ZƐKARƖYA 1:3 - WƖA TENIŊ

³ Ŋɩɩ wɩaa bʋla pɩ nɩalɩŋ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má mɩɩra kɔ mɩ teeŋ, mɩ ma jaŋ mɩɩra kɔ ma teeŋ. Mɩ-na ma TƖƖNA doluŋ kala Tɩɩna nɛ bʋla.

ZƐKARƖYA 1:3 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 15:2

Ʋ lɩɩ Asa teeŋ a bʋla pʋ, “Kuoro Asa, ŋ dɩ Juda doho nɩaa arɩ Bɛnjamɩŋ doho nɩaa kala, má jegile nɩɩ mɩ teeŋ. La TƖƖNA jaŋ chɩna gbɛrɛma dɩ ma nɛ chɩna gbɛrʋ. Dɩ ma nɛ chɛʋ, ma jaŋ naʋ ma, ama dɩ ma nɛ vɩaʋ, ʋ ma jaŋ vɩama ta.

2 IZIRAL TƖŊŊAA NAABARƖŊ 15:4

Ama dɩ hɛɛŋ nɛ jʋʋba, ba yie mɩɩra mʋ La TƖƖNA, Iziral Wɩa teeŋ a chɛ naʋ.

NƐHƖMAAYA 9:28

Ama ba sɩ kʋ na wiese, ba bɩra ŋaa wʋbɔŋŋɔɔ nɛ ŋ lɛ. Ŋ bɩra jomba hɛ ba dʋndɔŋŋɔɔ nɩsɩŋ lɛ ba bibemba. Ba bɩra sɩ yele pɩŋ, ŋ hɛ ŋ jaŋ lɛ nɛ aŋ nɩɩ ba yele, a tɩŋ ŋ sɩɩ fá nɩaa nenige wɩaa, ŋ vɛnɛ laaba ta a yʋgɛ nɛ.

JOB 22:23

Dɩ ŋ nɛ mɩɩra kɔ La TƖƖNA doluŋ kala Tɩɩna teeŋ, ʋ jaŋ leŋ dɩ ŋ bɩra nagɛ ŋɩɩ ŋ fa sɩ naga. Dɩ ŋ nɛ leŋe dɩ wʋbɔmɔ-la kala sɩɩ ŋaa ŋ dɩa lɛ dɛrɛ,

AZAAYA 31:6

Iziral tɩmma, ma lɩɩ La TƖƖNA harɩŋ nɛ a ŋaa wɩaa kɩŋkɛŋ a cheyu, má mɩɩra kɔ ʋ teeŋ.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 25:5

Ba sɩ, “Má kʋŋkala bɩrɩma lɩɩ ma wombii-bɔmɔ-la ma sɩɩ to arɩ wʋbɔmɔ-la ma sɩɩ ŋaa lɛ. Dɩ ma nɛ ŋaa ŋɩɩ, ma jaŋ wuo hɔŋ tintee-la lɛ La TƖƖNA sɩ joŋo pɩ ma dɩ ma naabalɩmaba a kaa mʋ wuu.

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

ƐZƖKƖƐL 18:19

Ama ma pɩɛsa, ‘Bɛɛ nɛ tɩɩ bile bɩ maga dɩ ʋ na hɛɛŋ a tɩŋ ʋ nyɩmma wʋbɔŋŋɔɔ wɩaa?’ A tɩŋ bile sɩ ŋaa wɩaa ba bʋa lɛ arɩ wʋtɩtɩɩ, a fɩɛlɛ ʋ sɩaa a to mɩ wombie-la mɩ sɩ bile dɩ ba tuto, ʋ sɛnɛ jaŋ kɛŋ mɩɩsɩŋ.

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

ƐZƖKƖƐL 18:32

Mɩ-na ma TƖƖNA Wɩɩjarɩbakɔ nɛ bʋla, mɩ bɩ cho dɩ nʋʋkala sʋba, má bɩrɩma lɩɩ ma wʋbɔŋŋɔɔ lɛ a kɛŋ mɩɩsɩŋ.”

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

HOSIA 14:1

Iziral tɩmma, má mɩɩra mʋ ma TƖƖNA Wɩa teeŋ. Ma wʋbɔŋŋɔɔ nɛ leŋe ma tel.

HOSIA 14:4

La TƖƖNA sɩ, “Mɩ jaŋ vaarɛ ba dɩgɩlɩŋ-bɩnɩɩ-la sɩ hɛ ba lɛ, aŋ choba woruŋ, bɛɛ wɩaa mɩ baanɩŋ fɩɛlɛ ba nyuŋ nɛ.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

MALAKAƖ 3:7

Ma naabalɩmaba bʋa lɛ nɛ ma suomo vɩa mɩ niiŋ wɩaa a bɩ wombie-la mɩ sɩ dagɛma ka to. Dɩ ma nɛ mɩɩra kɔ mɩ teeŋ, mɩ ma jaŋ kɔ ma teeŋ. Ama ma yie pɩɛsɛ, ‘Ɛɛ nɛ la jaŋ ŋaa a mɩɩra kɔ ŋ teeŋ?’