ZƐKARƖYA 10:1 - WƖA TENIŊ

¹ Má sʋl La TƖƖNA dɩ ʋ leŋ dɩ duonuŋ nɩɩ pɩma yibiiniŋ. La TƖƖNA nɛ yie leŋ duoŋ-bɩlɩmbaanaa tɔ. Ʋ nɛ yie leŋ duonuŋ nɩɩ pɩ nɩaa, nʋʋkala kʋduuloo wasɛ.

ZƐKARƖYA 10:1 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

JOB 29:23

Ba yie gbɛrɛ dɩ ba nɩɩ mɩ wʋbʋlaa a nagɛ nɩaa sɩɩ gbɛrɛ duonuŋ nɛ, a nɩɩba woruŋ a nagɛ duoŋ-puso sɩ leŋe tinteeŋ vɔgɛ lɩɩŋ.

WƖA YƖƖLAA 104:13

Ŋ leŋe duonuŋ lɩɩ wɩa-nyuŋ nɛ a nɩɩ hɛ peelee lɛ, kʋdiilee su tinteeŋ kala.

WƖA YƖƖLAA 135:7

Ʋ yie leŋ duoŋ-bɩlɩmbaanaa lɩɩ wɩa-nyuŋ lee-kala. Ʋ yie leŋ duonuŋ nɩnɩɩ aŋ lɩlɩgɩsɛ, a leŋ peliŋ lɩɩ ʋ dɩ-faalɩŋ a lulu.

WƖA YƖƖLAA 65:9

Ŋ nɩɩ beŋ tinteeŋ a leŋ duonuŋ nɩɩ hɩhɛ ʋ lɛ. Ŋ yie leŋ ʋ sɩŋ woruŋ, kʋdosunu kala nyʋ a wasɛ. Wɩa, ŋ fuonuŋ bɩ hʋ, ŋ nɛ leŋe kʋdiilee hɛ dʋnɩa lɛ, ŋɩɩ ŋ sɩ daga nɛ ŋɩɩ.

WƖA YƖƖLAA 72:6

Leŋ dɩ kuoru-la nagɛ duonuŋ sɩ nɩɩ hɛ yaŋ sɩ bumo tɔsɛ lɛ, a nagɛ duonuŋ sɩ faasa nɩɩ a hɛ tinteeŋ lɛ.

NAMAGABA 16:15

Kuoro nɛ suri sɩaa ŋ nyuŋ, ŋ jaŋ kɛŋ mɩɩsɩŋ, ŋɩɩ ʋ sɩ choŋ nagɛ duonuŋ sɩ nɩɩ tafaaŋ nɛ.

AZAAYA 30:23

Ʋ jaŋ leŋ dɩ duonuŋ nɩɩ dɩ ma duu kɩaa dɩ ba wasɛ woruŋ, dɩ kʋdiilee pʋrɩgɛ. Bʋa-la lɛ ma nɛsɩŋ jaŋ na yaŋ a dii woruŋ.

AZAAYA 44:3

Mɩ jaŋ leŋ dɩ tintee-hɩlɩŋ vɔgɛ lɩɩŋ, dɩ fuonuŋ pɩŋ nɩmɛ. Mɩ jaŋ joŋ mɩ Dɩma a hɛ ma biiriŋ lɛ aŋ pɛ ma doho nɩaa lɛ.

AZAAYA 5:6

Mɩ jaŋ vɩa tintee-la ta dɩ ʋ bɩrɩmɛ kʋŋkʋlʋŋ. Mɩ bɩ jaŋ buori tɩɩsɩ-la koo a pɛrɛ nɩmɛ. Yaŋ arɩ sɔsʋŋ jaŋ tɔ ʋ kala. Mɩ bɩ jaŋ leŋ dɩ duonuŋ nɩɩ nɩmɛ.”

JƐRƖMAAYA 10:13

Dɩ ʋ nɛ kpɩa wɩaa, lɩɩ-la sɩ hɛ wɩa-nyuŋ yie huuri nɛ. Ʋ yie leŋ duoŋ-bɩlɩmbaanaa lɩɩ dʋnɩa dɩdɛrɩŋ nɛ a kʋ hɛ dɔŋɔ. Ʋ leŋ duonuŋ nɩnɩɩ, aŋ lɩlɩgɩsɛ, a leŋ peliŋ ma lɩɩ ʋ lee-la lɛ ʋ sɩ bilu a lulu.

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JƐRƖMAAYA 5:24

Ba vɩa dɩ ba bʋl, ‘Má leŋ dɩ la zil La TƖƖNA Wɩa, ʋ nɛ leŋe duonuŋ nɩɩ pɩpɩla ʋ bʋa lɛ. Ʋ nɛ yie leŋ la kɩaa wasɛ woruŋ la ŋaa.’

JƐRƖMAAYA 51:16

Dɩ ʋ nɛ kpɩa goŋ, lɩɩ-la sɩ hɛ wɩa-nyuŋ yie huuri nɛ. Ʋ yie leŋ duoŋ-bɩlɩmbaanaa lɩɩ dʋnɩa dɩdɛrɩŋ a kʋ hɛ dɔŋɔ. Ʋ leŋ duonuŋ nɩnɩɩ, aŋ lɩlɩgɩsɛ, a leŋ peliŋ ma lɩɩ ʋ lee-la lɛ ʋ sɩ bilu a lulu.

ƐZƖKƖƐL 34:26

Mɩ jaŋ ŋaa wʋzɔŋŋɔɔ mɩ nɩaa lɛ, a leŋ dɩ ba hɔnɔ golli mɩ dundolo-la mɩ sɩ lɩɩsa pɩ mɩ tɩtɩa. Dɩ ba nɩɩ chɛ duonuŋ, mɩ jaŋ leŋ dɩ duoŋ-zɔmʋŋ nɩɩ ʋ bʋa lɛ pɩba.

ƐZƖKƖƐL 36:37

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Mɩ jaŋ bɩra jegile nɩɩ Iziral tɩŋŋaa sʋla a pɛ ba lɛ. Mɩ jaŋ leŋ dɩ ba faasa pʋŋa yʋgɛ a nagɛ pie-laalɩŋ.

HOSIA 10:12

Má duu kɩaa arɩ tʋɔpʋla, a kɛŋ chono-la sɩ bɩ dɛrɛ kʋŋ kɩalɩŋ. Má pɛrɛ ma tintee-la lɛ ma ha sɩ bɩ pɛrɛ. Bʋa-la yie nɛ a magɛ dɩ ma chɛ mɩ-na ma TƖƖNA, a kaa mʋ yi bʋa-la lɛ mɩ sɩ jaŋ kʋ leŋ dɩ ma kɛŋ tʋɔpʋla woruŋ.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

AMƆS 4:7

Ʋ sɩ ka chɛnsɩŋ batori ka dɩ ma ŋaa ma baga kɩaa, mɩ bɩ leŋe duonuŋ nɩɩ. Bʋa dɔŋɔ lɛ mɩ yie leŋ ʋ nɩɩ taŋ dɔŋɔ lɛ aŋ bɩ dɔŋɔ lɛ nɩa. Mɩ yie leŋ ʋ nɩɩ baga dɔŋɔ lɛ, aŋ bɩ dɔŋɔ ma lɛ nɩa, ʋ kɩaa kala sʋʋ.

MƖKA 5:7

Jekɔb doho nɩalɩŋ sɩ ka a bɩ sʋba jaŋ guoli nɩ-daŋ tʋɔŋ. Ba jaŋ pɛ ba lɛ a nagɛ La TƖƖNA sɩ yie leŋ nyalɩŋ nyala hɛ kɩaa lɛ, koo duonuŋ sɩ yie mirise hɛ kɩaa lɛ ba wasɛ ŋɩɩ. Wɩaa deemba kala ka ŋaa Wɩa doluŋ lɛ nɛ, nuhuobiine doluŋ lɛ dee.

Jɔɔŋ 16:23

Dɩ tapʋlɩɩ-la nɛ yie, ma bɩ jaŋ pɩɛsɛmɛ chɩchɛ kʋŋkala. Wʋtɩtɩɩ nɛ mɩ bʋlaa pɩma, mɩ Nyɩmma jaŋ pɩma kʋŋkala ma sɩ pɩɛsʋ chɩchɛ mɩ yɩrɩŋ lɛ.

1 Kɔrɩntɩ Nɩaa 3:6

Wɩa wɩalɩŋ la sɩ bʋla pɩma nagɛ kʋdoho nɛ la duu. Mɩ nɛ duu kʋdoho-la, Apɔlɔs ma nɛ ŋaa lɩɩŋ a mɩsɛ, ama Wɩa nɛ leŋe ʋ waa.

MOSIS BƖRA WULLI WƖA WOMBIIŊ 28:23

Ma jaŋ lɛ, duonuŋ bɩ jaŋ nɩɩ, dɩ ma tinteeŋ dol a nagɛ hɔɔŋ.

Jeems 5:7

Mɩ naambiiriŋ, má kɛŋ kenyiri a gbɛrɛ chɛɛ-la La Tɩɩna Yesu sɩ jaŋ mɩɩra kɔ. Ma bee na ŋɩɩ paara sɩ kɛŋ kenyiri. Ʋ yie gbɛrɛ nɛ duoŋ-puso nɩɩ, ʋ duu kɩaa, a bɩra kɛŋ kenyiri a gbɛrɛ gbanchaaŋ-duonuŋ lɛ ʋ kɩaa ŋaa, ʋ kʋŋ.