ZƐKARƖYA 1:4 - WƖA TENIŊ

⁴ Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

ZƐKARƖYA 1:4 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 30:6

Kuoro arɩ ʋ tɩntɩnnɩ-hɩasɩŋ hɛ nɩaa ba kɛŋ tenniŋ gɔllɛ Iziral arɩ Juda tinteeŋ kala. Ŋ-la nɛ ba ŋmʋnsa hɛ tenni-la tʋɔŋ: “Iziral tɩmma, má mɩɩra kɔ La TƖƖNA, Abɩraham, Aɩzɩk arɩ Jekɔb Wɩa teeŋ, ma nɩkaana-la sɩ fori Asiiria kuoroo nɩsɩŋ lɛ, ʋ jaŋ laama.

2 IZIRAL TƖŊŊAA NAABARƖŊ 30:7

Má sɩ́ ma nyɩmmaba arɩ ma naambiiriŋ nagʋ, ba fa bɩ wʋtɩtɩɩ kɛnɛ La TƖƖNA ba nyɩmmaba Wɩa teeŋ, ŋɩɩ nɛ ʋ leŋ ba ŋaa mɔmɩaa nɩaa sisieri ba lɛ, ma tɩtɩa jɩŋ ŋɩɩ lɛ nɛ.

2 IZIRAL TƖŊŊAA NAABARƖŊ 34:21

“Má mʋ chɛ na La TƖƖNA teeŋ a mʋ tɩgɛ wɩalɩŋ sɩ hɛ teŋ-la tʋɔŋ a pɩ mɩ dɩ Iziral nɩkaanaa arɩ Juda nɩaa. La TƖƖNA chaasa na baanɩŋ nɛ la nyuŋ, a tɩŋ la naabalɩmaba sɩ bɩ ʋ niiŋ wɩaa to. Ba bɩ wɩalɩŋ kala ba sɩ ŋmʋnsa hɛ teŋ-la tʋɔŋ to.”

ƐZƖRA 9:7

A chɩŋ la naabalɩmaba bʋa lɛ a kaa kɔ jɩnɩŋ, la wʋcheelee chaasa yʋgɛ nɛ woruŋ. A tɩŋ la wʋbɔŋŋɔɔ wɩaa nɛ tɩɩ ŋ joŋ la dɩ la kuoroo arɩ ŋ Wɩɩsʋllɩ sɩpaalaaraa hɛ tintee-wogusuŋ kuoroo nɩsɩŋ lɛ. Ba kpʋla, a laa la kɩaa, aŋ kɛsɛ la dɔnsʋŋ kaa mʋ tɔ bɩnɩŋ dɩa. La dii hɩɩsɩŋ nɛ woruŋ, arɩ jɩnɩmba la ha sɩɩ dii hɩɩsɩŋ ŋɩɩ.

NƐHƖMAAYA 9:16

Ama la naabalɩmaba ŋaa nyu-duo tɩmma nɛ a kɛŋ babii-ballɩŋ a bɩ dagɩŋ ka nɩɩ, a vɩa dɩ ba to ŋ niiŋ.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

NƐHƖMAAYA 9:30

Jɩ-daŋ nɛ ŋ kɛŋ kenyiri arɩ ba. Ŋ Dɩma to ŋ wʋlaabʋllaa lɛ nɛ a bʋl wɩaa chagɩlɛba. Ama ba bɩ jegile nɩɩ, ŋɩɩ nɛ ŋ jomba hɛ tintee-wogusuŋ nɩaa nɩsɩŋ lɛ.

WƖA YƖƖLAA 78:8

Dɩ ba sɩ́ ba naabalɩmaba-la sɩ kɛŋ nyuduoŋ a vɩa Wɩa niiŋ ŋɩɩ nagʋ. Ba ŋaa nɩa fa sɩ bɩ ba tʋɔŋ pʋlla pɩ Wɩa nɛ, a bɩ ʋ laa dii.

AZAAYA 31:6

Iziral tɩmma, ma lɩɩ La TƖƖNA harɩŋ nɛ a ŋaa wɩaa kɩŋkɛŋ a cheyu, má mɩɩra kɔ ʋ teeŋ.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 23:22

Ama dɩ ba nɛ fa jɩŋ mɩ tʋɔbɩɩnaa, ba fa jaŋ heele bʋl mɩ wɩaa a pɩ mɩ nɩaa, dɩ ba bɩrɩma lɩɩ ba wombii bɔmɔ-la arɩ wʋbɔmɔ-la ba sɩɩ ŋaa lɛ.

JƐRƖMAAYA 25:8

Ŋɩɩ wɩaa, La TƖƖNA doluŋ kala Tɩɩna sɩ, “A tɩŋ ma sɩ bɩ jegile nɩɩ mɩ niiŋ wɩaa,

JƐRƖMAAYA 26:5

dɩ ma nɛ bɩ mɩ wʋlaabʋllaa sɩ ŋaa mɩ tɩntɩnnaa wɩaa jegile nɩɩ, nɩalɩŋ mɩ sɩ tɩma ba kɔ ma teeŋ bʋlɩa bʋlɩa (ma sɩ́ bɩ jegile nɩɩ ba teeŋ ŋɩɩ),

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 3:14

Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

JƐRƖMAAYA 44:16

“La bɩ jaŋ jegile nɩɩ tɩndaarɩ-la ŋ sɩ bʋla pɩla La TƖƖNA yɩrɩŋ lɛ.

ƐZƖKƖƐL 14:6

Ŋɩɩ wɩaa bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Má bɩrɩma lɩɩ ma wʋbɔŋŋɔɔ lɛ. Má leŋ ma vʋɩya-la arɩ wʋkɩsɩa-la kala ma sɩɩ ŋaa.

ƐZƖKƖƐL 20:18

Tintee-hɩlɩɩ-la lɛ, mɩ fa bʋla pɩ ba biiriŋ, ‘Má pɔ ma sɩ́ ma nyɩmmaba wʋdagaa to koo a to ba wombiee koo a to ba tɔmɔ-la a ŋaa disiniŋ hɛ ma tɩtɩa lɛ.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

ƐZƖKƖƐL 33:4

Dɩ nʋʋ nɛ nɩa aŋ bɩ wɩɩ-la kaa tɩŋ ka dɩ ba dʋndɔmɔ-la kʋ kpʋʋ, ʋ tɩtɩa nɛ chɛ ʋ sʋʋŋ.

DANƖƐL 9:6

Ŋ tɩntɩnnaa sɩ ŋaa ŋ wʋlaabʋllaa a bʋl wɩalɩŋ, la bɩ jegile nɩɩ. Ba bʋl wɩaa ŋ yɩrɩŋ lɛ a pɩ la kuoroo, la sɩpaalaaraa, la nyɩmmaba arɩ la tinteeŋ nɩaa kala nɛ.

HOSIA 14:1

Iziral tɩmma, má mɩɩra mʋ ma TƖƖNA Wɩa teeŋ. Ma wʋbɔŋŋɔɔ nɛ leŋe ma tel.

AMƆS 5:24

Má leŋ dɩ ma wʋtɩtɩɩ nagɛ fuoŋ sɩɩ pɛllʋ, dɩ tʋɔpʋla ma nagɛ fuoŋ lɩɩŋ sɩ bɩ hʋ.

MƖKA 2:6

Ba nɩalɩŋ sɩ sɩ ba ŋaa Wɩa wʋlaabʋllaa nɛ bʋla pɩmɛ, “Sɩ́ Wɩa wɩaa bʋla pɩla. Sɩ́ Wɩa wɩaa bʋla tɩgɛ wɩaa deemba lɛ, Wɩa bɩ jaŋ leŋ dɩ la dii hɩɩsɩŋ.

ZƐKARƖYA 1:3

Ŋɩɩ wɩaa bʋla pɩ nɩalɩŋ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má mɩɩra kɔ mɩ teeŋ, mɩ ma jaŋ mɩɩra kɔ ma teeŋ. Mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 7:7

Wɩɩ-la tɩtɩa mɩ-na ma TƖƖNA sɩ to mɩ wʋlaabʋlla-la sɩ laa sɩpaaŋ kɔ, bʋa-la lɛ Jerusalɛm arɩ ʋ tasɩ-la sɩ gollu fa sɩ kɛŋ nɩaa yʋgɛ ba hɔŋ sɔm a kɛŋ dʋa, a pɛ wɩɩpɔsʋŋ nadiiŋ dɩɩrɩŋ arɩ wɩɩjʋʋlʋŋ dɩɩrɩŋ dundollu-la sɩ hɛ peelee bʋbʋɔŋ a bʋl nɛ ŋɩɩ.”

Tɩntɩŋŋaa 26:20

Ŋɩɩ nɛ mɩ suomo bʋl Wɩa wɩaa Damasɩkʋs lɛ arɩ Jerusalɛm lɛ a kaa mʋ Judiya tinteeŋ kala, arɩ nɩalɩŋ sɩ bɩ Juu tɩmma ŋaa tʋɔŋ. Mɩ bʋla pɩba dɩ ba bɩrɩma lɩɩ ba wʋbɔŋŋɔɔ lɛ aŋ bɩrɩma to Wɩa, a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Tɩntɩŋŋaa 3:19

Má bɩrɩma lɩɩ ma wʋbɔŋŋɔɔ lɛ aŋ to Wɩa, dɩ ʋ joŋ ma wʋbɔŋŋɔɔ chɛma, dɩ La Tɩɩna leŋ dɩ ma dɩnsɩŋ na wiese.

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.