WƖA YƖƖLAA 69:8 - WƖA TENIŊ

⁸ Mɩ nagɛ nʋhʋɔrʋ nɛ mɩ naambiiriŋ teeŋ, mɩ dɩ nɩalɩŋ sɩ pɛ naaŋ ma teeŋ, mɩ nagɛ nɩwogo.

WƖA YƖƖLAA 69:8 ပူးပေါင်းရင်းမြစ်များ

WƖA YƖƖLAA 31:11

Mɩ dʋndɔŋŋɔɔ kala nɛ kɛmmɛ ŋmuŋmoo gbɛɛŋ, a wasa nyaŋ mɩ dɩ nɩalɩŋ sɩ jʋʋ kpɩkpagɛ dɔŋɔ. Nɩalɩŋ sɩ jɩmmɛ mɩɩra fɩfámɛ. Dɩ ba nɛ na mɩ wombiiŋ lɛ, ba gɛbɛ.

WƖA YƖƖLAA 38:11

Mɩ nandɔnsʋŋ arɩ mɩ toori-dɔsʋŋ vɩamɛ ta nɛ, a tɩŋ mɩ naawɩɩlaa wɩaa. Mɩ pɛ-jʋʋraa ma bɩ chɛ dɩ ba kpagɛmɛ.

WƖA YƖƖLAA 89:51

La Tɩɩna, mɩ nɛ nɩɩ-la ŋ sɩ lɩɩsa, ama ŋ dʋndɔŋŋɔɔ kire to mɩ harɩŋ nɛ a mʋmɔmmɛ lee-kala mɩ sɩ yie mʋ.

WƖA YƖƖLAA 89:52

Má dɛnnɛ La Tɩɩna a kaa mʋ wuu. Amɩɩ, Amɩɩ.

AZAAYA 50:6

Mɩ joŋ harɩŋ yɩa nɩalɩŋ sɩ ŋmoo mɩ nɛ, aŋ fʋʋla yagɛ nɩalɩŋ ma sɩɩ sieri mɩ lɛ a kɛŋ mɩ tɔŋ-pʋnaa lɩlɛrɛ aŋ pɛ tʋ nantʋɔrʋŋ hɩhɛ mɩ sɩaa lɛ mɩ bɩ mɩ sɩaa kaa faaba.

AZAAYA 53:3

Nuhuobiinee vɩaʋ nɛ, bɛɛ wɩaa ba sɩɩŋ bɩ ʋ suo. Ʋ ŋaa nʋʋ sɩ kɛŋ tʋɔ-cheeŋ nɛ a mal hɛɛŋ. Nɩaa paala bɩ cho dɩ ba naʋ. Ba bɩ ʋ bene dɩ ʋ ŋaa kʋŋkala, la lɩɩsɛ la jɩa ta ʋ lɛ.

AZAAYA 53:4

Wʋtɩtɩɩ, ʋ nɛ laa la nyanyalaa arɩ hɛɛ-la kala la sɩ na a chʋŋ. Ka la ha bɩɩnɛ arɩ hɛɛ-la ʋ sɩ na, Wɩa nɛ dɔgɩsʋ.

JƐRƖMAAYA 15:15

La TƖƖNA, ŋ jɩŋ wɩɩkala sɩaa nɛ, liisi mɩ wɩaa aŋ beŋ mɩ nyuŋ. Laa mɩ yuosuŋ yuo pɩmɛ nɩalɩŋ sɩ to naasɩŋ dɔgɩsɛmɛ lɛ. Sɩ́ nyalɩma bibeŋ ka dɩ ba kpʋmɛ. Liise yi ŋɩɩ mɩ sɩ dii hɩɩsɩŋ ŋ wɩaa.

Matiu 26:56

Ama wɩɩŋ deeŋ kala ŋaa dɩ wɩalɩŋ Wɩa wʋlaabʋllaa sɩ ŋmʋnsa kʋ ŋaa wʋtɩtɩɩ nɛ.” Ŋɩɩ nɛ Yesu harɩ-tooro-la kala vɩaʋ aŋ fá.

Jɔɔŋ 1:11

Ʋ kɔ ʋ tɩtɩa jáŋ, ama ʋ jáŋ nɩaa bɩ ʋ laa.

Jɔɔŋ 7:5

Ba tɩtɩa paala bɩ ʋ laa dii, ŋɩɩ nɛ tɩɩ ba bʋl ŋɩɩ.

1 SAMƲƐL 17:28

Devit malɩma Ɛlɩab sɩ nɩa dɩ Devit ka bʋl wɩaa laalɩyuoro-la teeŋ, ʋ baanɩŋ faasa sii ʋ nyuŋ kɩŋkɛŋ ʋ pɩɛsʋ, “Bɛɛ nɛ tɩɩ ŋ kɔ daha? Kʋbɛɛ nɛ ŋ joŋ piese-la baŋmɛnɛ pa pɔkɔŋ nyuŋ? Mɩ jɩŋ ŋ nyuduoŋ arɩ ŋ tʋɔhɛɛŋ wɩaa nɛ, ŋ kɔ dɩ ŋ na ŋɩɩ la sɩɩ yuo laalɩŋ nɛ.”