɩaa, má kɔ dɩ la vɛŋ La TƖƖNA pʋlʋmʋŋ lɛ.

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

AZAAYA 45:24

Ba jaŋ bʋl, ‘La TƖƖNA dʋndʋŋa teeŋ nɛ la jaŋ wuo kɛŋ tʋɔpʋla arɩ doluŋ.’ Nɩalɩŋ kala sɩ na baanɩŋ ʋ nyuŋ jaŋ dii hɩɩsɩŋ ʋ sɩpaaŋ.”

ƐZƖKƖƐL 30:24

Mɩ jaŋ leŋ dɩ Babɩlɔŋ kuoro nɩsɩŋ kɛŋ doluŋ, dɩ mɩ joŋ mɩ tokobiiŋ hɛ ʋ nɩsɩŋ lɛ. Ama mɩ jaŋ bori Ijipiti tinteeŋ kuoro nɩsaa, dɩ ʋ pɩna huhuuni Babɩlɔŋ kuoro sɩpaaŋ, a nagɛ nɩa sɩ bolimo a chɩchɛ dɩ ʋ sʋʋ.

MƖKA 4:5

Tinteyee nɩaa kala kɛŋ ba vesiŋ yɩrɩŋ nɛ vɩvɛŋ. La-na jaŋ kɛŋ La TƖƖNA Wɩa yɩrɩŋ nɛ vɛŋ a kaa mʋ wuu.

ZƐKARƖYA 10:6

Mɩ jaŋ leŋ dɩ Juda nɩaa kɛŋ doluŋ aŋ laa Josɛf doho nɩaa ta. Mɩ jaŋ fá ba nenige a kɛmba mɩɩra kɔ dɩa. Ba jaŋ nagɛ nɩa mɩ fa sɩ bɩ vɩa ta, bɛɛ wɩaa, mɩ nɛ ba TƖƖNA Wɩa, mɩ jaŋ laa ba sʋla.

ZƐKARƖYA 12:5

Ŋɩɩ nɛ Juda sɩpaalaaraa jaŋ bʋl ba tʋɔŋ lɛ, ‘Jerusalɛm nɩaa kɛŋ doluŋ, bɛɛ wɩaa La TƖƖNA doluŋ kala Tɩɩna nɛ ba Wɩa.’

Ɛfɛsɩs Nɩaa 6:10

Wɩɩ-la mɩ sɩɩ chɛ mɩ bʋl, ʋ wʋkaanɩŋ nɛ ŋ-la: Má leŋ dɩ La Tɩɩna dol-bal-la hɛ ma lɛ dɩ ma kɛŋ doluŋ woruŋ.

Fɩlɩpa Nɩaa 4:13

Mɩ jaŋ wuo kɛŋ mɩ tɩtɩa woruŋ wɩɩkala lɛ, a tɩŋ dol-la Kirisito sɩ pɩmɛ wɩaa.

Koloosi Nɩaa 2:6

Ma sɩ sɛyɛ arɩ Yesu Kirisito nɛ ŋaa ma Tɩɩna, má leŋ dɩ wɩɩ na-kala ma sɩɩ ŋaa lɛ, dɩ ʋ nagɛ ma dɩ ʋ ŋaa kʋbala nɛ.

Koloosi Nɩaa 3:17

Wɩɩ na-kala ma sɩɩ ŋaa koo ma sɩɩ bʋl, má ŋaa ba kala La Tɩɩna Yesu yɩrɩŋ lɛ a lɔllɛ la Nyɩmma Wɩa ʋ yɩrɩŋ lɛ.

1 Tɛsalonaaka Nɩaa 2:12

La bʋl wɩaa ma nyuŋ nyaasɛ nɛ, a leŋ ma tʋɔŋ pɩŋ dɩ-bala. La sʋlma nɛ dɩ ma leŋ dɩ ma mɛlɛ zɔŋ Wɩa sɩpaaŋ. Wɩa nɛ yɩrɛma dɩ ma kʋ jʋʋ ʋ kuorii-la tʋɔŋ a pɛ na ʋ tʋla.

1 Tɛsalonaaka Nɩaa 4:1

La naambiiri, wɩalɩŋ mɩ sɩɩ chɛ dɩ mɩ bʋl wʋkaanɩŋ nɛ ŋ-la: La dagɛma wɩalɩŋ ma sɩ jaŋ ŋaa dɩ Wɩa tʋɔŋ tɔrɛ ma nyuŋ nɛ, ŋɩɩ tɩtɩa nɛ ma sɛnɛ ŋɩŋaa. Ama la haa sʋlma La Tɩɩna Yesu yɩrɩŋ lɛ dɩ ma wasa ŋɩŋaa wɩalɩŋ.

2 Timoti 2:1

Ŋ-na mɩ bii Timoti, kɛŋ bɔɩ-duoŋ La Tɩɩna Yesu Kirisito lahɔrɩmɔ lɛ.