WƖA YƖƖLAA 128:3 - WƖA TENIŊ

³ Ŋ haala jaŋ lʋl biiriŋ yʋgɛ ŋ dɩa lɛ a nagɛ girep sɩ faasa nɛŋ. Ŋ hambolibiisiŋ jaŋ hɔnɔ golluŋ kɩaa dɩ-diiliŋ a nagɛ olif tɩɩsɩŋ.

WƖA YƖƖLAA 128:3 ပူးပေါင်းရင်းမြစ်များ

WƖAA DƖ-SUOMUŊ 49:22

Josɛf nagɛ tɩa sɩɩ nɛŋ nɛ woruŋ a chɩŋ lɩɩ-bulo niiŋ, ʋ naakelee jɛrɛ a tɔ leriŋ kala.

1 IZIRAL TƖŊŊAA NAABARƖŊ 8:40

Ulam hambolibiisiŋ fa ŋaa bayuori-wajɩaba nɛ, a yuyuo toŋ woruŋ. Ba fa kɛŋ biiriŋ arɩ nihee zɔlɔ arɩ mahɩŋ balɩa arɩ fii nɛ. Nɩaa deemba kala ŋaa Bɛnjamɩŋ doho nɩaa nɛ.

WƖA YƖƖLAA 127:3

Hambolibiisiŋ ŋaa kʋzɔmɔ nɛ La Tɩɩna yie joŋo pɩla, biiriŋ ŋaa zile kɩaa nɛ.

WƖA YƖƖLAA 127:5

Nɩɩ-la kala huoŋ sɩ suo arɩ to-hɛmɛ-la, ʋ jaŋ kɛŋ tʋɔtɔrʋŋ. Hɩɩsɩŋ bɩ jaŋ diiu dɩ ʋ nɩɩ yuo ʋ dʋndɔŋŋɔɔ.

WƖA YƖƖLAA 144:12

Leŋ dɩ la hambolibiisiŋ waa woruŋ, a nagɛ tɩɩsɩŋ sɩ waa, dɩ la toloo ma nagɛ kuoru dɩa jebiee ba sɩ kpɩɛra.

WƖA YƖƖLAA 52:8

Ama mɩ-na nagɛ tɩa-la ba sɩɩ yɩrɛ Olif nɛ a hɛ Wɩa dɩa lɛ a tʋtɔsɛ. Mɩ laa Wɩa chono-la sɩ bɩ dɛrɛ a dii nɛ a kaa mʋ wuu.

JƐRƖMAAYA 11:16

Mɩ-na ma TƖƖNA faa yɩrɛma olif tɩa sɩ kɛŋ pɩpaarɩŋ nɛ, a kɛŋ nɛnɛɛ sɩ faasa zɔŋ. Ama mɩ jaŋ leŋ dɩ pel-duoŋ dɔmɔ sɩ nagɛ taŋ sɩ dɔmɔ lu ʋ nyuŋ, a bori ʋ naakelee, dɩ nyiniŋ diiu.

ƐZƖKƖƐL 19:10

Ŋ naaŋ fa nagɛ girep tɩɩbɛ nɛ a hɛ girep tɩɩsɩŋ baga lɛ, ba chɔnsʋ kpagɛ lɩɩŋ niiŋ. Lɩɩŋ fa sɩ yʋga ŋɩɩ ʋ kel a nɛŋ nɛnɛɛ yʋgɛ.

Rom Tɩŋŋaa 11:24

Ma nɩalɩŋ sɩ paala bɩ tɩɩ-zɔŋ-la naakelee ŋaa aŋ ŋaa gɩrɩŋ tʋɔŋ tɩɩ-naakelee, ka Wɩa kɛmma a kaa mɛrɛ tɩɩ-zɔŋ-la lɛ, ʋ jaŋ wuo kɛŋ tɩa-la tɩtɩa naakelee ʋ sɩ kere ta a kaa mɛrɛ.