WƖA YƖƖLAA 72:2 - WƖA TENIŊ

² dɩ ʋ wuo beŋ ŋ nɩaa arɩ wʋtɩtɩɩ a wasa nyaŋ summoo.

WƖA YƖƖLAA 72:2 ပူးပေါင်းရင်းမြစ်များ

2 SAMƲƐL 23:3

Iziral Wɩa, nɩɩ-la sɩ kɛŋ doluŋ a nagɛ bʋŋ bʋla pɩmɛ: ‘Dɩ kuoro nɛ kɛŋ tʋɔpʋla a bibeŋ ʋ nɩaa nyuŋ, a to Wɩa niiŋ lɛ a bibemba,

1 KUOROO 10:9

Mɩɩ dɛnnɛ ŋ Tɩɩna Wɩa, ʋ tʋɔŋ sɩ tɔrɛ ŋ nyuŋ, ʋ leŋ ŋ dii Iziral tɩŋŋaa kuoruŋ. A tɩŋ La TƖƖNA sɩ cho Iziral tɩŋŋaa a kaa mʋ wuu nɛ tɩɩ ʋ joŋuŋ ŋ ŋaa ba kuoro, dɩ ŋ kɛŋ wʋtɩtɩɩ arɩ tʋɔpʋla a bemba.”

1 KUOROO 3:28

Iziral tɩŋŋaa kala sɩ nɩɩ ŋɩɩ kuoro sɩ dii sarɩya-la, ba kala zizilu woruŋ. Ba jɩŋ arɩ Wɩa pʋ wʋjɩmɩŋ nɛ dɩ ʋ kaa dii sarɩya ʋ bʋa lɛ.

1 IZIRAL TƖŊŊAA NAABARƖŊ 29:19

Leŋ dɩ mɩ nanʋala Solomoŋ kɛŋ tʋɔ-la sɩ jaŋ leŋ dɩ ʋ to wɩalɩŋ kala ŋ sɩ daga aŋ pɛ kɛŋ kɩalɩŋ mɩ sɩ chɛ bil a saa ŋ dɩa-la.”

JOB 34:19

Wɩa nɛ ŋaa la kala, ʋ bɩ sɩpaalaaraa kaa pɔrɔ bil ba dʋndʋŋ, ʋ bɩ kɩaa tɩŋŋaa ma nɛ cho a kɩɩ summoo.

WƖA YƖƖLAA 12:5

La Tɩɩna sɩ, “Mɩ jaŋ kɔ lɛɛlɛ a tɩŋ ba sɩɩ dɔgɩsɛ nɩalɩŋ sɩ bɩ ba tɩtɩa lɛ wuo pɛ arɩ summoo ba yiyel. Mɩ jaŋ laaba ta nɩalɩŋ sɩɩ dɔgɩsɛba nɩsɩŋ lɛ.”

NAMAGABA 29:14

Dɩ kuoro nɛ dii sarɩya dɩ summoo ma wuo nɩna ba wʋchɛɛlɛɛ, ʋ kuoruŋ jaŋ dieni.

AZAAYA 32:1

Má bee na, kuoru kʋbala jaŋ kɛŋ tʋɔpʋla a beŋ nɩaa nyuŋ. Tinteyee sɩpaalaaraa jaŋ kɛŋ wʋtɩtɩɩ a bibeŋ ba nɩaa.

AZAAYA 32:17

A tɩŋ nʋʋkala sɩ kɛŋ tʋɔpʋla wɩaa, ma jaŋ hɔŋ arɩ fɩɛlɩŋ. Wɩɩkala bɩra bɩ jaŋ walɩmɛma a kaa mʋ wuu.

AZAAYA 9:7

Ʋ kuoruŋ doluŋ arɩ ʋ fɩɛlɩŋ jaŋ pʋŋa pɩpɛ a kaa mʋ wuu, ʋ bɩ jaŋ dɛrɛ. Ʋ nɛ jaŋ hɔŋ Devit kuoru kpasa-la nyuŋ a beŋ ʋ nɩaa a kɛŋ kuorii-la woruŋ a leŋ dɩ ʋ chɩŋ kpaŋkpaŋ. Ʋ jaŋ kɛŋ wʋtɩtɩɩ arɩ tʋɔpʋla a benu a lɩɩ bʋa-la lɛ a kaa mʋ wuu. La TƖƖNA doluŋ kala Tɩɩna nyuŋ sɩ nyaasɛ wɩɩŋ deeŋ lɛ nɛ jaŋ leŋ dɩ ʋ ŋaa.

JƐRƖMAAYA 33:15

Tapʋlɩa-la lɛ, mɩ jaŋ lɩɩsɛ nʋʋ sɩ ŋaa tʋɔpʋl Tɩɩna Devit doho nɩaa tʋɔŋ dɩ ʋ dii kuoruŋ. Ʋ jaŋ ŋaa wɩaa ba bʋa lɛ arɩ wʋtɩtɩɩ tintee-la lɛ.

ƐZƖKƖƐL 34:16

Mɩ jaŋ chɛ kɛsɛ mɩ piese-la sɩ lɛlɛ, aŋ kɛŋ kɩalɩŋ ma sɩ yeŋŋe mɩɩra kɔ, a vɔɔ tɔ kɩalɩŋ ma sɩ pɩra naawɩɩlaa, a pɩ kɩalɩŋ ma sɩ bɩ doluŋ kɛnɛ doluŋ. Ama kɩalɩŋ sɩ nɛrɛ arɩ kɩalɩŋ sɩ kɛŋ doluŋ, mɩ jaŋ cheiba, bɛɛ wɩaa mɩ ŋaa pie-daarʋ-la sɩɩ ŋaa wɩaa ba bʋa lɛ nɛ.

Jɔɔŋ Wʋnaalaa 19:11

Ŋɩɩ nɛ mɩ na Wɩa-jaŋ dɩ ʋ suro. Mɩ beŋ a na ja-pʋla dɩ nʋʋ jɩla. Nɩɩ-la sɩ jɩla yɩrɩŋ nɛ Nɩtɛŋɛ arɩ Wʋtɩtɩɩ Tɩɩna. Ʋ dii nɩaa sarɩya arɩ wʋtɩtɩɩ nɛ, aa yuo laalɩŋ ma arɩ wʋtɩtɩɩ.