WƖA YƖƖLAA 67:4 - WƖA TENIŊ

⁴ A leŋ dɩ tinteyee nɩaa tʋɔŋ tɔrɛ dɩ ba yɩɩ yɩɩlaa arɩ tʋɔtɔrʋŋ, bɛɛ wɩaa ŋ dii nɩaa sarɩya arɩ wʋtɩtɩɩ nɛ, aŋ bibeŋ tinteyee nɩaa kala.

WƖA YƖƖLAA 67:4 ပူးပေါင်းရင်းမြစ်များ

WƖAA DƖ-SUOMUŊ 18:25

Ʋ bɩ kɩsɛ dɩ ŋ kpʋ tʋɔpʋl tɩŋŋaa arɩ nɩbɔŋŋɔɔ kala hɛ dɔŋɔ lɛɛ? Ŋɩɩ bɩ kɩsɛɛ, Nɩɩ-la sɩ jaŋ dii dʋnɩa kala sarɩya sɩ jaŋ ŋaa ŋɩɩ?”

WƖA YƖƖLAA 2:8

Pɩɛsɛmɛ, mɩ jaŋ joŋ tinteye-la kala sɩ hɛ tinteeŋ lɛ a pɩŋ dɩ ba ŋaa ŋ kɩaa.

WƖA YƖƖLAA 82:6

Mɩ sɩ, ‘Ma kala nagɛmɛ nɛ, ma ŋaa mɩ-na Wɩa sɩ kɩɩ kʋŋkala biiriŋ nɛ,’

WƖA YƖƖLAA 9:8

Ʋʋ dii dʋnɩa nɩaa sarɩya arɩ tʋɔpʋla nɛ, aa beŋ tinteyee nɩaa arɩ wʋtɩtɩɩ.

WƖA YƖƖLAA 96:10

Má bʋla pɩ tinteyee nɩaa kala, “La Tɩɩna nɛ kuoro. Ʋ nɛ leŋe tinteeŋ chɩŋ nɛ kpaŋkpaŋ, kʋŋkala bɩ jaŋ wuo kɛnʋ jigisi. Ʋ jaŋ dii dʋnɩa nɩaa sarɩya arɩ wʋtɩtɩɩ.”

WƖA YƖƖLAA 98:9

Leŋ dɩ ba yɩɩ yɩɩlaa La Tɩɩna sɩpaaŋ, bɛɛ wɩaa ʋ kɔ dɩ ʋ dii dʋnɩa nɩaa sarɩya nɛ. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

AZAAYA 54:1

La TƖƖNA sɩ, “Jerusalɛm, yɩɩ yɩɩlɩŋ. Ŋ fa nagɛ hapɩrɩŋ nɛ, ŋ bɩ bii kɛnɛ, ŋ fa ha paala bɩ ha-lʋllɩ luoruŋ wɩɩ na. Ama lɛɛlɛ yɩɩ yɩɩlaa arɩ tʋɔtɔrʋŋ, bɛɛ wɩaa ŋ jaŋ kɛŋ biiriŋ yʋgɛ a kɩɩ haala sɩ kɛŋ bala.”

AZAAYA 55:4

Mɩ fa leŋe ʋ ŋaa nɩaa sɩpaalaarʋ nɛ a ŋaa laalɩyuori-hɩaŋ. Ʋ lɛ nɛ mɩ to a dagɛ mɩ doluŋ.

AZAAYA 60:6

Bʋntaŋɩ-laalɩŋ jaŋ lɩɩ Midia arɩ Ɛfa tinteeŋ a kʋ su ŋ tinteeŋ kala. Ba jaŋ chʋŋ sɛlɩmɛ arɩ kʋsʋɔrʋsʋŋ a lɩɩ Sɛba tinteeŋ a kɔ, a dɩdɛnnɛ mɩ-na ma TƖƖNA.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

Rom Tɩŋŋaa 2:5

Ma tʋɔŋ dolie. Ma vɩa dɩ ma bɩrɩma lɩɩ ma wʋbɔŋŋɔɔ lɛ nɛ. Ma wasa ŋaa Wɩa baanɩŋ faasa sisii nɛ. Tapʋlɩɩ-la ʋ sɩ jaŋ dii dʋnɩa nɩaa sarɩya, ʋ jaŋ dii sarɩya arɩ wʋtɩtɩɩ dɩ nɩaa na.

Galiisia Nɩaa 4:27

Wɩa teniŋ tʋɔŋ ba sɩ, “Hapɩrɩŋ, jʋjʋɔsɛ. Ŋ-na nɩɩ-la sɩ bɩ bii lʋla. Faasa ŋaa goŋ arɩ tʋɔtɔrʋŋ, ŋ-na nɩɩ-la ha sɩ bɩ halʋllɩ luoruŋ wɩɩ na bɛɛ wɩaa ha-vɩa taalɩŋ jaŋ lʋl biiriŋ yʋgɛ a kɩɩ haal-la sɩ kɛŋ bala.”

MOSIS BƖRA WULLI WƖA WOMBIIŊ 32:43

Tinteyee nɩaa, ma pɛ La TƖƖNA nɩaa lɛ a jʋɔsɛ, La TƖƖNA jaŋ chɩŋ ʋ nɩaa nyuŋ a laa ba yuosuŋ yuo, aŋ joŋ ʋ nɩaa wʋbɔŋŋɔɔ chɛba aŋ pɩɩsɛ ba tinteeŋ disiniŋ ta.