WƖA YƖƖLAA 3:3 - WƖA TENIŊ

³ Ama ŋ-na La Tɩɩna nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ nɛ a tɔmɛ, a leŋ mɩ yuo diiba, mɩ nyuŋ nyaasɛ.

WƖA YƖƖLAA 3:3 ပူးပေါင်းရင်းမြစ်များ

WƖAA DƖ-SUOMUŊ 15:1

Ʋ ŋɩɩ harɩŋ nɛ Wɩa bʋl wɩaa a pɩ Abɩram arɩ duosoo tʋɔŋ. Ʋ sɩ, “Abɩram, sɩ́ leŋe dɩ fawʋllʋŋ kɛnɩŋ. Mɩ nɛ jaŋ chu tɔ ŋ lɛ, ŋ time jaŋ yʋgɛ.”

WƖAA DƖ-SUOMUŊ 40:13

Dɩ tapʋlaa batori-la nɛ yie, Ijipiti tinteeŋ kuoro jaŋ lɩɩsɩŋ nɩtɔɔrɩ dɩa lɛ a bɩra leŋ dɩ ŋ tɩtɩŋ ŋ tɩntɩŋŋaa arɩ ŋ fa sɩɩ tɩŋ ŋɩɩ. Ŋ jaŋ bɩra joŋ ʋ nyʋnyʋala a pʋpʋ arɩ ŋ fa sɩɩ ŋaa ŋɩɩ.

2 KUOROO 18:30

Má sɩ́ leŋe dɩ Hezikaaya nyɩsɛma dɩ ma joŋ ma yɩɛlaa hɛ ma TƖƖNA lɛ, arɩ ʋ sɩ sɩ ma TƖƖNA bɩ jaŋ sɛɩ joŋ ma tabal-la a pɩ Asiiria kuoro.

2 KUOROO 18:32

ŋɩɩ deeŋ deeŋ a mʋ yi bʋa-la lɛ mɩ sɩ jaŋ kɛmma mʋ lee-la sɩ nagɛ ma tɩtɩa tinteeŋ, a kɛŋ mɩaa ma sɩ jaŋ kaa ŋaa kʋdiilee, girep nɛnɛɛ ma sɩ jaŋ kaa ŋaa sɩnɩŋ, nʋʋŋ tɩɩsɩŋ arɩ tʋʋŋ. Má bagɩsa lɩɩsɛ mɩɩsɩŋ aŋ leŋ sʋʋŋ. Má sɩ́ leŋe dɩ Hezikaaya kɛmma yeŋŋi, dɩ ʋ nɛ sɩ, ‘Ma TƖƖNA jaŋ laama ta.’

2 KUOROO 25:27

Ba fa sɩ kɛŋ Juda tinteeŋ kuoro Jehoyachiŋ tɔ bɩnɩŋ dɩa Babɩlɔŋ lɛ, ʋ jɩsɩŋ mara arɩ fii arɩ balɩpɛ lɛ, ŋɩɩ nɛ baal kʋbala baa yɩrɛ Evil-Merodak kʋ dii Babɩlɔŋ tinteeŋ kuoruŋ, a leŋ ba lɩɩsɛ Jehoyachiŋ bɩnɩŋ dɩa lɛ chɛŋ fii arɩ balɩa tapʋlaa mara arɩ balɩpɛ chɛɛŋ.

WƖA YƖƖLAA 110:7

Ʋ jaŋ nyʋnyʋa lɩɩŋ sɩɩ pɛllʋ wombiiŋ sɛmɛ. Ʋ sɩ ŋaa ŋɩɩ, ʋ jaŋ yuo dii nʋʋkala.

WƖA YƖƖLAA 119:114

Ŋ nɛ mɩ yuori, ŋ nɛ chu tɔmɛ. Mɩ joŋ mɩ yɩɛlaa hɛ ŋ niiŋ wɩaa lɛ nɛ.

WƖA YƖƖLAA 18:2

La Tɩɩna, ŋ nagɛ bʋŋ nɛ mɩ teeŋ, ŋ nɛ mɩ dɩ-duoŋ, ŋ nɛ laamɛ tɩta. Mɩ Wɩa, ŋ nagɛ bʋŋ nɛ mɩ teeŋ, ŋ nɛ mɩ yuori. Ŋ nɛ chu tɔmɛ, ŋ nɛ laamɛ tɩta, ŋ nɛ mɩ dɩ-duoŋ.

WƖA YƖƖLAA 27:6

Ŋɩɩ nɛ mɩ jaŋ wuo yuo dii mɩ dʋndɔmɔ-la sɩ gollimi, aŋ jʋʋ ŋ lɛbɩ-la tʋɔŋ a kpʋ pʋsʋŋ a sʋl Wɩɩsʋlʋŋ a jʋɔsa ŋaa goŋ a yɩɩ yɩɩlaa a dɛnnɩŋ.

WƖA YƖƖLAA 28:7

Ŋ nɛ ŋaa mɩ doluŋ a nagɛ hɔɔtaala-la laalɩyuoroo sɩ kaa kɛrɛɛ laa bayuori hɛŋŋɛɛ a tɔmɛ. Mɩ laaŋ dii nɛ, ŋ pɛ mɩ lɛ, mɩ tʋɔŋ kala tɔrɛ mɩ jʋjʋɔsɛ. Mɩ jaŋ lɔllʋŋ a yɩɩ yɩɩlɩŋ a dɛnnɩŋ.

WƖA YƖƖLAA 4:3

Ma jɩŋ arɩ La Tɩɩna tʋɔsɛ tʋɔpʋl tɩŋŋaa nɛ ba ŋaa ʋ nɩaa. Dɩ mɩ nɛ yɩrʋ, ʋ yie jegile nɩɩ mɩ teeŋ nɛ.

WƖA YƖƖLAA 62:7

Wɩa nɛ laamɛ ta, a leŋ mɩ kɛŋ yɩrɩŋ. Ʋ nɛ ŋaa mɩ dɩ-duoŋ sɩ nagɛ bʋŋ, mɩ yie yuori.

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

AZAAYA 45:25

La TƖƖNA jaŋ leŋ dɩ Jekɔb doho nɩaa kala ŋaa tʋɔpʋl tɩmma dɩ ba yɩrɩŋ yɩrɛ.

AZAAYA 60:19

Wɩɩpɔsʋŋ dee bɩ jaŋ ŋaa ŋ pʋlʋmʋŋ wɩɩhɛyɛ koo chɛŋ-pʋla dee bɩra bɩ jaŋ ŋaa ŋ pʋlʋmʋŋ tɩtaŋɩŋ, mɩ-na ŋ Tɩɩna nɛ jaŋ ŋaa ŋ pʋlʋmʋŋ a kaa mʋ wuu ŋ Wɩa nɛ jaŋ ŋaa ŋ tʋla.

Luuk 2:32

Bie deeŋ jaŋ nagɛ pʋlʋmʋŋ a dagɛ nɩalɩŋ sɩ bɩ Juu tɩŋŋaa ŋaa wombiiŋ, ka dɩ ŋ nɩaa Iziral tɩŋŋaa ma na.”

MOSIS BƖRA WULLI WƖA WOMBIIŊ 33:29

Iziral tɩmma, La TƖƖNA pɛ ma lɛ nɛ. Kʋbɛɛ nɛ nagɛma, ma ŋaa nɩa La TƖƖNA sɩ laa ta nɛ. Ʋ nɛ ŋaa nɩɩ-la sɩ chu tɔma a pɩpɛ ma lɛ. Ʋ nɛ ma laalɩyuoro, ma dʋndɔŋŋɔɔ jaŋ kɔ ma teeŋ a nagɛ ba kɛŋ ba tɩtɩa muuri nɛ a sʋsʋlma, ka dɩ ma vɩa aŋ yuo diiba.

Jɔɔŋ Wʋnaalaa 21:11

Wɩa tʋla chaana hɛ taŋ-la lɛ, ʋ tʋtʋl a nagɛ tabɩɩ-tʋlaa, a bɩra nagɛ tabɩɩ-la ba sɩɩ yɩrɛ jasɩpa, a tʋtʋl a nagɛ beenantɩrɛ.

Jɔɔŋ Wʋnaalaa 21:23

Tabal-la bɩra bɩ wɩɩpɔsʋŋ arɩ chɛnɛ ka chɛ, bɛɛ wɩaa Wɩa tʋla nɛ ŋaa ba pʋlʋmʋŋ. Pie-bie-la ma nɛ ŋaa ba chaanɩŋ.