WƖA YƖƖLAA 51:3 - WƖA TENIŊ

³ Mɩ jɩŋ mɩ wʋbɔŋŋɔɔ kala nɛ, ba hɛ mɩ tʋɔŋ lɛ nɛ bʋa na-kala.

WƖA YƖƖLAA 51:3 ပူးပေါင်းရင်းမြစ်များ

NƐHƖMAAYA 9:2

Ba fa kɛŋ ba tɩtɩa pɔrɛ lɩɩ nɩwogusu-la kala sɩ hɛ ba tʋɔŋ lɛ nɛ. Ba fa sii chɩŋ nɛ a dagɛ ba wʋcheelee arɩ wʋbɔmɔ-la ba naabalɩmaba sɩ ŋaa.

JOB 33:27

Ŋɩɩ lɛ nɛ ʋ jaŋ kʋ bʋla pɩ nɩaa, ‘Mɩ ŋaa wʋbɔŋ nɛ a kɛŋ wʋtɩtɩɩ a kaa bɩrɩmɛ. Ama Wɩa joŋo chɛmɛ nɛ.

WƖA YƖƖLAA 32:5

Mɩ sɩ, “Mɩ jaŋ dagɛ mɩ wʋbɔŋŋɔɔ pɩ La Tɩɩna.” Ŋɩɩ nɛ mɩ dagɛ ba kala pɩŋ a bɩ kaa faaŋ. Ŋ joŋ ba kala chɛmɛ.

WƖA YƖƖLAA 38:18

Mɩ dagɛ mɩ wʋbɔŋŋɔɔ pɩŋ nɛ, ba wɩaa ka walɩmɛmɛ nɛ woruŋ.

WƖA YƖƖLAA 40:12

Mɩ wʋwalɩmaa yʋga a gollimi, mɩ bɩ ba wuo dɩɩsɛ. Mɩ wʋbɔŋŋɔɔ gollimi nɛ, mɩ bɩra bɩ na. Mɩ wʋbɔŋŋɔɔ yʋga a kɩɩ mɩ nyu-pʋnaa, a leŋ mɩ nandaasɩŋ kala yʋɔrɛ.

WƖA YƖƖLAA 41:5

Mɩ dʋndɔŋŋɔɔ bʋl wʋbɔŋŋɔɔ nɛ a tɩgɛ mɩ lɛ. Baa chɛ dɩ mɩ sʋʋ nɛ, dɩ nɩaa yʋ mɩ wɩaa.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

AZAAYA 59:12

La ŋaa wɩaa yʋgɛ nɛ a cheyiŋ, la wʋbɔŋŋɔɔ joŋ cheeriŋ pɩla nɛ. La wʋcheelee daŋ la nyuŋ nɛ, la tɩtɩa jɩŋ la wʋbɔŋŋɔɔ kala nɛ.

JƐRƖMAAYA 3:25

Má leŋ la yaara kɛŋ la hɩɩsɩŋ pɩŋ, a leŋ la hɩɩsɩŋ diila. La ŋaa wʋbɔŋ nɛ La TƖƖNA Wɩa lɛ, la dɩ la naabalɩmaba kala. A chɩŋ la hambiiriŋ lɛ a kaa kɔ jɩnɩŋ, la bɩ La TƖƖNA Wɩa niiŋ to.”