WƖA YƖƖLAA 69:13 - WƖA TENIŊ

¹³ Ama La Tɩɩna, ŋ nɛ mɩ sʋsʋl. Wɩa, ŋ chonuŋ sɩ yʋga wɩaa laa mɩ sʋla bʋa-la ŋ sɩ cho a pɛ mɩ lɛ.

WƖA YƖƖLAA 69:13 ပူးပေါင်းရင်းမြစ်များ

WƖAA DƖ-SUOMUŊ 24:27

aŋ bʋl, “Mɩɩ dɛnnɛ mɩ Tɩɩna, mɩ nɩhɩaŋ Abɩraham Wɩa, ʋ sɩ bɩ mɩ nɩhɩaŋ vɩa ta aŋ dagɛ ʋ zile arɩ ʋ wʋtɩtɩɩ, mɩ na dɩ La TƖƖNA nɛ kɛmmɛ vɛŋ wombiiŋ a kɔ mɩ nɩhɩaŋ nɩaa teeŋ.”

ƐSƖTA 5:2

Kuoro sɩ na ʋ habidiire Ɛsɩta, dɩ ʋ kʋ jʋʋ chɩŋ ʋ sɩpaaŋ, ʋ tʋɔŋ tɔrɛ, ʋ kɛŋ ʋ kuoru dantɩga ba sɩ kɛŋ sɛlɩmɛ ŋaa a liesi Ɛsɩta. Ɛsɩta mʋ yiu a digi dantɩga-la niiŋ lɛ.

ƐSƖTA 5:6

Ba sɩ hɔnɔ nyʋnyʋa tɩɩ-nɛnɛ sɩnɩŋ, kuoro bɩra pɩɛsɛ Ɛsɩta, “Bɛɛ nɛ ŋ chɛ dɩ mɩ ŋaa pɩŋ? Dɩ ŋ nɛ paalaa chɛ dɩ mɩ kɛŋ mɩ tinteeŋ a kpaa leree balɩa, dɩ ŋ kɛŋ dɔŋɔ ma, mɩ jaŋ ŋaa ŋɩɩ.”

ƐSƖTA 7:2

ba sɩ hɔnɔ a nyʋnyʋa kʋnyʋalaa lɩamɩŋ lɛ nɛ kuoro bɩra pɩɛsɛ, “Ɛsɩta, bɛɛ nɛ ŋ chɩchɛ? Bʋl mɩ jaŋ ŋaa pɩŋ. Dɩ ʋ nɛ paala magɛ dɩ mɩ kɛŋ mɩ tinteeŋ kaa kpaa leree balɩa, dɩ ŋ joŋ dɔŋɔ ma, mɩ jaŋ ŋaa ŋɩɩ pɩŋ.”

WƖA YƖƖLAA 32:6

Ŋɩɩ wɩaa nɩalɩŋ kala sɩɩ to La Tɩɩna maga dɩ ba sʋlʋ nɛ dɩ hɛɛŋ nɛ jʋʋba. Ŋɩɩ nɛ jaŋ leŋ dɩ wʋjʋʋlaa nɛ paala yʋgɛ a kʋkɔ ma, dɩ ba sɩ́ ba yi.

WƖA YƖƖLAA 51:1

Wɩa, ŋ chonuŋ sɩ bɩ dɛrɛ wɩaa, mɩɩ sʋlʋŋ, fá mɩ nenige. Ŋŋ fá nɩaa nenige kɩŋkɛŋ nɛ. Mɩɩ sʋlʋŋ, joŋ mɩ wʋbɔmɔ-la chɛmɛ.

WƖA YƖƖLAA 91:15

Dɩ ba nɛ yɩrɛmɛ, mɩ jaŋ sɛɩ. Dɩ ba nɛ jʋʋ wɩɩ ma, mɩ jaŋ hɛ ba teeŋ, a laaba ta a zilba.

WƖA YƖƖLAA 98:3

Ʋ liise yi ʋ chono-la arɩ wʋtɩtɩɩ-la ʋ sɩ kɛnɛ Iziral tɩŋŋaa lɛ nɛ. Dʋnɩa nɩaa kala na ŋɩɩ la Wɩa sɩ laa nɩaa tɩta nɛ.

AZAAYA 49:8

La TƖƖNA bʋla pɩ ʋ nɩaa, “Dɩ bʋa-la sɩ maga dɩ mɩ laa nɩaa ta nɛ yie, mɩ jaŋ pɛ ŋ lɛ. Mɩ jaŋ pɔŋ woruŋ, a leŋ dɩ ŋ ŋaa nii sɩ hɛ mɩ dɩ nɩaa pɛgɛ. Ba jaŋ wasa saa ba jikpeeni-la kala a hɔŋ nɩmɛ.

AZAAYA 55:6

Má chɛ La TƖƖNA, ma jaŋ naʋ, lɛɛlɛ ʋ kpagɛma nɛ.

JEMBIEE 3:63

Bee naba, dɩ ba hɔnɔ nɛ koo dɩ ba chɩna nɛ, ba kɛmmɛ hɛ yɩɩlaa nɛ a sisieri mɩ lɛ.

MƖKA 7:20

Ŋ jaŋ kɛŋ wʋtɩtɩɩ Jekɔb teeŋ, a fá Abɩraham doho nɩaa nenige, a nagɛ ŋ sɩ hɛ niiŋ pɩ la naabalɩmaba ŋɩɩ faafaa kala.

Luuk 1:72

Ʋ bʋla arɩ ʋ jaŋ fá la doho nɩaa nenige, a liise yi nii-zɔŋ-la ʋ sɩ bile ʋ dɩ la naabalɩmaba pɛgɛ.

Luuk 22:44

Ʋ tʋɔŋ fa faasa chei nɛ woruŋ. Ŋɩɩ nɛ ʋ chʋɔlɛ Wɩa arɩ sɩɩfɩɛsɩŋ, ʋ suoluŋ paala nagɛ chalɩŋ a tutuu tinteeŋ.]

2 Kɔrɩntɩ Nɩaa 6:2

Wɩa tɩtɩa bʋl wɩɩŋ deeŋ ʋ teniŋ tʋɔŋ. Ʋ sɩ, “Bʋa-la lɛ mɩ sɩ cho nɛ mɩ jegile nɩɩ ma teeŋ. Tapʋlɩɩ-la sɩ maga mɩ laama ta, mɩ pɛ ma lɛ nɛ.” Má bee na, lɛɛlɛ nɛ Wɩa chɛ ʋ dagɛ ʋ chonuŋ, jɩnɩŋ nɛ ŋaa tapʋlɩɩ-la Wɩa sɩɩ chɛ dɩ ʋ laama ta.

Hiburu TƖŊŊAA 5:7

Yesu fa sɩ hɛ ʋ mɩɩsɩŋ lɛ dʋnɩa deeŋ lɛ, ʋ chʋɔlɛ Wɩa a faasa yel sɩlɩɩrɩŋ a sʋl Wɩa, ʋ-na nɩɩ-la sɩ jaŋ wuo laa ʋ mɩɩsɩŋ ta dɩ ʋ sɩ́ sʋʋ. Yesu kɛŋ ʋ tɩtɩa muuri nɛ a ŋaa wɩalɩŋ sɩɩ tɔrɛ Wɩa tʋɔŋ, ŋɩɩ nɛ tɩɩ Wɩa laa ʋ Wɩɩsʋlʋŋ.

1 Pɩɩta 2:23

Arɩ nɩaa sɩ tʋʋsʋ ma kala, ʋ bɩ laa tʋʋsɛ. Ba sɩ dɔgɩsʋ kala ma, ʋ bɩ bʋla arɩ ʋ ma jaŋ dɔgɩsɛba. Ʋ ta joŋ wɩɩkala a hɛ Wɩa nɩsɩŋ lɛ nɛ, nɩɩ-la sɩ jaŋ kɛŋ wʋtɩtɩɩ a dii nɩaa sarɩya.

1 SAMƲƐL 25:8

Dɩ ŋ nɛ pɩɛsɛ tɩntɩnna-la, ba tɩtɩa jaŋ bʋla pɩŋ. Ŋɩɩ wɩaa, kɛŋ mɩ bapʋɔsɛ biisiŋ deemba woruŋ, bɛɛ wɩaa gbiele tapʋlɩɩ nɛ la kɔ daha. Mɩɩ sʋlʋŋ, kʋ-la kala ŋ sɩ kɛnɛ, ŋ jaŋ wuo joŋo pɩ ŋ tɩntɩnnaa arɩ ŋ nanʋala Devit.’ ”