ZƐKARƖYA 1:14 - WƖA TENIŊ

¹⁴ Ŋɩɩ nɛ Wɩa tɩndaarʋ-la sɩɩ bʋl wɩaa mɩ teeŋ sɩ, “Heele bʋl wɩɩŋ deeŋ: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: ‘Mɩ yaraa chaasa bibieri Jerusalɛm nɩaa arɩ Zaayɔŋ wɩaa nɛ.

ZƐKARƖYA 1:14 ပူးပေါင်းရင်းမြစ်များ

AZAAYA 37:32

Nɩaa ha jaŋ ka Jerusalɛm arɩ Zaayɔŋ peel-la lɛ a pɛ. La TƖƖNA doluŋ kala Tɩɩna chaasa kɛŋ ʋ tɩtɩa hɛ dɔŋɔ nɛ dɩ ʋ ŋaa wɩɩŋ deeŋ.

AZAAYA 38:22

Ŋɩɩ nɛ Hezikaaya ma pɩɛsɛ, “Magɩl bɛɛ nɛ La TƖƖNA jaŋ joŋo dagɛ arɩ mɩ jaŋ wuo jʋʋ La TƖƖNA dɩɩ-bal-la?”

AZAAYA 40:1

La Wɩa sɩ, “Nyagɛ mɩ nɩaa bɔyɛ woruŋ dɩ ba tʋɔŋ pɩŋ dɩ-bala.”

AZAAYA 40:2

Má fɩɛla bʋl wɩaa pɩ Jerusalɛm nɩaa dɩ ba tʋɔŋ pɩŋ dɩ-bala, arɩ hɛɛ-la ba fa sɩɩ na dɛrɛ nɛ. La TƖƖNA leŋe ba tiŋ ba wʋbɔŋŋɔɔ chɩmɩŋ kala nɛ, ʋ dɔgɩsɛba naansɩɩŋ bʋlɩa nɛ a tɩŋ ba wʋbɔmɔ-la wɩaa.

AZAAYA 40:6

Ŋɩɩ nɛ mɩ nɩɩ yikoro dɩ ʋ bʋla, “Ŋmoo niiŋ.” Mɩ pɩɛsɛ, “Mɩ ŋmoo niiŋ a mʋ tɩgɛ wʋbɛɛ lɛ? Nuhuobiinee kala nagɛ yaŋ nɛ, ba tʋla ma kala nagɛ ya-fɩɩlaa nɛ ba bɩ dieni.

AZAAYA 42:13

La TƖƖNA jaŋ kɔ a nagɛ bayuori duoŋ, a nagɛ laalɩyuori babii-balɩŋ sɩ kɛŋ ʋ tɩtɩa hɛ dɔŋɔ dɩ ʋ yuo laalɩŋ. Ʋ jaŋ kpɩa laalɩyuori-goŋ aŋ yuo dii ʋ dʋndɔŋŋɔɔ.

AZAAYA 59:17

Tʋɔpʋla nɛ ŋaa ʋ laalɩyuori bɔɩ-tɔrɛ kʋa, nɩaa laatanɩŋ ma nɛ ŋaa ʋ nyunchu-gbaŋkogo. Ʋ baanɩŋ ʋ sɩ jaŋ joŋo tiŋ nɩaa lɛ ma nagɛ gɛrɩŋ ʋ joŋo laalɛ. Tʋɔ-la ma ʋ sɩ kɛnɛ dɩ ʋ ŋaa ŋɩɩ nagɛ gɛrɛ-bɔsɔ nɛ ʋ baagɛ.

AZAAYA 63:15

La TƖƖNA, ŋ kɛŋ tʋla nɛ woruŋ a bɩ disiniŋ kɛnɛ a hɔŋ ŋ kuoru kpasa nyuŋ Wɩa-jaŋ lɛ. Gʋra bee na wɩalɩŋ sɩɩ ŋaa la lɛ. Ŋɩɩ ŋ fa sɩ chɩl la wɩaa mʋ nɩɩ nɛ? Nɩɩ nɛ ŋ dol-la hɛ? Nɩɩ nɛ ŋ chono-la ŋ sɩ kɛnɛ a fɩfá nɩaa nenige mʋ? Sɩ́ la vɩa ta.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

ƐZƖKƖƐL 36:5

Mɩ-na ma TƖƖNA Wɩɩjarɩbakɔ na baanɩŋ nɛ tinteye-la sɩ gollima arɩ Ɛdɔm tinteeŋ kala nyuŋ. Ba mɔŋ mɩ nɩaa nɛ a sieri ba lɛ, a laa mɩ tinteeŋ ma ʋ ŋaa ba kʋŋ a kɛŋ ʋ pʋsʋŋ dɩ-diilee ma kaa laa.

HOSIA 11:8

Efirem, ɛɛ nɛ mɩ jaŋ ŋaa a joŋuŋ ta? Iziral, ɛɛ nɛ mɩ jaŋ ŋaa a joŋuŋ pa? Ɛɛ nɛ mɩ jaŋ ŋaa a dɔgʋsʋŋ a nagɛ mɩ sɩ ŋaa ŋɩɩ taŋ-la ba sɩɩ yɩrɛ Adɩma lɛ? Ɛɛ nɛ mɩ jaŋ ŋaa a cheyiŋ a nagɛ mɩ sɩ chei taŋ-la ba sɩɩ yɩrɛ Zeboyim ŋɩɩ? Mɩ tʋɔbɩɩnaa kpaa bʋlɩa nɛ, mɩ tʋɔŋ ka wɩɩ ŋ lɛ nɛ.

JOWƐL 2:18

Ŋɩɩ nɛ La TƖƖNA yaraa jaŋ bieri ʋ tinteeŋ wɩaa, dɩ ʋ fá ʋ nɩaa nisusuŋ.

NAHUM 1:2

La TƖƖNA Wɩa ŋaa Wɩa sɩ bɩ hadɔrʋŋ ka chɛ nɛ. Dɩ ŋ nɛ bɩ ʋ sɛyɛ, ʋ jaŋ dɔgʋsʋŋ. La TƖƖNA baanɩŋ nɛ sie, ʋ yie ŋaa wɩaa tiŋ ʋ dʋndɔŋŋɔɔ nɛ dɩ ba nɛ ŋaa wɩɩ cheyu.

ZƐKARƖYA 1:13

Ŋɩɩ nɛ La TƖƖNA fɩɛlɛ bʋl wɩaa sɩ zɔmɔ a tutuu tʋɔŋ a pɩ ʋ tɩndaarʋ-la sɩɩ bʋl wɩaa mɩ teeŋ.

ZƐKARƖYA 1:17

Ha heele bʋl: Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: ‘Dʋa jaŋ bɩra yʋgɛ mɩ tasɩŋ lɛ. Mɩ-na ma TƖƖNA jaŋ nyagɛ Zaayɔŋ bɔyɛ, aŋ lɩɩsɛ Jerusalɛm dɩ ʋ ŋaa mɩ tabalɩŋ.’ ”

ZƐKARƖYA 1:9

Ŋɩɩ nɛ mɩ pɩɛsɛ, “Mɩ nɩhɩaŋ, bɛɛ kɩaa nɛ ŋ-la?” Wɩa tɩndaarʋ-la fa sɩɩ bʋl wɩaa mɩ teeŋ bʋl, “Mɩ jaŋ dagɩŋ kɩalɩŋ ba sɩ ŋaa.”

ZƐKARƖYA 4:1

Ŋɩɩ nɛ Wɩa tɩndaarʋ-la sɩɩ bʋl wɩaa mɩ teeŋ mɩɩra kɔ a chɩsɛmɛ a nagɛ ba sɩ chɩsɛ nɩa doŋ lɛ.