ZƐKARƖYA 1:6 - WƖA TENIŊ

⁶ Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”

ZƐKARƖYA 1:6 ပူးပေါင်းရင်းမြစ်များ

2 KUOROO 15:12

Ŋɩɩ nɛ wɩɩ-la La TƖƖNA fa sɩ bʋla pɩ Jehu sɛnɛ kʋ ŋaa wʋtɩtɩɩ: Ʋ fa sɩ, “Ŋ doho nɩaa jaŋ dii Iziral tinteeŋ kuoruŋ naansɩɩŋ bʋnɛsɛ a tɩgɛ dɔŋɔ lɛ.”

JOB 6:29

Ma paala ŋaa kieli nɛ, má leŋ ma tʋɔ-togi wʋbʋla-la. Mɩ ha chɩŋ mɩ wʋtɩtɩɩ naaŋ lɛ nɛ, mɩ bɩ bɩrɩma.

AZAAYA 21:17

To-yuoroo nɛ ŋaa Kɛda laalɩyuori babiibalaa, ama ba jaŋ dɛrɛ aŋ ka baŋmɛnɛ. Mɩ-na ma TƖƖNA sɩ ŋaa Iziral tɩŋŋaa Wɩa nɛ bʋla.”

AZAAYA 44:26

Mɩ nɛ leŋe wɩalɩŋ mɩ tɩntɩnna arɩ mɩ tɩndaaraa sɩ bʋla kʋ ŋaa wʋtɩtɩɩba. Mɩ bʋla arɩ nɩaa jaŋ bɩra hɔŋ Jerusalɛm lɛ, ka ba wasa saa Juda tasɩ-la ma sɩ pɩŋ jikpeeŋ.

AZAAYA 55:1

La TƖƖNA bɩra sɩ, “Ma nɩalɩŋ kala lɩɩnyʋasʋŋ sɩ kɛnɛ, má kʋ nyʋa lɩɩŋ. Ma nɩalɩŋ ma sɩ bɩ moribiee kɛnɛ, má kʋ dii kɩaa. Má kʋ nyʋa tɩɩnɛnɛɛ sɩnɩŋ arɩ nayɩlɩŋ, ma bɩ jaŋ tiŋ kʋŋkala.

AZAAYA 55:11

ŋɩɩ tɩtɩa nɛ mɩ niiŋ wɩaa ma nagɛ. Mɩ bɩ jaŋ bʋlba ka dɩ ba ŋaa pɛɩ, see dɩ wɩɩ-la mɩ sɩ bʋla ŋaa.

JƐRƖMAAYA 23:20

Mɩ-na ma TƖƖNA baanɩŋ bɩ jaŋ kɔ dɩ ʋ fɩɛla, see dɩ mɩ ŋaa wɩɩ-la sɩ hɛ mɩ tʋɔŋ lɛ a dɛrɛ. Tapʋlaa baŋmɛnɛ harɩŋ, ba jaŋ jɩŋ wɩɩ-la sɩaa kala woruŋ.

JƐRƖMAAYA 26:15

Ma ta jɩŋ, dɩ ma nɛ kpʋmɛ, nʋʋ sɩ bɩ wɩɩ cheye chalɩŋ nɛ jaasɛ ŋɩɩ, a lɔgɛ wɩaa hɛ ma tɩtɩa arɩ tabalɩŋ deeŋ arɩ nʋʋkala sɩ hɛ ʋ lɛ. Wʋtɩtɩɩ, La TƖƖNA nɛ tɩmmɛ dɩ mɩ kʋ bʋl wɩaa deemba kala dɩ ma nɩɩ.”

JƐRƖMAAYA 28:17

Jɩna-la tɩtɩa tʋɔŋ chɛŋ-pɛɩ lɛ nɛ, wʋnyɩɛrɩ Wɩa wʋlaabʋlla Hananaaya sʋʋ.

JƐRƖMAAYA 32:24

Bee na ŋɩɩ ba sɩ saa vaŋkumba dɩ ba yuo dii tabal-la. A tɩŋ laalɩŋ, losuŋ arɩ nyanyalɩŋ wɩaa, tabal-la jaŋ jʋʋ Babɩlɔŋ tɩmma-la sɩɩ yuou nɩsɩŋ. Wɩɩ-la ŋ sɩ bʋla sɛnɛ ŋaa nɛ, ʋ nɛ ŋ nɩna ŋɩɩ lɛɛlɛ.

JƐRƖMAAYA 36:28

“Joŋ teniŋ dɔŋɔ a ŋmʋnsɛ wɩalɩŋ sɩ hɛ bumbuŋ teŋ-la lɛ a hɛ ʋ lɛ, ʋ nɛ Juda kuoro Jehoyakim nyɩgɛ ŋɩɩ.

JƐRƖMAAYA 39:16

“Mʋ bʋla pɩ Ɛbɛd-Mɛlɛk sɩ ŋaa Kus tɩɩna, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩɩ chɛ mɩ ŋaa wɩalɩŋ mɩ sɩ bʋla tɩgɛ tabalɩŋ deeŋ lɛ nɛ: Wʋlɔrʋnʋŋ nɛ, wʋzɔŋŋɔɔ dee. Bʋa-la lɛ wɩalɩŋ kala jaŋ ŋaa ŋ sɩɩŋ lɛ.

JƐRƖMAAYA 4:4

Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

JƐRƖMAAYA 44:2

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Ma na wʋlɔrʋ-la sɩ bɩ bana kɛnɛ mɩ sɩ kaa kʋ hɛ Jerusalɛm arɩ Juda tasɩŋ kala lɛ nɛ. Jɩnɩŋ tasɩ-la kala cheye nɛ a pɩŋ hoi

JƐRƖMAAYA 44:28

Nɩalɩŋ sɩ foro laalɩŋ lɛ a mɩɩra lɩɩ Ijipiti tinteeŋ a mʋ Juda bɩ jaŋ yʋgɛ. Ŋɩɩ nɛ nɩkaana-la sɩ kʋ hɔŋ Ijipiti lɛ jaŋ jɩŋ nɩɩ-la wɩɩŋ sɩ jaŋ chɩŋ, dɩ mɩ nɛ koo ba nɛ.

JƐRƖMAAYA 44:29

Wɩɩŋ deeŋ nɛ jaŋ ŋaa magɩlɩŋ a pɩma arɩ mɩ jaŋ dɔgɩsɛma leriŋ deeŋ, dɩ ma jɩŋ arɩ mɩ sɩ sɩ mɩ jaŋ dɔgɩsɛma ŋɩɩ jaŋ sɛnɛ ŋaa. Mɩ-na ma TƖƖNA nɛ bʋla.”

JƐRƖMAAYA 44:6

Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

JƐRƖMAAYA 5:14

Ŋɩɩ wɩaa wɩɩ-la La TƖƖNA Wɩa doluŋ kala Tɩɩna sɩ bʋla nɛ ŋ-la: “A tɩŋ nɩalɩŋ sɩ bʋl wɩaa deemba, mɩ jaŋ leŋ dɩ mɩ wɩalɩŋ ŋ sɩɩ bʋl nagɛ nyiniŋ, dɩ nɩalɩŋ ma nagɛ daasɩŋ, dɩ wɩalɩŋ jomba dii.”

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

JEMBIEE 2:17

La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

JEMBIEE 3:42

“La ŋaa wʋbɔŋŋɔɔ nɛ a vɩa ŋ niiŋ ka ŋ bɩ joŋo chɛla.

ƐZƖKƖƐL 20:43

Nɩmɛ nɛ ma jaŋ liisi wɩalɩŋ kala ma fa sɩ ŋaa a joŋ disiniŋ hɛ ma tɩtɩa lɛ, dɩ ma tʋɔŋ lɩɩ ma tɩtɩa a tɩŋ wʋbɔmɔ-la kala ma sɩ ŋaa wɩaa.

ƐZƖKƖƐL 37:11

Ŋɩɩ nɛ ʋ bʋla pɩmɛ, “Nuhuobiiŋ, haŋgbelee deemba nɛ ŋaa Iziral tɩŋŋaa kala. Ba sɩ, ‘La haŋgbelee kala hɩla nɛ, la bɩra bɩ yɩɛlaa kɛnɛ, la lɛlɛ nɛ.’

DANƖƐL 4:28

Wɩaa deemba kala kʋ ŋaa kuoro Nebukadineza lɛ.

HOSIA 5:9

Efirem jaŋ pɩŋ hoi tapʋlɩɩ-la ba sɩ jaŋ dɔgɩsɛ nɩaa. Iziral doho doho tʋɔŋ, wɩɩ-la mɩ sɩ bʋla sɛnɛ jaŋ ŋaa.

HOSIA 9:15

La TƖƖNA sɩ, “Ba suomi ba nɩbɔŋ wɩaa kala Gɩlɩgal lɛ nɛ, nɩmɛ nɛ mɩ chɩna bɛrɛba. Wʋbɔmɔ-la ba sɩɩ ŋaa wɩaa, mɩ jaŋ kiriba ta mɩ tinteeŋ lɛ. Mɩ bɩra bɩ jaŋ choba, ba sɩpaalaaraa kala vɩa mɩ niiŋ nɛ.

AMƆS 9:10

Wʋbɔŋ ŋaara-la sɩ hɛ mɩ nɩaa tʋɔŋ a bʋl, ‘Wʋlɔrʋ kala bɩ jaŋ jʋʋla koo a puula,’ ba jaŋ kpʋba laalɩŋ lɛ.

ZƐKARƖYA 1:7

Daarus sɩ dii kuoruŋ ʋ jɩ-lɩa lɛ chɛŋ fii arɩ kʋbala tapʋlaa mara arɩ banɛsɛ chɛɛŋ, chɛnɛ-la ba sɩɩ yɩrɛ Sɛbat tʋɔŋ, La TƖƖNA bɩra bʋl wɩaa pɩ ʋ wʋlaabʋlla Zɛkarɩya sɩ ŋaa Bɛrɛkɩa nanʋala, aŋ ŋaa Ido ma nihiŋ.

MALAKAƖ 3:18

Ŋɩɩ nɛ nʋʋkala jaŋ na dabaŋ-la sɩ hɛ tʋɔpʋl tɩŋŋaa arɩ nɩbɔŋŋɔɔ pɛgɛ, nɩalɩŋ sɩɩ to mɩ-na Wɩa arɩ nɩalɩŋ sɩ bɩ mɩ ka to.”

NAMBABA 23:19

Wɩa bɩ nuhuobiinee naga a nyɩnyɩɛ wɩaa koo a kɛŋ ʋ tʋɔbɩɩnaa a bɩbɩrɩmɛ. Dɩ ʋ nɛ bʋl wɩɩ, ʋ yie sɛnɛ ŋaa wɩɩ-la nɛ, dɩ ʋ nɛ hɛ niiŋ arɩ ʋ jaŋ ŋaa wɩɩ ma, ʋ yie sɛnɛ ŋaa nɛ.

NAMBABA 32:23

Ama dɩ ma nɛ bɩ ŋɩɩ ŋaa, La Tɩɩna teeŋ ma ŋaa wʋbɔŋ nɛ, ʋ jaŋ dɔgɩsɛma.

NAMBABA 33:56

Dɩ ma nɛ bɩ nɩalɩŋ kala kire tintee-la lɛ, mɩ jaŋ joŋ wɩalɩŋ mɩ fa sɩ jaŋ joŋo ŋaa ba lɛ a ŋaa ma lɛ.”

Matiu 24:35

Wɩa nyuŋ arɩ tinteeŋ kala jaŋ lɛl, ama wɩalɩŋ mɩ sɩ bʋla bɩ jaŋ lɛl.

MOSIS BƖRA WULLI WƖA WOMBIIŊ 28:15

Dɩ ma nɛ bɩ ma sɩaa fɩɛla a jegile nɩɩ ma TƖƖNA Wɩa niiŋ a to ʋ wombiee arɩ ʋ wɩalɩŋ kala mɩ sɩ joŋo dagɛma jɩnɩŋ, ŋmɩaŋ deemba nɛ jaŋ diima:

MOSIS BƖRA WULLI WƖA WOMBIIŊ 28:2

Dɩ ma nɛ sɛɩ ma TƖƖNA Wɩa, ʋ jaŋ pɛ ma lɛ arɩ wɩaa deemba:

MOSIS BƖRA WULLI WƖA WOMBIIŊ 28:20

Dɩ ma nɛ vɩa La TƖƖNA, ʋ jaŋ leŋ dɩ ma wɩɩkala vʋgʋmɛ, dɩ wʋwalɩmaa jʋʋma dɩ ma to ŋɩɩ lɛ a kala guu chei, a tɩŋ wʋbɔŋ-la ma sɩ ŋaa lɛ.

MOSIS BƖRA WULLI WƖA WOMBIIŊ 28:45

Ŋmɩaŋ deemba kala jaŋ diima. Ba jaŋ kire to ma harɩŋ a yuo diima dɩ ma kala mʋ dɛrɛ, bɛɛ wɩaa ma vɩa dɩ ma sɛɩ ma TƖƖNA Wɩa niiŋ a to ʋ wombiee arɩ wɩalɩŋ kala ʋ sɩ dagɛma nɛ.

1 Tɛsalonaaka Nɩaa 5:4

Ama mɩ naambiiri, ma-na tuo birimiŋ tʋɔŋ. Má sɩ́ leŋe dɩ bʋa-la guu kʋ dɩ ma lɛ, a nagɛ gaara sɩ yie jʋʋ gaa nɩaa kɩaa a dɩ ba lɛ ŋɩɩ.