WƖA YƖƖLAA 2:9 - WƖA TENIŊ

⁹ Ŋ jaŋ bemba arɩ hɔɔ-daaŋ, a kɛnʋ yɛrɛba a nagɛ ba sɩ yie ŋmoo pupoiŋ ʋ yɛrɛ ŋɩɩ muno muno.’ ”

WƖA YƖƖLAA 2:9 ပူးပေါင်းရင်းမြစ်များ

WƖA YƖƖLAA 89:23

Mɩ jaŋ bʋrɩgɛ ʋ dʋndɔŋŋɔɔ ʋ sɩpaaŋ, a kpʋ nɩalɩŋ kala sɩ bɛrʋ.

AZAAYA 30:14

Ʋ jaŋ yɛrɛ muno muno a nagɛ pupoiŋ, nʋʋ sɩ bɩ jaŋ wuo na ʋ kanchele a kaa chaanɛ nyiniŋ koo a kaa kuoni lɩɩŋ pɩlɩŋ lɛ.”

AZAAYA 60:12

Dɩ tintee koo kuoru-gentine nɩaa nɛ hɛ nɩmɛ a bɩ sɛyɛ dɩ ba tɩma pɩpɩŋ, ba kala jaŋ sʋʋ dɛrɛ, ka dɩ ba tinteeŋ pɩŋ jikpeeŋ.

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JƐRƖMAAYA 19:11

aŋ bʋla pɩba, ‘Wɩɩ-la La TƖƖNA doluŋ kala Tɩɩna sɩ bʋla nɛ ŋ-la: Mɩ jaŋ yɛrɛ tinteeŋ deeŋ arɩ tabalɩŋ deeŋ a nagɛ ŋɩɩ taga deeŋ sɩ yɛrɛ, ŋ bɩra bɩ ʋ wuo kaa mɛrɛ dɔŋɔ. Ba jaŋ hugi sʋʋnʋŋ Tɔfɛf lɛ ŋɩɩ halɩɩ dɩ ʋ tinteeŋ kala dɛrɛ.

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

DANƖƐL 2:45

Duoso-la ŋ sɩ na dɩ bʋŋ yɛrɛ lɩɩ peeliŋ nyuŋ, ka nuhuobiine dee bɩ yɛrɛ, ʋ bʋbʋɔŋ nɛ ŋɩɩ. Bʋŋ-la sɩ yɛrɛ hɔɔ-la, kɔlɩɩ-la, chʋrʋ-la, hɔpʋla-la arɩ sɛlɩmɛ-la muno muno ŋɩɩ, Wɩa sɩ yʋga joŋ wɩɩ-la maachie sɩ jaŋ ŋaa nɛ a dagɛ ŋ-na kuoro ŋɩɩ. Ŋ duoso-la ŋaa wʋtɩtɩɩ nɛ, ʋ bʋbʋɔŋ ma ŋaa wʋtɩtɩɩ.”

MƖKA 5:8

Jekɔb doho nɩkaana-la jaŋ guoli tinteyee nɩaa tʋɔŋ, a hɛ nɩ-daŋ tʋɔŋ, a nagɛ naachigiŋ sɩ guoli baga kɩaa tʋɔŋ duuŋ lɛ. Ba nagɛ naachigi-bie sɩ guoli pie-laalɩŋ lɛ nɛ, a yie fɩla chɩchaalɛba a kɛmba pʋɔsa ta vɩvɛŋ ka nʋʋ tuo dɩ ʋ laaba ta.

Matiu 21:44

Nɩɩ-la sɩ tel tie-bii-la nyuŋ, ʋ tɩɩna jaŋ yɛrɛ muno muno. Dɩ tie-bii-la ma nɛ tel nʋʋkala nyuŋ, ʋ jaŋ bʋrɩgɛ tɩɩna.”

Jɔɔŋ Wʋnaalaa 12:5

Ŋɩɩ nɛ haal-la lʋl hambolibie, nɩɩ-la sɩ jaŋ beŋ dʋnɩa nɩaa kala arɩ hɔɔŋ dantɩga. Ŋɩɩ nɛ Wɩa joŋ bile kaa mʋ ʋ teeŋ a leŋ ʋ hɔŋ ʋ kuoru kpasa nyuŋ,

Jɔɔŋ Wʋnaalaa 19:15

Ŋɩɩ nɛ tokobiiŋ sɩ kɛŋ niiŋ woruŋ nyagaga lɩɩ ʋ niiŋ lɛ a kʋ lɩɩ. Tokobii-la nɛ ʋ jaŋ kaa yuo dii tinteyee nɩaa kala. Ʋ jaŋ kɛŋ hɔɔŋ dantɩga a beŋ dʋnɩa nɩaa. Ʋ jaŋ dagɛ dʋnɩa nɩaa ŋɩɩ Wɩa doluŋ kala Tɩɩna sɩ na baanɩŋ ba nyuŋ a magɛ. Ʋ jaŋ nʋɔsɛ ba bʋrɩgɛ a nagɛ ba sɩ yie bʋrɩgɛ tɩɩnɛnɛɛ ŋɩɩ a lɩɩsɛ sɩnɩŋ.