ZƐKARƖYA 1:16 - WƖA TENIŊ

¹⁶ Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ jaŋ mɩɩra kɔ a fá Jerusalɛm nɩaa nenige, dɩ ba paa mɩ dɩɩ-bal-la wasa saa nɩmɛ. Mɩ jaŋ kɛŋ ŋmɛŋ-la ba sɩ kaa mɩmagɩsɛ kɩaa a magɩsa lɩɩsɛ Jerusalɛm,’ La TƖƖNA doluŋ kala Tɩɩna nɛ bʋla.

ZƐKARƖYA 1:16 ပူးပေါင်းရင်းမြစ်များ

JOB 38:5

Kʋbɛɛ nɛ daga ŋɩɩ ʋ jalɩŋ sɩ maga dɩ ʋ magɛ? Kʋbɛɛ nɛ tuuri ʋ bʋa a golli?

AZAAYA 12:1

Dɩ tapʋlɩɩ-la nɛ yie, ma jaŋ bʋl, “Mɩ jaŋ dɛnnɩŋ La TƖƖNA, ŋ fa paala na baanɩŋ nɛ mɩ nyuŋ, ama ŋ leŋe ŋ baaŋ-la fɩɛlɛ nɛ, aŋ ŋaa mɩ tʋɔŋ pɩŋ dɩ-bala.

AZAAYA 34:11

Hajaaŋkuŋkumba arɩ gɩlɩŋgaamba dʋndʋŋa nɛ jaŋ hɛ tintee-la lɛ. Wɩa jaŋ leŋ dɩ tintee-la kala bɩra pɩŋ hoi arɩ ʋ fa sɩ nagɛ ŋɩɩ ka Wɩa-na ŋaaʋ.

JƐRƖMAAYA 30:18

Wɩɩ-la La TƖƖNA sɩ bʋla nɛ ŋ-la: “Mɩ jaŋ leŋ dɩ mɩ nɩaa Iziral tɩŋŋaa bɩra tɩɩ ba tinteeŋ. Mɩ jaŋ fá ba nenige. Ba jaŋ bɩra paa Jerusalɛm kɛrɩsɩ-la sɩ tele a wasa saa, dɩ kuoru dɩa-la wasa chɩŋ ʋ dɩchɩnɩŋ.

ƐZƖKƖƐL 40:3

Ʋ kɛmmɛ mʋ kpagɛ lee-la, mɩ na baal kʋbala sɩɩ tʋl a nagɛ kɔlɩɩŋ. Ʋ fa chɩŋ boi-baalɩŋ niiŋ nɛ a kori gɛrɩpɛ fʋfʋlʋŋ ŋmɛnɩŋ arɩ daaŋ ba sɩ kaa mɩmagɩsɛ kɩaa duomuŋ.

ƐZƖKƖƐL 47:3

Baal-la mʋ wɩɩpɔsʋŋ dɩɩrɩŋ a kori ŋmɛnɩŋ ʋ sɩ kaa mɩmagɩsɛ kɩaa, a magɩsɛ naakieliŋ zɔɔ-banɔŋ aŋ kɛmmɛ to lɩɩŋ luŋuŋ sɩ magɛ naachɩgɩsɩŋ.

ƐZƖKƖƐL 48:35

Kɛrɛ-la sɩ golli tabal-la chu, ʋ duomuŋ kala jaŋ ŋaa naakieliŋ bʋɩ nibi, a chɩŋ bʋa-la lɛ a kaa mʋ tabal-la yɩrɩŋ jaŋ ŋaa ‘LA TƖƖNA HƐ DƖMƐ.’ ”

HAGAƖ 1:14

Ŋɩɩ nɛ La TƖƖNA joŋ tʋɔbɩɩnaa hɛ Zerubabɛl lɛ, nɩɩ-la sɩɩ beŋ Juda tinteeŋ arɩ Josua ma sɩ ŋaa Wɩɩsʋllɩ sɩpaalaaraa nɩhɩaŋ arɩ nɩkaanaa kala lɛ. Zerubabɛl nyɩmma nɛ fa Sɩalɩtɩɛl, Josua ma nyɩmma nɛ fa Jehozadak. Ba kʋ suomo tɩtɩŋ ba TƖƖNA doluŋ kala Tɩɩna dɩɩ-bal-la tɩntɩŋŋaa.

ZƐKARƖYA 10:6

Mɩ jaŋ leŋ dɩ Juda nɩaa kɛŋ doluŋ aŋ laa Josɛf doho nɩaa ta. Mɩ jaŋ fá ba nenige a kɛmba mɩɩra kɔ dɩa. Ba jaŋ nagɛ nɩa mɩ fa sɩ bɩ vɩa ta, bɛɛ wɩaa, mɩ nɛ ba TƖƖNA Wɩa, mɩ jaŋ laa ba sʋla.

ZƐKARƖYA 2:4

a bʋla pʋ: “Fá mʋ bʋla pɩ bapʋɔsɩ-bie-la, ‘Jerusalɛm jaŋ ŋaa tabal kɛrɩsɩŋ sɩ bɩ gollo, a tɩŋ nɩaa arɩ pʋsʋŋ sɩ jaŋ faasa yʋgɛ ʋ lɛ wɩaa.

ZƐKARƖYA 2:5

Mɩ tɩtɩa jaŋ nagɛ kɛrɛ sɩ kɛŋ nyiniŋ a gollu, mɩ jaŋ hɛ ʋ tʋɔŋ a ŋaa ʋ tʋla.’ ” La TƖƖNA nɛ bʋla.

ZƐKARƖYA 2:6

La TƖƖNA sɩ, “Má kɔ, má kɔ. Má fá lɩɩ wɩɩpɔsʋŋ nagʋa tinteeŋ lɛ. Mɩ kɛmma pɩsa hɛ dʋnɩa loŋgorunuŋ banɛsɛ-la lɛ nɛ.

ZƐKARƖYA 4:9

Ʋ sɩ, “Zerubabɛl nɛ bil mɩ dɩɩ-balɩŋ deeŋ gentine. Ʋ nɛ saa jaŋ saaʋ dɛrɛ ma, dɩ ŋɩɩ nɛ ŋaa, mɩ nɩaa jaŋ jɩŋ arɩ ba TƖƖNA doluŋ kala Tɩɩna nɛ tɩmmɛ ba teeŋ.

ZƐKARƖYA 8:3

Wɩɩ-la La TƖƖNA sɩ bʋla nɛ ŋ-la: “Mɩ jaŋ mɩɩra kɔ Zaayɔŋ a hɛ Jerusalɛm lɛ. Ŋɩɩ nɛ ba jaŋ yɩyɩrɛ Jerusalɛm tabal-la sɩ kɛŋ wʋtɩtɩɩ. Ba jaŋ yɩyɩrɛ mɩ-na ma TƖƖNA doluŋ kala Tɩɩna peeliŋ ma, Peel-la sɩ bɩ disiniŋ kɛnɛ.”