ZƐKARƖYA 1:2 - WƖA TENIŊ

² Ʋ sɩ, “Mɩ-na ma TƖƖNA fa chaasa na baanɩŋ nɛ woruŋ ma naabalɩmaba nyuŋ.

ZƐKARƖYA 1:2 ပူးပေါင်းရင်းမြစ်များ

2 KUOROO 22:19

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ-na ma TƖƖNA sɩpaaŋ, ŋ sɩ nɩa arɩ mɩ jaŋ chei Jerusalɛm arɩ ʋ nɩaa, ka dɩ lee-la pɩŋ jikpeeŋ, ŋ kɛŋ ŋ gɛnnɩŋ kɩɛsɛ a yel mɩ sɩpaaŋ, ŋɩɩ wɩaa mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

2 KUOROO 23:26

Ama La TƖƖNA fa ha na baanɩŋ nɛ woruŋ Juda nɩaa nyuŋ, a tɩŋ wɩɩ-la Manasɛ sɩ ŋaa a leŋ ʋ baanɩŋ sii.

ƐZƖRA 9:13

Wɩalɩŋ kala sɩ ŋaa la lɛ, la wʋbɔŋŋɔɔ arɩ la wʋcheelee sɩ faasa yʋgɛ wɩaa nɛ tɩɩ. Ama ŋ-na la Wɩa, ŋ bɩ la dɔgɩsɔ a magɛ ŋɩɩ la wʋbɔŋŋɔɔ sɩ maga, aŋ leŋ la dɔnsʋŋ ka a bɩ sʋba.

WƖA YƖƖLAA 60:1

Wɩa, ŋ fa na baanɩŋ nɛ la nyuŋ a vɩala ta, la bɩ doluŋ kɛnɛ. Leŋ dɩ la bɩra kɛŋ doluŋ.

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

JƐRƖMAAYA 44:6

Ŋɩɩ wɩaa, mɩ chaasa na baanɩŋ ba nyuŋ, a chei Juda tasɩŋ arɩ Jerusalɛm womporunuŋ, a leŋ ba cheye pɩŋ hoi arɩ ŋɩɩ ba sɩ naga jɩnɩmba.

JEMBIEE 5:7

La naabalɩmaba nɛ ŋaa wʋbɔŋŋɔɔ aŋ tuo, ka la mɩɩraa na hɛɛŋ ba wʋbɔmɔ-la wɩaa.

ƐZƖKƖƐL 22:31

Ŋɩɩ wɩaa mɩ baanɩŋ jaŋ sii ba nyuŋ, mɩ baanɩŋ jaŋ nagɛ nyiniŋ a jomba dii. Wɩalɩŋ kala ba sɩ ŋaa jaŋ gʋra nyʋa ba nyuŋ lɛ. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

ZƐKARƖYA 1:15

Ama mɩ baanɩŋ chaasa sisii tinteye-la sɩ hɔnɔ wɩɩkala bɩ baa walɩmɛ nyuŋ nɛ. Mɩ fa na baanɩŋ mʋa nɛ mɩ nɩaa nyuŋ, ka nɩalɩŋ mɩɩra leŋ ba hɛɛŋ yʋgɛ.’

ZƐKARƖYA 7:12

Ba leŋe ba tʋɔŋ dol nɛ a nagɛ tabɩɩ-naŋkpachɩla a bɩ chɛ ba jegile nɩɩ wombie-la mɩ-na ba TƖƖNA sɩ bile dɩ ba tuto koo wɩalɩŋ mɩ-na ba TƖƖNA doluŋ kala Tɩɩna sɩ to mɩ Dɩma lɛ a bʋla pɩ mɩ wʋlaabʋlla-la sɩ laa sɩpaaŋ kɔ. Ŋɩɩ nɛ mɩ-na ba TƖƖNA doluŋ kala Tɩɩna faasa na baanɩŋ ba nyuŋ.

ZƐKARƖYA 8:14

Wɩɩ-la La TƖƖNA doluŋ kala bɩra sɩ bʋla nɛ ŋ-la: “A nagɛ mɩ fa sɩ kɛŋ mɩ tɩtɩa hɛ dɔŋɔ dɩ mɩ kɛŋ wʋlɔrʋŋ kʋ hɛ ma lɛ ŋɩɩ, a sɩ́ ma nenige fá a tɩŋ ma nyɩmmaba fa sɩ leŋe mɩ baanɩŋ sii wɩaa,

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.