WƖA YƖƖLAA 26:3 - WƖA TENIŊ

³ Mɩ yie liisi ŋ chono-la sɩ bɩ dɛrɛ wɩaa nɛ, a tuto ŋ wʋtɩtɩɩ-la bʋa kala lɛ.

WƖA YƖƖLAA 26:3 ပူးပေါင်းရင်းမြစ်များ

2 KUOROO 20:3

“Mɩ Tɩɩna, liisi ŋɩɩ mɩ sɩ laaŋ dii a toŋ arɩ mɩ tʋɔŋ kala, a ŋaa wɩalɩŋ sɩɩ tɔrɛ ŋ tʋɔŋ.” Ʋ bʋl ŋɩɩ aŋ chaasa yel woruŋ.

WƖA YƖƖLAA 101:2

Mɩ jaŋ fɩɛlɛ mɩ sɩaa a ŋaa wɩaa a sɩ́ cheeri kala kɛŋ mɩ mɩɩsɩŋ lɛ. Chɛ bɛɛ nɛ ŋ jaŋ kɔ mɩ teeŋ? Mɩ jaŋ ŋɩŋaa tʋɔpʋl wɩaa mɩ dɩa lɛ.

WƖA YƖƖLAA 119:142

Ŋ tʋɔpʋla bɩ dɩdɛrɩ kɛnɛ, wombii-la ŋ sɩ bile dɩ la tuto ma ŋaa wʋtɩtɩɩ nɛ.

WƖA YƖƖLAA 25:5

Dagɛmɛ ŋ wʋtɩtɩɩ, bɛɛ wɩaa ŋ nɛ ŋaa mɩ Wɩa, Nɩɩ-la sɩ laamɛ ta. Bʋa na-kala mɩ yɩɛlaa yie hɛ ŋ lɛ nɛ.

WƖA YƖƖLAA 52:1

Nɩbal, bɛɛ nɛ tɩɩ ŋ bibigisi ŋ wʋbɔŋŋɔɔ lɛ? Bɛɛ nɛ tɩɩ ŋ bibigisi ŋ tɩtɩa lɛ tapʋlɩɩ kala aŋ bɩ jɩŋ dɩ ŋ ŋaa nʋʋ sɩ dii hɩɩsɩŋ nɛ Wɩa sɩpaaŋ?

WƖA YƖƖLAA 86:11

La Tɩɩna, dagɛmɛ ŋ wombiiŋ, dɩ mɩ toŋ arɩ wʋtɩtɩɩ. Leŋ dɩ mɩ kɛŋ tʋɔ-bala a fɩfá ŋ-na Wɩa.

AZAAYA 2:5

Ou, Jekɔb doho nɩaa, má kɔ dɩ la vɛŋ La TƖƖNA pʋlʋmʋŋ lɛ.

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

Luuk 6:36

Má fɩfá nɩaa nenige arɩ ma Nyɩmma Wɩa sɩɩ fá nɩaa nenige ŋɩɩ.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 8:9

Ma jɩma, La Tɩɩna Yesu kɛŋ zile nɛ. Aŋ ka dɩ ʋ kʋ tuu dʋnɩa, ʋ fa kɛŋ kɩaa nɛ woruŋ Wɩa-jaŋ lɛ, ama a tɩŋ ma wɩaa ʋ kɛŋ ʋ tɩtɩa kaa ŋaa summu nɛ dʋnɩa lɛ. Ʋ ŋaa ŋɩɩ dɩ ma wuo to ʋ lɛ nɛ a kuori.

Ɛfɛsɩs Nɩaa 4:32

Ama má kɛŋ zile dɔŋɔ lɛ, a fɩfá dɔŋɔ nenige. Má joŋ wɩaa chɩchɛ dɔŋɔ, arɩ Wɩa sɩ to Kirisito lɛ a joŋ ma wʋbɔŋŋɔɔ kala chɛma ŋɩɩ.

1 Jɔɔŋ 1:7

Ama dɩ la nɛ hɛ pʋlʋmʋŋ tʋɔŋ, arɩ Wɩa sɩ hɛ pʋlʋmʋŋ tʋɔŋ ŋɩɩ, ŋɩɩ-na la dɩ la dɔnsʋŋ tɩŋŋaa kala kɛŋ nii-bala nɛ. Dɩ la nɛ ŋaa ŋɩɩ, Wɩa Bie Yesu chalɩŋ ma jaŋ chɛsɛ la wʋbɔŋŋɔɔ kala ta.

2 Jɔɔŋ 1:4

Mɩ tʋɔŋ tɔrɔ kɩŋkɛŋ mɩ sɩ na arɩ ŋ biiriŋ dɔnsʋŋ to wʋtɩtɩɩ-la lɛ, arɩ la Nyɩmma Wɩa sɩ dagɛla ŋɩɩ.

3 Jɔɔŋ 1:11

Mɩ nandɔŋ choolii, sɩ́ nɩalɩŋ sɩɩ ŋaa wʋbɔŋŋɔɔ chesu. Ama chichesi nɩalɩŋ sɩɩ ŋaa wʋzɔŋŋɔɔ. Nɩɩ-la kala sɩɩ ŋaa wʋzɔŋŋɔɔ ŋaa Wɩa bii nɛ. Nɩɩ-la ma kala sɩɩ ŋaa wʋbɔŋŋɔɔ, ʋ tɩɩna bɩ Wɩa jɩŋ.