WƖA YƖƖLAA 127:3 - WƖA TENIŊ

³ Hambolibiisiŋ ŋaa kʋzɔmɔ nɛ La Tɩɩna yie joŋo pɩla, biiriŋ ŋaa zile kɩaa nɛ.

WƖA YƖƖLAA 127:3 ပူးပေါင်းရင်းမြစ်များ

WƖAA DƖ-SUOMUŊ 1:28

Wɩa pɛ ba lɛ aŋ bʋla pɩba, “Má kɛŋ doho a pʋŋa su tinteeŋ, má tɩɩ kʋŋ na-kala sɩ hɛ mʋgʋ-balɩŋ arɩ fille-la kala sɩ hɛ wɩa-nyuŋ arɩ kɩalɩŋ kala sɩɩ tuuri tinteeŋ.”

WƖAA DƖ-SUOMUŊ 24:60

Ŋɩɩ nɛ ba sʋl Wɩa pɩ Rɩbɛka a bʋl, “La dɩhaala, Wɩa jaŋ leŋ dɩ ŋ pʋŋ a yi bʋɩba bʋɩ, a leŋ dɩ ŋ doho nɩaa wuo ba dʋndɔŋŋɔɔ.”

WƖAA DƖ-SUOMUŊ 33:5

Ɛsɔ beŋ sɩpaaŋ a na haalaa arɩ ba biiriŋ a pɩɛsɛ Jekɔb, “Kʋbɛɛba ma nɩɩ to ŋ harɩŋ ŋɩɩ?” Ŋɩɩ nɛ Jekɔb bʋl, “Biiri-la Wɩa sɩ joŋo dii zile mɩ-na ŋ tɩntɩnna lɛ nɛ.”

WƖAA DƖ-SUOMUŊ 4:1

Adam pɩŋ ʋ haala Hawa ʋ kɛŋ luoruŋ a lʋl hambolibie, ba hɛ ʋ yɩrɩŋ Keeŋ. Ŋɩɩ nɛ Hawa bʋl, “Mɩ Tɩɩna Wɩa pɛ mɩ lɛ nɛ mɩ lʋl hambolibie.”

WƖAA DƖ-SUOMUŊ 48:4

Ʋ sɩ ʋ jaŋ ŋaa dɩ mɩ dʋa dɩ mɩ doho pʋŋ a ŋaa tintee daŋ. Ʋ sɩ ʋ jaŋ joŋ tinteeŋ deeŋ pɩ mɩ doho nɩaa kala a kaa mʋ wuu.

2 SAMƲƐL 3:5

Ʋ bii-dʋ ma nɛ Ɩtɩrɩm. Ɩtɩrɩm naaŋ nɛ Ɛgɩla. Hambolibiisi-la Devit sɩ lʋla Hɛbʋrɔŋ lɛ nɛ ŋɩɩ.

1 IZIRAL TƖŊŊAA NAABARƖŊ 28:5

La TƖƖNA pɩmɛ hambolibiisiŋ yʋgɛ nɛ, ama ba tʋɔŋ, ʋ lɩɩsɛ mɩ nanʋala Solomoŋ nɛ dɩ ʋ dii ʋ-na La Tɩɩna nɩaa, Iziral tɩŋŋaa kuoruŋ.

1 IZIRAL TƖŊŊAA NAABARƖŊ 8:40

Ulam hambolibiisiŋ fa ŋaa bayuori-wajɩaba nɛ, a yuyuo toŋ woruŋ. Ba fa kɛŋ biiriŋ arɩ nihee zɔlɔ arɩ mahɩŋ balɩa arɩ fii nɛ. Nɩaa deemba kala ŋaa Bɛnjamɩŋ doho nɩaa nɛ.

JOB 1:2

Ʋ fa kɛŋ hambolibiisiŋ balɩpɛ nɛ, hantolibiisiŋ ma batori.

AZAAYA 13:18

Ba jaŋ kpʋ ba bapʋɔsaa arɩ tosuŋ, ba bɩ jaŋ fá bii-mulluŋ nisusuŋ, koo a fá hambiisiŋ nenige.

AZAAYA 8:18

Na mɩ dɩ nɩalɩŋ kala La TƖƖNA sɩ joŋo pɩmɛ nɛ ŋ-la. La TƖƖNA doluŋ kala Tɩɩna sɩ hɛ peel-la ba sɩɩ yɩrɛ Zaayɔŋ lɛ, ʋ jonla la ŋaa magɩl nɛ a pɩ Iziral tɩŋŋaa.

MOSIS BƖRA WULLI WƖA WOMBIIŊ 28:11

La TƖƖNA jaŋ pɩma dʋa a yʋgɛ tintee-la ʋ sɩ hɛ niiŋ a pɩ ma naabalɩmaba arɩ ʋ jaŋ joŋo pɩma lɛ. Ma jaŋ lʋl biiriŋ woruŋ, a kɛŋ nɛsɩŋ arɩ kʋdiilee yʋgɛ.

MOSIS BƖRA WULLI WƖA WOMBIIŊ 28:4

Ʋ jaŋ pɛ ma lɛ dɩ ma lʋl biiriŋ a yʋgɛ, a leŋ dɩ kʋdiilee pʋrɩgɛ ma tinteeŋ lɛ, dɩ ma nɛsɩŋ, piesee arɩ bʋʋnaa ma pʋŋ.

SƖPAALAARAA 12:9

Ʋ fa lʋl hambolibiisiŋ mara arɩ fii nɛ, hantolibiisiŋ ma mara arɩ fii. Ʋ fa joŋ ʋ tolie-la pɩ baalaa sɩ bɩ ʋ nyɩŋ-nɩaa ŋaa nɛ ba jaa. Ka ʋ hambolibiisi-la ma, ʋ jaa hantolibiisiŋ mara arɩ fii sɩ bɩ ʋ nyɩŋ-nɩaa ŋaa a pɩba. Ɩbɩzaŋ ma fa laa Iziral tɩŋŋaa sɩpaaŋ jɩsɩŋ balɩpɛ nɛ.

1 SAMƲƐL 1:27

Bie deeŋ nɛ mɩ fa sʋlaa chɛ. La TƖƖNA ŋaa wɩɩ-la mɩ fa sɩ sʋla chɩchɛ pɩmɛ nɛ,