ZƐKARƖYA 10:10 - WƖA TENIŊ

¹⁰ Mɩ jaŋ kɛmba mɩɩra lɩɩ Ijipiti tinteeŋ kɔ, a kɛmba lɩɩ Asiiria tinteeŋ ma kɔ. Mɩ jaŋ kɛmba kɔ Gɩlɩad arɩ Lɛbanɔŋ tinteyee dɩ ba paala su lee-la kala, dɩ leriŋ bɩra tuo.

ZƐKARƖYA 10:10 ပူးပေါင်းရင်းမြစ်များ

AZAAYA 60:22

Ŋ dɩa-la nɩaa sɩ paala bɩ yʋgɛ jaŋ kʋ ŋaa tintee bal a kɛŋ doluŋ. Mɩ-na nɛ ma TƖƖNA, dɩ bʋa-la nɛ yie, mɩ jaŋ guu ŋaa wɩalɩŋ kala.”

JƐRƖMAAYA 22:6

Wɩɩ-la La TƖƖNA sɩ bʋla tɩgɛ Juda kuoro dɩa lɛ nɛ ŋ-la: “Arɩ ŋ sɩ zɔmɔ nagɛ Gɩlɩad tinteeŋ ma kala mɩ teeŋ, a nagɛ Lɛbanɔŋ peelee, mɩ jaŋ leŋ dɩ ŋ nagɛ tintee-hɩlɩŋ, a nagɛ tasɩ-la nɩaa sɩ́ bɩ jʋʋ.

JƐRƖMAAYA 50:19

Ama mɩ jaŋ mɩɩra kɛŋ Iziral tɩŋŋaa kaa kɔ ba tinteeŋ, ba jaŋ dii kɩaa Kamɛl peel-la nyuŋ arɩ Basaŋ fuonaaŋ lɛ. Ba jaŋ dii kɩaa a vɔgɛ Efirem arɩ Gɩlɩad dundolluŋ nyuŋ.

HOSIA 11:10

Mɩ nɩaa jaŋ to mɩ-na ba TƖƖNA harɩŋ, mɩ jaŋ huosi a nagɛ naachigiŋ. Dɩ mɩ nɩɩ huosi, mɩ nɩaa jaŋ lɩɩ wɩɩpɔsʋŋ dɩɩrɩŋ kɔ a chichel.

HOSIA 11:11

Ba jaŋ nagɛ diibii-laalɩŋ a lɩɩ Ijipiti tinteeŋ, a lɩɩ Asiiria tinteeŋ a nagɛ kokosuŋ. Mɩ jaŋ bɩra holliba ba dɩɩsɩŋ lɛ. La TƖƖNA nɛ bʋla.”

OBADAAYA 1:20

Iziral tɩmma-la sɩ mʋ yoŋ-baga jaŋ mɩɩra kɔ ba tinteeŋ, a laa tintee-la kala a kaa mʋ yi Zarɛfaf tinteeŋ. Jerusalɛm nɩalɩŋ ba sɩ kaa mʋ yoŋ-baga sɩ kʋ hɛ Sɛfarad tinteeŋ lɛ jaŋ laa Nɛgɛf tasɩŋ kala tɩɩ.

MƖKA 7:14

La TƖƖNA, beŋ ŋ nɩaa nyuŋ a nagɛ pie-daara sɩɩ beŋ ʋ piesee nyuŋ ŋɩɩ. Ba ŋaa ŋ nɩaa nɛ ŋ sɩ lɩɩsa a hɛ duuŋ tʋɔŋ, ya-fɩɛlɩŋ golliba. Leŋ dɩ ba mʋ dii ya-fɩɛl-la sɩ hɛ Basaŋ arɩ Gɩlɩad tinteeŋ lɛ a nagɛ ba sɩɩ ŋaa ŋɩɩ faafaa-la.

ZƐKARƖYA 8:7

Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: “Mɩ jaŋ laa mɩ nɩaa ta wɩɩpɔsʋŋ arɩ wɩɩjʋʋlʋŋ tinteye-la lɛ.

ZƐKARƖYA 8:8

Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”